حبي لك اكبر من كلام وشعور في عيونك ضاع قلبي واكتفى!

Part 2

-سُبحان الله وبحمده سُبحان الله العظيم
- نجمه لُطفاً وليس أمراً -
مُلاحظه : جميع بيوت الشعر او المدح من اجتهادي ولا أحلل من يقتبسها ويستخدمها او ينسبها لنفسه
__________________________________
الساعه 6:30
- عند الـسَــيَـاف
الهنوف : ريفاان ايهم اللبس ابيض ولا الأزرق ؟
ريفان : طبعاً الأبيض! احس يمثلك
روان : يالبيهه يا عمهههه يالبى الأبيض انا!!!
الهنوف : ويالبىىى الكُحلي و الوردي!!!
كانت روان مسويه شعرها مّكسَر ولابسه فستان كُحلي ماسك ع الجسم ومن بداية الأكتاف قماش من نفس اللون اللين اخر جسمها
اما ريفان فكانت لابسه فستان وردي ماسك من فوق لين الخصر وبعدها تبدأ كسرات الفستان بالجلد بذات لون الفستان كانت اطلالتها ناعمه ومسويه شعرها ويفي وروج نود
اما هنوف كانت لابسه فستان ابيض ماسك لين فوق الركبه وتزين الفستان لؤلؤ صغييير معطيه للفستان شكل وكعب مُرصع بالؤلؤ
وديم كانت لابسه فستان من حرير لونه عنابي ومن عند الظهر فيه خيوط تشد الفستان اكتفت بوضع روج عنابي وبلاشر ومسكرا وحطت مناكير ع يدها اللي تنافس الريشه برقتها
فيصل : البنات عماتي
روان : شتبي؟
ريفان : اخلص مالي خلقك
فيصل : اما مقفوط لهدرجه ؟
روان : كنك فنجال بوسط كاسات
ريفان : لا لا كأنه حبة هيل ف الرز ، الزبده شتببي؟
فيصل : جدي و ابوي يبون يتبخرون ولا لقيت العود
روان : المطلوب من المذكور؟
فيصل : المطلوب هو اني ابي العود ولك مني قهوه
روان : فصيل ! تدري تدري اني احبك واموت فيك؟ تم روح وانا اللحقك ب العود!
نزل فيصل وعلى ثغره ابتسامه وهمس : اوف طلع عندك نُقاط ضعف هههههههههههه

الساعه 7:00
لحقته بالعود و المبخره ونطق سَيّاف : هاه خلصتو؟
تقدمو يسلمون ع راس الجد واردفت ديم : ايوه خلصنا يا بَعَد حَيّي و مِيتِي!
سياف : اجل توكلنا على الله ...
__________________________________
- في بيت الجد تركي
كانو لابسين وجاهزين و ينتظرون ضيوفهم ع احر من الجمر والبنات خصوصاً انهم ٥ ف يبغون من يزيد التشكيله ، وُصَلو الـسـَـيّـاف وتوجهو النساء لقسم النساء! و الرجال لقسم الرجال
- عند الرجال
متعب : يا مرحباً ترحيبةٍ كُلها لكم! تكسيكم من روسكم ليا حد ماطاكم تو ما نور البيت
رواف : يا مَرحباً يامَرحباً حَيّاكُم الله اسفرت وانورت
جَوّاد : ارررحبووو حَياكم الله
راكان : حياكم اقلطو!
السياف : البقى البقى منور بأهله الله يحيكم و يبقيكم يا عسا هالبيت عامر بأهله ونَاسِه توزعو بالمجلس وبدت السوالف تأخذ مجراها...

- عند البنات
عبير : الله يحّي هالوجيه السَمحه
حمده : يا مَرحباً تراحيب الصحاري للمَطر
جيان : يالله ان تحيّهم ! تفضلو البيت بيتكم
ليلى و البنات : تسلمونن الله يحييكم ويبقيكم يا بعد حَيّي!
دخلو وتوزعو بالمجلس
حمده : ما عرفناكم ع انفسنا!
اردفت وهي تأشر ع عبير ، هذي بنيتي عبير اخر عنقودي وهذول بناتها جَـيّـان و وَجّـد ..
اردفت مُكمِله لكلامها وهي تأشر ع نـجـد وتـرف : وهذول بنات الشيخ عُمر ، نـجّـد و تَـرف
اشرت على جنى و العنود واردفت : وهذول بنات الغالي هزاع ، جَـنّى و الـعَـنُـود
ليلى : ما شاء الله تبارك الله يهبلون بسم الله عليهم الله يّقّر عيونكم فيهم يارب ...
آمنّت حمده ع دُعاها وبدت تنصت لليلى اللي كانت تعرف ع نفسها وبناتها و احفادها
حمده : ما شاء الله يهبلون ، تشوفينهم بأعلى المراتب إنشاء الله
وبدت السوالف تاخذ مجراها ..
خلود : احس طفش
اميره : شناويه عليه؟
خلود : تشوفين اللحين اشتهيت اسوي شوشره
اميره : الله معك
خلود التفتت ل جنى اللي كانت مسويه شعرها كيرلي افريقي واردفت بأستهزاء و عَلو : وع وشذي الكشه يا جنو ! نستي تستشورين شعرك ولا وش؟ قوموك وجيتي تركضين يعني ولا شنو بالضبط؟ اوف وعععوه تفشلين فشلتينا عند ضيوفنا
جنى اللي تنرفزت وودها تمسح بوجه خلود البلاط لاكن قررت تحشم الناس الجدد اللي بالمجلس واردفت بهدوء رغم العواصف اللي تبرق وترعد داخلها : شدعوه يا خاله ما تفرقين بين الكشه و الكيرلي؟
خلود: تخلخلت عظامك ! لا تقولين خاله!!!
فزت نجد تفزع لجنى اللي شخصيتها حسساسه وعارفه ان خلود ضايقتها بكلامها واردفت : اييي دايم الحقيقه تعور بعدين اشوف الله رازقك الحمدلله وراك ما تروحين العيادات تخفين التجاعيد اللي ماليه جسمك بشكل مقزز وتبينين انك صغيره ذيك الساعه نناديك بأسمك
خلود : خير يالملسونه وشدخلك محاميه لها ولا وش بالضبط؟
نجد :انا وجنو واحد ياعجوز قريح ويلا تقلعي لا اشوفك
خلود : انا يانجد ؟ انا تطرديني من بيت اخو المرحوم؟
نجد : ايه انا ، مجلس جَدي يتعذر قليلين الذوق! انتِ غلطتي ومن دق الباب لقا الجواب ويلا تقلعي لا ادق ع متعب ويجي يتلك مع شوشتك!
حمده : نجد! هذي مو عاداتنا اشوفك خنتي عاداتنا! الضيف لو هو عدوٍ معاديك غصب ٍ عليك تقدره في وسط بيتك هذي ضيفه ومو اي ضيفه هذي حُرم المرحوم!
نجد : جده! هذي جت بدون عزيمه! ولو جت حاشمه نفسها وحشمت الناس اللي ماللين المجلس كان فرشت لها عيني وغطيتها بجفوني بس هي قليلة ذوق ولا هي اول مره تحرج بنت عمي وتبيني اقدرها؟ اللي يبي الأحترام يحترم نفسه والناس بتحترمه! لاكن انها ما تحترم نفسها ولا تحترم ضيوفنا تبيني احترمها؟ الا تَخّـسِـي و تّـعَـقُـبْ ولـو درا لها جدي كان طردها!
اخذت خلود شنطتها وعباتها واردفت : هيين يا بنت عمر والله لا اخليك تندمين لأنك حطيتي راسك براسي ولا ما اكون خلود!
نجد : اعلى ما في خيلك اركبيه يلا تقلعي واللقطي ما تبقى من كرامتك ولا تكثرين هرج!
التفتت نجد لليلى و عفاف واردفت : السموحه منكم ع اللي صار لكم الحَشّمه و التقدير والله انكم فوق راسي لاكن طلعت من طوري ما أحب اشوف الغلط بعيوني واسكت!
عفاف : عادي ياروحي
ليلى : حصل خير يا بنيتي