𝗨𝗡𝗞𝗡𝗢𝗪𝗡.

𝐩𝐚𝐫𝐭 𝐟𝐨𝐮𝐫.

هو ظل يباوع علية بصدمة وعينه على الدم الي مغطيني.. جاي اريد احجي صار صوت صفير قوي بأذاناتي، حطيت ايدي على اذاناتي واني اصرخ وابجي من الالم لدرجة ما استحملت الالم.. وبديت احس بدوخة وعيوني تغوش.. فقدت توازني ووكعت بالكاع.. واخر شي شفته عمو علي ركض علية..
: 2019/3/19-
الياس: بابا مو كلت اليوم نطلع.
ذو الفقار: يا بابا اني البارحة بالليل جاي من الدوام وتعبان عوفيهة على غير يوم الجايات هواي ان شاء الله.
الياس: ماشي بابا على راحة راحتك.
ذو الفقار: اي بعد ابوج، بس لا زعلتي؟
الياس: لا بابا ما زعلت..
ذو الفقار: عفية.
الياس: كول ليش ما زعلت؟
ذو الفقار: ليش؟
الياس: لان راح تاخذني زيارة لامير المؤمنين.
ذو الفقار بضحك: لا يا لوتية تاريهة هيج السالفة، بس عاد تمونين جنج على زيارة بس مو هسة خليهة على نزلتي الجاية تمام؟
الياس: على راحتك بابا.
- صوت الباب يندك قوي وصياح زلم..
-لك ذو الفقار اطلع اليوم اشرب من دمك وربك..
ذو الفقار: بابا الياس بعد ابوج دخلي لغرفتنة اني وامج وقفلي الباب ولا طلعين الا اكلج الا تسمعين صوتي يلة فهمتي بابا؟
الياس: حاضر بابا بس ليش شكو؟
ذو الفقار بنبرة شوي عالية: بابا كتلج دخلي لا تسألين..
- الاصوات علت سواء دكت الباب او الصياح..دخلت للغرفة وسديت الباب..
- الوقت الحاضر.
- كعدت واني مستغربة من هاي الذكرى اول مرة تمر علية ما اذكرهة..باوعت للغرفة وتذكرت اليوم الي اجينة اني وبابا بيه لبيت عمو علي..
- جانت عطلة نهاية السنة مسالهة اسبوع من بدت.. فبابا كال نروح لاربيل نغير جو.. ماما كالعادة رفضت تروح.. رحنة اني وبابا.. وصلنة لاربيل وبابا كلي راح نروح لصديقي وبالطريق سولفلي على عمو علي..
ذو الفقار: باعي بابا هو اصله من الناصرية بس تزوج وحدة من اربيل وحبهة بس اهلهة رفضوا تروح وياه فهو لان يتيم وافق يبقى بأربيل وهسة هو متزوج ومرته حامل.. هية هسة ببيت اهلهة لان هذا اخر شهر الهة فعلمود هيج راح نروح يمه.. هو جان وياي يداوم بس من تزوج، ابو زوجته عده واسطة فشغله بشهادته هو خريج قسم مالية، احنة اصدقاء من المراهقة..
-وصلنة لبيت عمو وشفته بيت جبير وحلو وحديقته جبيرة وبيهة اشكال من النباتات، دكينة الباب وطلع عمو سلم على بابا..
-رجعت من ذكرياتي لمن سمعت الاب نفتح..طبت الطفلة..
الطفلة: هلو اني بتول.
الياس: هلا حبيبتي انتي بت عمو علي مو؟
بتول: اي.
الياس: حبيبي شنو هالجمال شنو هالشعر.
- سمعت صوت عمو علي يصيح بابا بتول وينج بابا..
بتول: هنانة بابا اني هنا.
- دخل عمو علي شافني كاعدة..
علي: هاي انتي كاعدة اي الحمد لله على سلامتج.
- جنت متوقعة ردة فعله هيج بسبب اخر مشكلة بينه وبين الوالد صارت.. بوكتهة بابا جان هو الغلطان بحقه.
الياس: الله يسلمك عمو.
علي: كومي اسبحي وهاي ملابس،اطيتج من ملابسي لان ما عندي ملابس بنيات بكدج بس لا تخافين جدد ما لابسهن، وتعاي اكلي وسولفيلي ليش هيج ملابسج دم وشلون اجيتي هنا.
الياس: كمت على حيلي وهو اخذ بتول وطلع واني قفلت الباب ودخلت للحمام.
- فتحت المي الحار ونزل على جسمي التعبان، حسيت براحة ولو لبرهة، بدلت وطلعت من الحمام وكفت كدام المراية واشوف كصتي الي معقمة ومضمدة.. لبست شالي وطلعت من الغرفة.. شفت عمو علي كاعد على طاولة الاكل ومنطيني ظهره وبتول كدامه ابتسمت لبتول وهو من شافهة ردت الابتسامة دار وشافني..
علي: يلة عمو تعاي اكلي واحجيلي.
- كعدت على الطاولة.. وكعدت اكل لان جوعانة.
علي: على كيفج بابا اكلي براحتج محد يركض وراج.
الياس: لا عمو مو سالي يوم بلا اكل وحيل جوعانة.
علي: ليش؟ وليش هيج عدج جرح براسج وشنو هاي السجينة الي عدج وهذا البطل دم؟ وليش لونه غريب؟.
- حطيت الاكل من ايدي وبديت اسولفله شوية وكوم بتول للحديقة الخلفية واني كلتله على كلشي صار.
علي: زين وضرغام ما كلج شي؟ شلون عرف بدمج؟
الياس: لا كلي من نصير بمكان امن بس هو مات بس اني جبت تلفونه.
علي: اي لكيت تلفون بس عبالي مالج.. المهم اني راح اخابر ناس تكدر تساعدج.
الياس: عمو بعدك زعلان من بابا؟
علي: لا بابا شنو هالحجي اصلا واني ووالدج تصالحنا قبل الحادث بأسبوع واني اجيت لفاتحته وردت اشوفج بس امج واهل ابوج مقبلوا.
الياس: اني ماما كلتلي انتي ما اجيت اصلا!
علي: لا شلون يابة اجيت وروحي طافرة عليج بوكتهة لان انتي مثل بتي وابوج دائما جان يوصيني عليج بس غير اهل ابوج رفعوا علي اسلحتهم ومكدرت اخذج اعذريني.
الياس: لا عمو معذور بس همة سوو هيج بس حتة ياخذون املاك بابا واني جنت بوكتهة زغيرة وخفت يأذوني ووقعت على كلشي.. وبالاخير ذبوني بغرفة جنهة مخزن وينطوني بس 50 الف واني اشتغل واصرف على روحي.
علي: بابا خلي اشوف هاي السالفة مال العصابة ومن تنحل اني ارجعلج حقج.
الياس بأبتسامة: الله يخليك، اي وين عمة شو ما شفتهة.
- اختفت ابتسامتي من شفته دنك وعيونه غوركت.
علي: عمتج من ولدت بتول اطتج عمرهة.
الياس: الله يرحمهة عمو اسفة فتحت جروحك.
علي: لا يابة بتول داوتهن من زمان وضحك.
الياس: الله يخليهة الك.
علي: اي بابا خلي اروح اخابر وارجعلج خبر.
- رحت لبتول لكيتهة تلعب، كعدت العب وياهة وهية تضحك.. الحديقة جان سياجهة ناصي يعني مطلة على الشارع.. شفت هواي ولد بدوا يتقربون لحد ما سحبوا اسلحة اني هنا عرفت ذولي من العصابة.. دمي جمد خوفاً على بتول.. شلتهة وركضت لباب البيت والرمي وراي، نكسرت الشبابيك والرمي مستمر دخلت للبيت ولكيت عمو طلع من الغرفة وبيدة سلاحه شال بتول..
علي: الياس استعجلي اركضي..
الياس: عمو اطلع قبلي اجيب بطل الدم والتلفون واجي.
علي: استعجلي.
- هو طلع واني دخلت للغرفة خذيت الغراض ولكيت جنطة حطيتهن بيهة وطلعت، وية طلعتي دخلت قربان من الباب الخلفي..
قربان: اي حركة افرغ السلاح براسج.
الياس بأستهزاء: ما تكدرين تدرين ليش؟ لان انتم محتاجيني.
- تقربت مني ورفعت ايدهة تريد تضرب بوكس، تفاديت الضربة ورجعتهة الهة على عينهة.. وركضت طلعت من البيت.. ملكيت عمو بديت اركض ليكدام بسرعة شوي وكفت كدامي سيارة مظللة، نزل الجام وشفته عمو وصعدت ووياه..
علي: بس شوفيلي بتول خاف متأذية ما لحكت اشوفهة.
- فتريت على بتول لكيتهة تبجي..
الياس: شبيج حبيبتي متعورة وين؟
بتول: لا ما متعورة بس خفت من الرمي.
الياس: لا تخافين حبيبي محد يكدر يوصلج لا بابا يسمح ولا اني، مسحي دموعج.
الياس: هسة وين عمو شراح نسوي؟
علي: خابرت احد اصدقائي الي مكانته جبيرة بالسياسة وسولفتلة كلي هاي فصيلة ماكو مواطن عادي يعرف عليهة هيج الا اذا كان بالمخابرات العراقية ، وكال بس يدور اكثر يرجعلي خبر.
الياس: ماشي، اسفة عمو ورطتك وياي بس مجان عدي احد اروحله، و مجنت اعرف شسوي.
علي: لا تعذرين بوية انتي حالج حال بتول راح احميج مثل ما احميهة.. بس انتي كليلي شلون كدرتي تنهزمين منهم؟
الياس: من كعدت بالغرفة.. وسولفتله شلون كتلت الرجال الغريب.
- ضل ساكت مذهول...
علي: اني والدج جان يسولفلي انو انت قوية من الطفولة بس ما اتوقعت هيج تصيرين.
الياس: يا عمو اذا ممسوية هيج بوكتهة جان اني هسة ميتة.
علي: اسم الله عليج بابا، زين انتي تلعبين ملاكمة كلتيلي؟
الياس: اي.
علي: اي خوش لعد تدريبج راح يصير سهل.
الياس: اي بس يا تدريب؟
علي: صديقي كال انو راح ياخذ اسبوع لين ما يجمع معلومات ويعرف هاي العصابة شنو، لان كال هيج نوع من العصابات من المحتمل يطلعون يشتغلون وية دول اجنبية فراح يصير صعب نعرف عنهة بسهولة لان تكون هاي الدول تمولهة بالاسلحة والفلوس وحتى تغطي عنهة.. فبهاذ الاسبوع اريد اعلمج على الاسلحة سواء كان مسدسات او سجينة وتسوقين دراجة او سيارة حتى تكونين جاهزة لاي شي.. وهسة احنة راح نروح لبيت صديقي الي راح يساعدني.
الياس: ماشي، زين شنو اسم صديقك؟
علي: ياسر.
الياس: ماشي.
- مشينة بالسيارة تقريبا ربع ساعة، بتول نامت من نامت نزل عمو لمحل ملابس جابلنة ستر لان الجو بارد واحنة طالعين بلبس البيت..
علي: بابا الياس نامي بعدنة هواي ونوصل.
الياس: ماشي عمو.
- بديت اغفي واذكرت يوم الحادث شلون بنفس الطريقة جنت اغفي،حسيت بخوف بالبداية، بس بعدين محسيت ونمت.. كعدت على صوت عمو وبتول يضحكون..فتحت عيوني ولكيت السيارة واكفة كدام بحيرة وعمو وبتول كاعدين بالكاع ويباوعون علي ويضحكون..
الياس بضحك: شنو الي يضحك؟
- بتول رفعت الجهاز بوجهي..
بتول ميتة ضحك: باعي شكلج وانتي نايمة.
- باوعت للتلفون الكة صوري الي واني نايمة فاتحة حلكي علة كبره وعيوني علنص مفتوحات وشكلي يخزي.
الياس اضحك واحجي: هاي شنو مسحوهة.
علي: بابا بتول تعاي بسرعة لا تاخذ التلفون منج وتمسحهة.
- ردت الزم بتول بس هية ركضت وكعدت بحضن عمو وتعيب علية... عمو علي يضحك ووجه احمر من الضحك.
الياس: ماشي راح امشيهة لان ضحكتوا بس امسحهة امسحهة لو تطيرون.
علي: ههة بأحلامج.
الياس: نشوفف.
علي: ههههة يلة بابا تعاي اكلي وجيبي تلفون ضرغام خلي اشوف شبيه ما بيه.
- طلعته من الجنطة واطيته اله.
علي: خربب بيه رمز، شكد فكر انتي.
الياس: والله صح، والله حقك.
كعدت اكل واحنة نضحك وسوالف بتول تجنن.
يتبع...