𝗨𝗡𝗞𝗡𝗢𝗪𝗡.

𝐩𝐚𝐫𝐭 𝐭𝐰𝐨.

- فتح بابا الغرفة بمعنى اطلعي..
الياس: دكتور بس فهمني شنو فصيلة دمي مميزة شنو اكون بخطر...
- بعدني ممكملة كلامي شفت نفس الرجال الطويل الي جان بمكان شغلي واكف كدام الباب.. باوعتله بصدمة وهو يبتسم.. انتبه الدكتور لوجوده سد الباب بسرعة وقفله..والرجل بدأ يدك الباب قوي لدرجة تقشعر..
الدكتور: كتلج طلعي من مساعة هسة حتى اني تورطت بسببج.
الياس: دخلي افهم شكو يلة.
- اتجه ناحية رف مال كتب ضخم دفعه جان طلع وراه باب..
الياس: هذا شنو الباب دكتور؟
الدكتور: هاي ابواب دخول وخروج مخفية تحطهة المستشفيات للشخصيات المهمة..
- فتح الباب وكلي تحركي دخلت بممر طويل، دخل وراي ودفع الرف وسد الباب مشينة شوية وسمعت صوت باب انكسر ..
الدكتور: يلة استعجلي ما راح يعوفونة بحالنة.
الياس: يا همة بس فهمني وشيردون مني، وهذا الرجال الطويل شفته يباوعلي بمكان شغلي منو؟
الدكتور: بس نوصل لمكان آمن افهمج هسة اركضي.
- وصلنة لنهاية الممر فتح الباب وطلعنة على كراج سيارات، شغل السيارة وتحركنة..
الياس: بس ممكن اعرف اسمك حالياً اذا ما تصير زحمة عليك؟
الدكتور: اسمي ضرغام.
الياس: ونعم والله اني الياس، وهسة ممكن اعرف وين رايحين؟
ضرغام: باعي بابا راح نروح لعيادتي، هية يعني بعدهي مو عيادة يعني بعدني ما فاتحهة بس جاي ارتب بيهة.
الياس: اي، زين ليش جاي تساعدني؟
ضرغام: من نوصل افهمج.. خرببب!!
الياس: شك.. بعدني ممكملة نضربت سيارتنة من ورة بقوة، لدرجة نضرب راس ضرغام بالستيرن..السيارة فقدت التوازن وصوت الرمي كب، اباوع لضرغام مغمى عليه ودم يصب من كصته، والسيارة الي ورانة ظلت تدفع بالسيارة تحاول اطلعنة من الطريق الرئيسي.. دفعت ضرغام من الستيرن وحاولت ارجع السيارة للطريق..بس لان ما اعرف اسوق السيارة كدرت اطلعنة من الطريق.. بديت احس بخطر جبير عبالك السيارة راح تحترك وبدة يطلع دخان من البنيد وحركة السيارة بطئت لحد ما وكفت.. وصارت سيارة سودة كدام سيارتنة.. انفتح الباب الي على جهتي نفسه الرجال الطويل.. سحبني من ايدي واني اقاوم ضربته بوكس على بطنه ولا كأنه ضربته..ونزل رجال جبير من السيارة السودة ابتسم ابتسامة خبيثة واشر براسه للرجال الطويل.. الرجال الطويل شال سلاحه وضربني بيه على راسي وعيني ما تشوف غير الظلام.
- عيوني مشوشة وراسي يوجعني، ايدي ورجلي مكيدة، وضحت الصورة بعيوني وبديت اشوف غرفة وكأنها غرفة مستشفى بس ماكل عليها الزمان وشارب.. باوعت بصفي لكيت شخص يتمضحك بهستيرية، وانبوب زغير يسحب دم من ايدي، كام الشخص وطلع برة الغرفة ودخل الرجال الجبير الي شفته نزل من السيارة السودة..
الياس: اني وين وانت منو وشتريد مني؟
الرجال الجبير: سالي سنين منتظر هاللحظة الي الكاج بيها!!
الياس: شنو؟!!
- دخلت البنية الي شفتها سوت حادث كدامي.. خذتني حالة صدمة بعدين استوعبت وضحكت بأستهزاء...
الياس: يعني هاي لعبة علي!! زين بس اريد اعرف شنو المميز بدمي؟؟!
البنية: اولا احب اعرفج بنفسي قربان ثانيا اي نعم لعبنة عليج اصلا احنة سالنة شهرين شاكين بيج بعدين تأكدنة وجبناج ثالثا المميز بدمج ان هو 𝐃𝐏𝐎 فصلية الدم الوحيدة بالعالم.. وتعتبر مميزة لاسباب طبية عديدة لكن بالنسبة النة فهي مميزة لان يمكن تصنيع منهة اقوى واغلى مخدرات على وجه الارض.

يتبع...
🙂💗.
نرجع ونكول: جميع ما يذكر في الرواية لا يمد للواقع بأ صلة.. فاا لا تفكرون هواي.. كله مجرد خيال مني😔✨.