حبي لك اكبر من كلام وشعور في عيونك ضاع قلبي واكتفى!

Part 1

-سُبحان الله وبحمده سُبحان الله العظيم
- نجمه لُطفاً وليس أمراً -
مُلاحظه : جميع بيوت الشعر او المدح من اجتهادي ولا أحلل من يقتبسها ويستخدمها او ينسبها لنفسه
__________________________________
الساعه 6:30 في بيت الجد تركي
بداية صباح جديد على ابطالنا صباح كان البعض مُتفائل فيه و البعض لا ، كانو البنات نايمين في غُرفه وحده و العيال كذلك الغرف فوضى بحكم انو امس اجتمعو كلهم في بيت جدهم تركي ...
دخلت عبير ع البنات عشان يقومون ويصلون ويبدون يومهم .
عبير : بنت انتِ وياها! اخر مره اصحيكم قسم بالله لأرش عليكم مويا ! مو حاله نص ساعه وانا اصحيكم!
جنى: عمتي ترا امس ما نمنا إلى الساعه ١ بنام شوي
جيان: خلاص صحيت روحي
عبير: ترا جدكم تحت ينتظركم الناس صَلّت وافطرت وراحت دواماتها وانتو للحين بفرشكم!
فزت وجد وتوسعت عيونها واردفت بأرتباك  : الساعه كم ؟!
عبير : 6:30
وجد توجهت لدورة المياه : يوههه دوامي الساعه 7  نص ساعه ماتكفي
فزو البنات وتوجهو يتوضون ويصلون
التفتت عبير ع جيان ونجد اللي ماقامو واردفت : وانتو ليه ما تقومون ؟ خلصوني جدكم تحت !
اردفت نجد : مُحاضرتنا الساعه  8 مو اللحين
عبير : وصلاة الفجر ؟
جيان: انا وهي كنا صاحين وقت الأذآن وصلينا
طلعت عبير و تركتهم ينامون

" عند العيال "
دخل هزاع عشان يصحيهم ولاكن كانو كلهم صاحين إلا متعب كان نايم ومغطي نفسه باللحاف ركض هزاع  ونط عليه ، صرخ متعب وقعد يتشهد و ضحكو عليه شال هزاع اللحاف عنه واردف وهو يضحك : ولد قم
متعب : وجع يامريض فيه احد يصحي نايم بهالطريقه! حسبتك جاثوم كتمتني! هين يا هزاع والله لأردها
رواف : عاد ذا البعير اذا حقد وش يفكك منه
هزاع نزل عقاله : ولد! عمك انا! وش ذا الأسلوب
متعب : فيه عمّ يصحي ولد اخوه كذا؟! انت عم انت؟
رواف : صح ترا صِحّياً ما يصلح ابداً ممكن يسبب الجـ
بتر كلامه جوّاد و نطق : انت اسكت لا تقعد تتفلسف فوق روسنا درينا انك دكتور مالي خلقك وانتو يلا انزلو جدي يقول ناد لي السلق اللي فوق
نزلو وكانت اجواء الصباح والكل مجتمع شعور حلوو!!
وريحة الكرك و العطور اوفف اوووففف
كانو يفطرون العيال لحال و البنات كذلك

-عند البنات

دخلت وجد ب مريولها وعلى وجهها ابتسامه واردفت : هاااي صبايا
اردفت ترف : الله الله ياحظظ اللي بفصلك على الجمال ذا بس وش سر الأبتسامه؟
وجد اعطتها بوسه بالهواء واردفت : ترا محد خلاني نرجسيه إلى انتِ اما عن الأبتسامه اختباري تأجل
قاطعتهم جنى بدخولها و واردفت : بونجور يا حلوين!
ضحكت عبير واردفت : تعالي يا امي تعالي افطري
جلسو وبدو يفطرون بعد مُده كسرت صمتهم حمده واردفت : اقول ترا جدكم عزم ناس جديده بالديره لهم ٣ ايام ساكنين اليوم المغرب بيجون قلت اعطيكم خبر عشان تتجهزون
توسسعت عيون ترف و اردفت : بس ماعندنا ملابس ماعندي إلى البجامه اللي علي!
اردفت جنى: عادي بعد ما ارجع من الدوام بقول لروافي يودينا كلنا مره وحده للسوق