الأسود السود

𝔓𝔄ℜ𝔗 1 🦇

الأســود الســود

الكاتبــــه ” تاليــــــن “

📍لطفـا التصـويـت والتعليــق بيـن الفقــرات
📍متابـعـه حسـاب الواتـبـاد  tallen9n

ˋˏ✄┈┈┈┈┈┈┈┈┈┈┈┈┈┈┈┈┈┈┈┈┈┈┈┈

المــوصــــل _ ام الربـيعيــــن

- طلعت عالدرج للطابق الثاني مستعجله وصلت باب غرفتها اسمع صوت المنبه يدك وهي ماكو فتحت الباب ومديت راسي دحكت عليها نايمه ولا مهتمه ولا كانوا الموبايل احترك حرك وهو يدكفتت وكفت فوك راسها احجي وياها وهي ولا ترد اليشوفها يكول ميته ما نايمه مديت ايدي وصرت انخس بيها واحجي اريدها بس تكعد
أسمـاء :- بنتي كومي بسرعه تٲخرتي

-سحبت الغطا فوكاها و غطت راسها وانكلبت انطتني ظهرها ورجعت كملت نومها

جريت الغطا عنها
:- فضيني كوومي ذوبتي گلبي

مغمضه عيونها وتحجي
- اي ماما كمت بس خمس دقائق

:- اي خمس دقائق؟ كومي راح يجي الخط وانتي بعدج نايمه

توجـان :- فتحت عيوني ودحكتلها تأشرلي بأيدها بمعنى يلا تأفأفت بضجر وكمت نزلت من التخت وكفت كدامها وحجيت بانزعاج
- كـمت كمـت

:- ديلا فضيها راح انزل احظر الريوك بين ما تكملين

- ماشي

طلـعت رفعت ايديه فوك راسي تمرخت شـويه وتوجـهت لحمام الغــرفه امشي وعيوني مسدوده بعدني نعسانه دخلت سبحت اصحصح خلصت بسرعه وطلعت للقنصور وكفت اكلب بالملابـس وعيوني تتنقل بينهم بحيره صفنت واني افكر شلبس صحيت من صفنتي علئ صــوت مــامـا تصيح من جوه
:- هااي وين صرتي صارلج ساعه

اخذت نفس عميق و زفرته غمضت عيوني اصبر روحي
- اي اي جيت والله جيت

سحبت بسرعه بنطرون وقميص من القنصور ولبستهم كل شويه اريد اكع علئ وجهي جبح اني وعدلبس البنطرون بسبب الاستعجال خلصت لبس ملابسـي
ركضت علئ المـرايه خليت ميك اب بسيط وسريع ما اعرف اش سويت بوجهي من الخبصه ورجعت لفيت الشال كـل هذا وماما مستمره بصياحها الــي المنطقه كلــها سمعته بالكــوه لفيته ركضت طلعت حذاء لبسته ونزلت ركض عالدرج ردت ادعبل من فوك لي جوه من السرعه

دخلت عالمطـبخ لكيـت بابا واخويا صفوان كاعدين عالطاوله ماما تصبلهم الجاي فتت صبحت عليهم سحبت الكرسي حتى اكعد بس ما لحكت قاطعني حجه وهو يدحك علئ مـلابسـي ما راضيله
صـفوان :- شنو هــذا قميصج كـصير

شككني بنفسي وبلبسي دحكت علئ روحي ورجعت دحكت علي وهزيت راسي بنفي
- لا ليش ما بي شي مستـور