- سيارة jeep عاليةوصلتنة لساحة ترابية تبعد من بيت عمو ياسر شي 10 د محواطة من كل الجهات بسياج حديد عالي، وبدينة... التدريب الاول: الركض. بكل مرة اركض واوصل لنص الساحة، يأمروني ارجع من البداية، مرة ومرتين وبالثالثة... الياس: شنو ليش جاي ترجعوني ترة تعبت!!! ياسر: بطيئة. نورس: كلش. الياس: يابة ترة سريعة. علي: تركضين نص الساحة ب40ث،ارجعي يلة. الياس: بكم ثانية تردون لعد؟؟ نورس: اقل وقت ممكن. الياس: تمام. -رجعت اركض بس اسرع وهالمرة كملت الساحة مرتين بدون ميرجعوني من البداية.. علي: عفية، بالمرة الاولى جان الوقت 40ث للساحة كلها وبالمرة الثانية 32ث للساحة كلهة عفية. التدريب الثاني: التحمل. نورس: بهاذا التدريب راح نختبر قدرة التحمل عندج،بالمرحلة الاولى راح نختبر طول نفسج، والمرحلة الثانية قدرة تحملج للحرارة، والثالثة تحملج للضرب. الياس: سلملي. المرحلة الاولى: - سطل مي كدامي ونورس وراية بدون سابق انذار غطت راسي بالمي، ارافس اريد الهوى بس استحملت وقررت افكر بأشياء تلهيني وتنسيني الي اني بي، مو بيدي بس فكرت ببابا، مشتاقتله، شلون جان يداريني ويسأل علية، الغراض الي جان يجيبلي ياهة، حنانه على ماما رغم هية جانت نكدية وتحب العرك،بابا انسان طيب وقنوع، مشتاقتله... - رفعت ايدهة من راسي وطلعت راسي من الحوض.. ياسر: good job، طول نفسج 60 ث، دقيقة كاملة. المرحلة الثانية: - واكفة بنص الساحة،وصبوا بانزين داير ميدوري على شكل دائرة.. الياس: هاا شني كبينة؟ راح تمثلون بية؟! نورس بضحك: احنة مراح نكب، انتي راح تكبين. ياسر: اذا تحملتي حرارة النار لمدة ربع ساعة فانتي هيرو. الياس: خوش. - شعلوا النار،بالبداية ما تحملت النار وكعدت اصيح، بس بعد دقيقة دقيقتين،جسمي تأقلم، صح احس بحرارة النار واتأذى بس الوضع طبيعي. علي: ها شنو عجبكم الوضع راح تصير نص ساعة، طلعوهة مو راحت استوت. المرحلة الثالثة: - غسلت وجهي، وستوني افتريت شفت نورس كدامي ضربتني بوكس، حيل تأذيت،مسحت خشمي من الدم،وبديت اقاومهة، اتفادة ضربة تسمطني بضربة، استمر الوضع فترة طويلة تقريباً، واني هوايييي نضربت، جانت ضرباتهة قوية لدرجة... الياس: هاي شبيج عبالك عدوتج. نورس: غير ادربج. الياس: يا ادربيني هوة انتي غير فلشتيني تفلش، جاي اشوفج عشرة. ياسر بضحك: بس والله بطلة تحملتي، نورس مرة ضربت واحد ضربة وحدة اغمى عليه رأستاً. الياس: غير اني ما احجي. - مر شهر كامل واني كل يوم بتدريب جديد،تعلمت على السلاح والسياقة والدراجة وعلى ابسط التفاصيل، علموني الرماية والسباحة وركوب الخيل،وطول مدة الشهر هذا كله جان ببالي سؤال... الياس: عدي سؤال. ياسر: سألي ونجاوب. الياس: اذا انصابيت او تعرضت لحادث او لاي سبب من الاسباب نزفت نزيف قوي،وحتاجيت تبرع للدم، منين تجيبون الدم اذا فصيلة دمي هي الوحيدة بالعالم؟؟ نورس: ليش تعتقدين فصيلة دمج مميزة لعد؟ الياس: غير لان يكدرون يصنعون منهة مخدرات؟ نورس: اي؟ ليش؟، باعي الدم بيه كريات دم حمر وبيض وبلازما صح؟ الياس: اي. نورس: دمج بيه كرية بنفسجية اسمهة الكرية المجددة، سبحان الله هاي الكرية تفرز انزيمات بمساعدة الكريات الحمر هاي الانزيمات تتحول لاقراص زغيرة حيل هاي الاقراص تتجمع على شكل حزم وهاي الحزم بمساعدة الكريات البيض تتحول الى سائل لزج احمر شديد البياض الي هوة دمج. ياسر: يعني حتى كريات الدم البيض والحمر والبلازما بدمج الها وظائف تختلف عن الوظائف بدمنا. علي: اكلكم صوت ما اسمع بتول نامت. ياسر: يبوو اذا بتول نامت بعد لازم منعيش. علي: هذا الموجود، معاجبك؟ ياسر: لا يابة عاجبني، امرنا لله. - ضحكنة بهدوء،حتى نورس لا تكعد نومهة خفيف لدرجة. علي: اايه، الياس بابا، ورة متخلص المهمة شناوية تسوين؟ الياس: ما اعرف. نورس: شنو حابة تصيرين؟ الياس: هندسة ديكور داخلي. علي: ان شاء الله، واني احلج مشكلة الميراث الي باكو اهل ابوج. الياس: لا اني مسامحة بيه. علي: بس هذا حقج!! الياس: ادري حقي بس لخاطر ابوي اني عايفته ما اريد. علي: شكول! براحتج. الياس: اني نعست رايحة انام، تصبحون على خير. الكل: وانتي من اهل الخير - دخلت لغرفتي، حطيت راسي عالمخدة، بالاصل اني عندي خطة بس ممتأكدة اذا اسويهة. - بعد يومين: ياسر: يلة دخلوا بدلوا وتعالوا حتى ننطلق، وها لبسوا مناظر سود حتى نصير شخصيات مرتكزة. نورس: اي ونمشي هاي المشية الي بالافلام وورانة ضوة ونمشي بطيء، عود هيبة وكذا. - ضحكنة ودخلنة كل واحد غرفته، بدلة سودة سترتهة طويلة شال اسود ونظارات سودة سلاحي على خصري وساعة بابا الجلد احس بوجوده واني لابستهة، ساعة كلاسك قديمة ستايلهة بسيط،الجلد مهترء. ياسر: هاا شنيي نمتوا مطلعت ملابس،هاا اكو سماعات بستر بدلاتكم لبسوها. - طلعنة من غرفنة، كلنة كشخة. علي: بتول، بتول بابا يلة تعاي. ياسر: كرم كرم، اخذ بتول وللمركز وابقة يمهة. كرم: حاضر سيدي. - طلعنة للكراج عمو علي بسيارة رياضية، وعمو ياسر ونورس بسيارة جي كلاس، تخصرت وصحت.. الياس: اي اني رايحة مشي، اسلم عليكم. - ضحكوا،طلع عمو ياسر من جيب سترته سويج وتقرب... ياسر: هاج، بوية كلتنةوشربتنة، ذيج دراجتج. - اباوع للدراجة، دراجة سازوكي اليابانية GSXR750.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الياس: عمو. ياسر: هاا؟ الياس: رحمة على امك وابوك، رحمة ونور تنزل على والديك، اروحلك فدوة عمو الحلو. علي: اه! الياس: اي والله متشوف الدراجة، اويلي عليك جيسوسس. - ضحكوا وصعدوا بسياراتهم، صعدت بدراجة شغلتهة لبست الخوذة، ونطلقنة، نمشي على الطريق والهوى بارد يخبل وبدت تمشي سيارات ورانة رياضية وعسكرية وسيارات شرطة هواي سيارات،فاجأني صوت عمو علي.. علي: الياس تسمعيني؟؟ الياس: اي. علي: هاي السيارات ويانة لا تخافين. الياس: تمام. ياسر: الياس،شغلي التلفون الي على الدراجة. الياس: شغلته. ياسر: طلعلج موقع مو؟ الياس: اي. ياسر: امشي عليه، هذا راح ياخذج للبيت. الياس: ماشي. - مشيت على الموقع وبديت اتقرب. - ليلة امس الساعة 11:40 ليلاً: ياسر: باوعوا، الخطة كالاتي: الياس مو لكينة متتبع بملابسج من اجيتي هنا وكلتي اكيد قربان حطته من تعاركتن ببيت علي؟ بس الراصد رصد شبكة غريبة غير مسجلة بالسستم مالته للذلك وكفهة، فهسة راح نفعل هذا المتتبع ونخليهم يعرفون مكانج بس راح نلعب عليهم.. علي: يعني؟ نورس: يعني باليوم المنتظر راح تروح الياس وحدهة لبيت بغابة وتفعل المتتبع هناك،وهمة اول ميرصدون موقعج، راح يجونج اسرع من البرق،لان جاسوسنة كال همة كالبين الدنيا عليج حتى بالناصرية مدورين، المهم يعني حنخليهم يجوج لحد البيت وبعدين احنة ننقض عليهم.
