حبي لك اكبر من كلام وشعور في عيونك ضاع قلبي واكتفى!

Part 4

-سُبحان الله وبحمده سُبحان الله العظيم
- نجمه لُطفاً وليس أمراً -
مُلاحظه : جميع بيوت الشعر او المدح من اجتهادي ولا أحلل من يقتبسها ويستخدمها او ينسبها لنفسه
__________________________________
| يوم جديد عند ابطالنا الحلوين |
الديره الساعه 5:40
رَعّـد : ياورع انت وهو قومو لا بارك الله فيكم راح وقت الصلاه الساعه ست!!
فيصل : يالييل ابعد بنام
رَعّـد : فصيييلللل قم الصلاه!
فيصل : الساعه كم؟
رَعّـد : ست قوم يلا توضى وصلِ وانا بقعد السلق
قم انت وياه ولا والله لأعلم عليكم جدي
ناصر : الناس تتصبح ب صباح الخير وانا اتصبح بتهديد هاه وش تبي؟
رَعّـد : ابيك تصلي
ناصر وهو يتوجه لدورة المياه 'اعزكم الله' : طيب بس الله يعينك ع سلطان لو تفجر قنبله ما درا عن هوا دارك
سلطان: ترا سمعتك يا حيوان
رَعّـد : اللهم سكنهم مساكنهم
بعد ما أدو فروضهم وكلهم ندم ما أدو الفرض بوقته توجهو يسون فطور وكان نواشف

- في مكان آخر يناظر لها وكله حب كانت تتأمل الشروق
المجهول : برد ترا! ادخلي لا تمرضين
كشرت وتعكر صفوة صباحا وارسلت له : ممكن اعرف وش تبغى؟ يعني بس كذا بتستفزني
ارسل لها : ما عاش من يستفزك
ارسلت : طيب؟ اللحين وش تبي!
ارسل : ابيك انتِ ابيك لي لحالي ابيك تصيرين حقتي!
ارسلت : تعرف اني ما ابيك و اصلاً يعني انا احب
حس بقلبه يتهشمم ، كسرته كلمة 'انا احب' يحس قلبه يوجعه جته رجفه ودوخه وقلبه يعوره هذا مو خفقان قهوه هذا خفقان الغيرره ارسل لها وكله غيرره : من هو حبيبك؟ غايتي بسس اهننيييه!!!
ارسلت : متأكد بس بتهنيه؟
اردف بينه وبين نفسه لا والله مو متأكد بس بخليه يعض الأرض وبعدها يودعك ياالله يارب اسألك بعرشك العظيم انك ما تكتب بينهم نصيب اذا كان نصيبهم بيكسر قلبي ثم ارسل لها : ايه بس بهنيه
ردت : انت تحبني لدرجة الجنون شلون تقبلت الفكره بالسهوله ذي؟ ما اثق فيك عشان اقولك اعذرني
ارسل : ودامك تعرفين اني احبك لدرجة الجنون وان قلبي يحترررققق كأني بانزين وشبيتي فيه نار ليييه تحرقينيي ليييه! احس بمووت انتِ تحببين احد غيريي!
ردت : اهجد يا مريض تراك ماخذ بنفسك مقلب انا مو لك ولا ممكن يجي يوم اكون لك وتراك غريب اغرب منه بعد على الأقل انا اعرف من احب واعرف تفاصيله وحتى اصغرها بس انت؟ انت حتى اسمك حرمتني من نطقه انا ما اعرفك ولا انت تعرفني!
ارسل : انا اعرفك!
ردت : لا ما تعرفني
رد : لا اعرفك!
ردت : ما تعرفني
صدمها لما ارسل لها كل معلوماتهااا حرفياً
اسمك : وجد بنت خالد ****
عمرك : 18 سنه و 25 يوم
عدد اخوانك : 4
ترتيبك بالعائله : الثالثه
لون عيونك : عسليه
لون شعرك : بني فاتح
لونك المفضل : ازرق وابيض
أكلتك المفضله : باستا
مشروبك المفضل : شاهي و V60
وش تكرهين : التجاهل و الرد المتأخر ينرفزك مره
اقرب صاحبه لك : هيام
حسابك سناب :*****
حسابك سناب الوهمي:****
رقمك :"""""""05
حسابك انستا :****
حسابك تويتر :***
حسابك تيك :****
اكثر شخص تكرهينه: وجدان
هاه اعرفك ولا لا؟
فزت بخوف و سعاده انه فيه شخص يهتم بأدق تفاصيلها ثم ارسلت : امانننه لا تبعثرني! انا احب غييرك!! افهمممم انا ماا ابييك انا ادعي اني اكون نصيب لشخص غيرك خلاص ابتعد لك اكثر من سنه وانت على هالحاله انساني!!!! اكثر من مره قلت انك تحبني بس انا ما احبك خلاص انتهينا!
رد عليها وكله عتاب وحزن : اوكلما جئتك حاملاً لمودتي اشعلت ناراً في الحشاء احرقتني؟ اوكلما انوي التقرب باكياً أفرغت في قلبي الرصاص وقتلتني؟ اوكلما جئتك صابراً متجلداً صوبت سهمك للفؤاد وطعنتني؟ هل انت حقاً من حباني حبه؟ أتسترد اليوم ما اعطيتني؟ لاكن دامك تبين الفرقا يا وجّدي ابشري وسَمّي ...
كانت هاذي اخر رساله بين العشاق ، جاهله ان اللي يحبها هو نفسه اللي تحبه وتدعي كل ليله انها تكون من نصيبه