حبي لك اكبر من كلام وشعور في عيونك ضاع قلبي واكتفى!

Part 8

-سُبحان الله وبحمده سُبحان الله العظيم
- نجمه لُطفاً وليس أمراً -
مُلاحظه : جميع بيوت الشعر او المدح من اجتهادي ولا أسامح من يقتبسها ويستخدمها او ينسبها لنفسه
__________________________________
وعشان افهمكم قبل نبدا كلنا نعرف ان الشوفه الشرعيه تكون قبل الملكه عشان يحدد الرجل اذا بيقبل انها تكمل باقي حياتها معاه وكمان المرأه تشوف اذا ممكن تقبل فيه ابو لعيالها وانتو عارفين انهم خطبو ترف بالكلام بين الحريم والأن بتتم الخطبه عَلن والشوفه بنفس اليوم لأن ترف مستخيره قبل وموافقه عليه
...
- بيت ابو راكان الساعه ٦ المغرب
ابو متعب : حياكم الله يا هلا والله ومسهلا
ابو رعد : الله يحيك يابو متعب
ابو متعب : البقى استريح المحل محلّك

- عند الحريم
أم متعب : يا ترف ما خلصتي؟ الحريم تحت اخلصي سلمي عليهم بالمجلس وخوذي القهوه وقهويهم ..
ترف وهي تحط البلشر : ابشري
اللتفتت للخلف وشافت نجد تطالع لها وتبتسم
ترف : خير شفيك تتبوسمين؟
نجد : جايين يخ
بترت كلامها بسبب تذكرها لكلام امها بأنها ما تبلغ ترف بأن رعد جاي يخطبها رسمي بالعلن ،
ترف : شفيك الحمدلله والشكر انقلعي خليني اخلص
فكت مَكرات شعرها وانسدل على ظهرها كان فستانها بألوان الخريف ميدي لبست عقدها الألماس ونزلت تسلم وتقهويهم
ديم : وييياااا بختك ياالرعد يالخايس قسم بالله كثيره عليه وه تهبللل
ام رعد : اشوفك قلبتي على اخوك؟ اسكتي بس لا تفشليننا عند هالناس الراقيه
بترت كلامهم ترف وهي تمد الفنجال لأم الرعد : سَمّي
ام رعد : ما تسَمّين يا عمري

- مَجلس الـتّـركِي عند الرجال
مكان تَعُم فيه الروائح الجميله اندمجت ريحة القهوه المهيّله اللي تقعد الراس مع ريحة الباتشولي و العنبر
الرعّد بحدة صوته الجهوري : جيناك يابو متعب وما حِنا على بعض اغراب واليوم جيناك نبي نزود القرب قُرب وانا رَعّد ولد سلطان الـسَـيّـاف طالب ٍ بنتك تَـرّف على سُنة الله ورسوله !
ابو متعب : والنعم بك وبأهلك اللي اعدهم اهلي مابنلاقي لترف احسن منك نقول إن شاء الله ومتى ما فضيت نحدد موعد الملكه
رَعّد : و الشوفه؟ انبتر حديثهم لما ...
_______________________________
كاسر يبلغ من العمر ٢٦ ربيعاً
اهله متوفين بحادث سيّر مُروع ماله بهالدنيا إلى صاحبه " مشاري " يشتغل تاجر في الذهب و المجوهرات وارث محلات ابوه وعرف ترف بسبب شرائها للذهب من محله بكثره  ..
< فلاش باك >
ترف : اخوي طلع لي هاذي الغويشه
كاسر وهو يطلع الأسواره : تقدرين تناديني كاسر بدون 'أخوي' لأنك مو غريبه انتِ من عُملائنا المميزين
ترف : تمام يا كاسر ابغى منها سبع لاهنت
كاسر : انتِ تبغين الغوايش؟ وانا ابي رقم ابوك
ترف وهي عاقده حواجبها بعدم فهم لمقصده : وش تبي برقم ابوي؟
كاسر : ابدد بتقهوى بمجلس ابوك وبخطبك من عنده
ترف وهي تضحك بهدوء : انا مخطوبه ومعطينه الموافقه بس متى بيجون يخطبون باللعلن وتتم الشوفه ونحدد موعد الملكه ما اعرف هاك رقم ابوي كلمه وخذ منه موعد وتعال عازمتك على خطبتي ما لاحضت منه ردة فعل رفعت بؤبؤ عينها عليه وشافته ماسك الطاوله يحاول يتماسك لأجل مايطيح على حيله ولكن أبت محاولته بالفشل وطاح على الأرض مُغمى عليه وسرعان ما دخلت في الممر اللي هو فيه وسحبت علبة ماء ترشها على وجهه اردفت بصوت عالي للأشخاص اللي برا : يا ناااس ساعدوني فيه اللتفت عليه وطبطبت على خده بذعر : ياربي لا تموت تكفى!!! دخل الموظف اللي يشتغل مع كاسر اللي بالأصل غادر يجيب شاهي لكاسر و الأن كاسر واقع على الأرضيه الرخاميه البارده مُغمى عليه
أحمد البالغ من العمر ٦٠ عاماً: وش صاير بالأستاذ كاسر؟
ترف : مااا أعرف ياعمو عزمته على خطبتي وطاح كدا!
أحمد : وش هالمصيبه يابنتي ليه تعزمينه!!!!
كانت جاهله بأن كاسر وقع بِشبَاك حُبها قبل خمس سنين ، اول مره دخلت المحل كان عمرها ٢٠ استمرت عميلته وحبيبته بالمجيئ إلى محله كُل شهر على الأقل والأن نفس الموقع مع اختلاف الأعمار تعزمه على ملكتها وطاح مغشي، فقد أهله مايبي يفقد حُبّه بعد!