الأســود الســود
الكاتبــــه ” تاليــــــن “
📍لطفـا التصـويـت والتعليــق بيـن الفقــرات
📍متابـعـه حسـاب الواتـبـاد tallen9n
ˋˏ✄┈┈┈┈┈┈┈┈┈┈┈┈┈┈┈┈┈┈┈┈┈┈┈┈
شهكت بخفوت ولميت شفايفي للداخل باوعتلهم الكل ولا صوت بس عيونهم وكفت عليه صارت لحظات سكووت دام الصمت فتره وكسر حاجزه رسيم الي من صدمته وعدم استيعابه كام ما يعرف شيحجي
رسيم :- شتسوي بيد أمي ؟
جنت واكفه اتسمعلهم من الشباك اللي كاعدين بجهته الشباب تقرب يهمس بين ارغد وشامل خافي ضحكته
زاهي :- يلبسها الحلقه
شامل :- ويدخلون القفص الذهبي
أرغد :- انهجم بيتي اذا صددك صاارت
انحرج ورجع كفه كلامه
مزاحم :- طالب ايد امك للزواج على سنه الله ورسوله
هنا جانت الصدمه الجبيره لرسيم صفن بيه ما يرمش وما ديستوعب الصدماات ضل ساكت
مزاحم :- اتقبل جوابك شنو ما جان بس يا ريت تفكر
نهض متعصب
رسيم :- شفكر انت تحجي صدك ؟؟؟
وكف على وكفته
مزاحم :- طبعا صددك وفاتحتك بيه كدام الحاظرين واني رايد القرب منك
حجه متهستر كله تغير عصبيه وجهه بعد ما يتفسر
رسيم :- انتو رايدين تجلطوني
زاجر :- اهدى الرجال طلبهاا منك بأحترام وجااي عليك خل يكون جوابك عقلاني
رسيم :- ليش اني ضل بيه عقل شوو من فتت بهالتجمع العائلي وانتو تريدون تجننوني
مزاحم :- حقك تحجي وتتفاجئ بس لا تستعجل بقرارك و
رد فعلك
رسيم :- جاي تخطب أمي شمتوقع تكون ردة فعلي ؟!
مزاحم :- ما راح اخذ جوابك اليووم منتظرك تهدى وتفكر بالموضوع وبعدها متقبل جوابك رفض او قبول
ترخص ديطلع مرافقه زاجر يوصله للباب حجه من وراه متخبل
رسيم :- تنتظر يا جووواب مني اني الموضوع ما فات دماااغي وانت منتظر افكر بيه واردلك قراري
شامل :- اهدئ هددي اعصاابك اكعد
التفتله حسيته راح ينفجر عليهم
رسيم :- شكعد عقلي كاااام وما كعد
رفع ايديه بالهوا بحيره وضرب على رجليه
أنت تقرأ
الأسود السود
Actionالأسـود السـود " ذات الأقنعـة السوداء المُرهبـة بزخارف بيضاء مُرعبة " قصه حقيـقيـه مكتمله ⭕ فريــق من الأســـود اصـل الشجاعــه والقــوه لهم يعـــود يُرهبـــون الخصــم ببدلاتهــم الســود يقدمون التضحيات للوطن بلا حـدود بــوجودهــم يســ...
