𝗨𝗡𝗞𝗡𝗢𝗪𝗡.

𝐩𝐚𝐫𝐭 𝐞𝐢𝐠𝐡𝐭.

وصلت للبيت اربع طوابق،دايره ميدوره خضار وزرع اشكال ورود، دخلت للبيت وفعلا فعلت المتتبع،فضولي دفعني افتر بالبيت،اثاث  قديم، لوحات تاريخية،البيت مترب، فتحت باب غرفة واستقبلتني ريحة تراب خنكتني،كعدت اكح..
ياسر: الياس؟
الياس: نعم.
ياسر: شبيج تكحين؟!
الياس: التراب خنكني.
ياسر: روحي للمطبخ..اكو مكان سري بيه قناص.
- تمشيت للمطبخ..
ياسر: رفعي الحنفية مال السنك.
- رفعت الحنفية.
ياسر: فريهة ليورة.
- فريتهة..فريت ايدي بأستهزاء..
الياس بضحك: اععع انفتحت مغارة علي بابا..سمعتهم يضحكون..ثواني وانفتح مثل الباب بالحايط..اباوع قناص ووياه طلقات من كثر جماله كمت اغني..
✨حبيبي يالحبك سحرني✨
✨اذوبن لو اسمك يمرني✨
ياسر: هاا وللجج مرة ثانية شوية لزمي لسانج.
الياس بضحك: اسفين ونعتذر.
ياسر: روحي يلة روحي وها زلمنة وصلوا للمقرات الكلاثة مالاتهم.
- طلعت القناص واني ذايبة بيه حرفيا جاب راسي..

النوع: بندقية قنص.
بلد الأصل: النمسا.
بندقية شتاير إتش إس .50 ،تعتبر من أقوى بنادق القنص بالعالم.
سعر الوحدة:$5,299.
الوزن: 12.4 كغم.
الطول: 1,370 ملم.
طول السبطانة: 833 ملم.
المدى الفعال: 1500 متر.
التلقيم: مخزن سعة 1 طلقة.
-شلتهة وتحركت للسطح، تقربت عستارة، ثبتت القناص..
ياسر: الياس،تحركي بأتجاه الساعة 10.
- تحركت بالأتجاه..شفت عمو ياسر ..رفعلي ايده..رفعتله ايدي بمعنى (ok).
نورس: تحركي بأتجاه الساعة 1.
- تحركت وشفت نورس.
علي: تحركي بأتجاه الساعة 12.
-تحركت وشفت عمو علي.
ياسر:افتري من ورة.
- رحت للسطح الخلفي..اجاني صوت رجال..
شخص: وياج الرائد اياد..تحركي بأتجاه الساعة 5.
-تحركت وشفت هواي زلم عسكريين.
اياد: صيري بأتجاه جنوب غربي ب22درجة الساعة 6.
- باوعت وشفت رجال عمو ياسر..رجعت للمقدمة.
ياسر:بدوا يتقربون..جاهزين؟.
الكل: جاهزين.
علي: الياس.
الياس: نعم.
علي: جاهزة؟
الياس:جاهزة.
ياسر: وصلوا وصلوا.
- اراقبهم نزلوا من السيارات،توزعوا داير ميدور البيت،ونص دخلوا للبيت.
ياسر:يلة الياس.
-سحبت نفس،خوف وتردد وفضول وحماس كل المشاعر تخربطت،فتحت عيني،وبذهني كلام واحد يتردد.
"علمود بابا، علمودي، علمود العراق"
-كتلت اول واحد،همة يدورون علية، واني مستمرة، كتلت الثاني والثالث والرابع،صاروا يرمون بأتجاهي،سمعت صوت بالبيت: عالسطح اصعدوا عالسريع.
-خلصت على الي ببداية البيت..
الياس: استاذ رائد الك الورة لان صعدولي..ما نتضرته يرد شلعت السماعة..سحبت سلاحي،ووكفت ورة الباب،دخل اول  واحد يتلفتت حطيت طلقة براسه، سحبته كدامي مثل الدرع،صعد الثاني يرمي زرف صديقه ذبيت جثته ورفعت سلاحي وضربته طلقتين وحدة بجتفه ووحدة براسه..رجعت للسطح الخلفي..وصرت ورة مبردة قديمة حديد،يرمون بأتجاهي،واني ارمي،كتلت كلاثة منهم،بدوا يصعدون اكثر،وبعدين سمعت قربان..
قربان: ولكم مطاية،نريدهة عدلة لا تكتلوهة.
الياس: عساس همة راح يكدرون.
- وكفوا الرمي، واني استغليت الفرصة،عالسريع رميت على اثنين ماتوا.
قربان: دطلعي،وين ترحين يعني، نلزمج انتي وحدج واحنة خيرر.
الياس: الظاهر انتي مطي وهمة طالعين عليج، يعني بربج ما شكيتي المتتبع ساله شهر واكف وهسة يلة تفعل، شكد مطي لعد.
-جاي تريد تحجي وشفت عمو علي حاط المسدس براسهة والرجال الي ووياهم جتفوا بقية العصابة.
علي: رفعي ايديج.
-افتريت عليه قربان ورفعت رجلهة تريد تضربه، عمو علي لزم رجلهة وبسلاحه ضرب رجلهة من النص، عيطتهة اكدتلنة رجلهة انكسرت..
علي: الي يدك الباب يسمع الجواب.
ياسر: الياس، بيج شي؟
الياس: لا الحمد وانتوا؟
نورس: مبينة شي..سيدي لزموا بقية العصابة بكل الدول، الياس..
الياس: ها.
نورس: عدي شي حيعجبج.
-هزيت راسي بمعنى تمام، طلعنة من البيت، بأتجاه المركز..
بتول تركض: باباا.
علي: حبيبة بابا.
-شال بتول حظنهة.
نورس: تعاي.
-دخلتني لغرفة..اباوع واذ ضرغام كاعد على كرسي وكدامه طاولة مكلبج عليهة..كعدت كدامه..
الياس: ليش؟
ضرغام: ليش شنو؟
الياس: ليش ساعدتني، وانتي كاتل ابوي؟
ضرغام: شوكت مساعدج؟
-ردت احجي، بس سكتت واجي ببالي سؤال..
الياس: شنو اسمك؟
ضرغام: مصطفى.
-هنا استوعبت هذا مو ضرغام انما اخوه.
الياس: عندك تؤام؟
مصطفى بأستهزاء: الله يرحمه.
الياس: انت كتلته؟
مصطفى:هوة ببدال ما يوكف بظهر ابوه واخوه ويساعدنا بشغلنة، راح اشتغل وكون حياته ونسانه وفوك هذا كله طعن بينة وساعدج.
-سحبته من ياخته..
الياس: هاي لابوي..
-ضربته بوكس.
الياس: وهاي لضرغام.
-ضربته بوكس.
الياس: وهاي همين لابوي.
-تفلت بكصته، طلعت من الغرفة وهوة يضحك،دخلوله عمو ياسر وعمو علىي ووياهم الرائد اياد، طلعت من المركز صعدت دراجتي،ابتعدت مسافة طويلة، 
نزلت بمكان فارغ،قررت اعيش حياتي واحقق حلمي، بدت الدنيا تمطر..
"تحت قطرات المطر الباردة، يعتلي شعور الطمأنينة في قلبي شعور الابتعاد عن صخب الدنيا، قطرات خفيفة تحسسني بالامان، نسيم الهواء اللطيف الذي يجعلني اشعر بالأرتياح رغم برودته الا انه يدواي جروحي التي اخشى ان اتكلم عنها، صوت المطر بالنسبة لي هو هدوء العالم، ارى اغصان الشجر تتمايل بسبب علو الرياح وبرودها لكنها بالنسبة لي تدفئ قلبي"
النهاية.