الله يعين قلبي على مدك وجزرك

٩

وقف عند المزرعه وشاف الشباب يشتغلون وكأنو أهل الديره نصهم موجود يقدمون العون لعبد اللطيف
قاطع ناصر الي كان راح ينزل صالح الي سحبه : وين وين هاذا وجهه عريس يا رجال حلق سو شي لا تخوف المره
ناصر ناظر خويه صالح بهدوء: والله ماني فايق لك بعدين شكلي عاجبني
صالح اخذه غصب عنه : أقول امش معي مابي اسمعهم يقولون خويك ناصر خلعته حرمته
ناصر ناظر له وابتسم : يقطع ذا الرأس ترا ماني بمزاج
صالح : معليك راح أخليك تروق بعدين أبو مرزوق خليته يجيب لك منتجات من الرياض وصيته وقلت له ترا ناصر مسمر يبي له تدعكه لين ترجع لونه
ناصر بسبب صالح تغير جوه وحس ان ماله داعي ينكد على نفسه ويقابل زوجته بذي النفسيه

~

خلصت كشختها الي كانت ليلى مسويتها لها لأنها رافضه انها تخلي احد ثاني يلمسها
البنات كانوا حولها بنات الديره والي تعز عليهم
يجلسون يسولفون معاها دقايق ويطلعون برا لرقص والوناسه
سهى بعد ما تعبت من الرقص دخلت وهي تشرب مويه وقفت وهي تسمع ام فهد تناديها : هلا خاله
ام فهد بعصبيه : انتي ما تستحين وينها يدش
سهى ناظرت يدينها بصدمه تتاكد انها مو مفقوده : بسم الله عليش ي خاله اشفيش هاذي هي يديني
ام فهد مسكت يد الفستان الي كان يد في ويد مافي : قصدي هاذا ي الخبله
سهى ضحكت وهي تبعدها عنها : الله يسعدش وأنا صرت أدور يدي
راحت وهي تضحك متجاهله ام فهد الي تهاوشها وتدور أمها تعلمها
سهى دخلت الغرفه وشافت العنود الي تمسح دموعها : يمه يمه ي الدلع ترا ما بتهجين البيت جنب البيت ليه الدموع والحوسه شوفي كيف خربتي مكياجش خليني اعدله لش
العنود الي كل ما مسحت دموعها وقوت نفسها ترجع تنهار وتبكي وذا الشي اتعب قلبها ونهك روحها
كيف تقابل ناصر وكيف تتقبله وقلبها متعلق بوضاح كيف تسمح له يقرب منها وتصير زوجته وقلبها كذا ملهوف وينادي وضاح الي خذلها وراح
سهى عدلت مكياجها : يالله عاد انتي جميله ما يحتاج كل ذي الحوسه ي حظه ناصر فيش
العنود ابتسمت لها بهدوء وهي تناظر نفسها بالمرايه الي قدامها كانت بقمه جمالها فستانها الناعم الي يناسبها ويناسب المكان الي هي فيه
والميكب الخفيف الي برز ملامحها وشعرها البني الي رفعته بشكل جميل
أخذت نفس وهي تشيل الأفكار من رأسها : ناديلي البنات نسولف مليت
سهى اشرت على خشمها : كم عندي العنود بس ما أتوقع بيجون جالسين يرقصون مشاعل شايله الحفل شيل

~

بحايل

جالس بعد ما رقى تبه وجلس لحاله فيها يتأمل الرساله الي أرسلها له ناصر يعزمه على زواجه
كان يتأملها بحزن : وش بيدك ي وضاح لا انت ولد عمها ولا من ديرتها باي حق بتاخذها
رفع راسه لسماء وهو يدعي : يالله ان كان لي نصيب معاها مهما طال الزمن ف قو قلبي لذا اليوم
وان ما كان لي نصيب معاها ف امحى لهفتي لها وابعدها من قلبي ولا تعذبني فيها يالله
لفت انتباهه الرساله الي جت له من جواله ومن رقم مجهول كان محتوها ( وضاح صح ؟ لازم أشوفك عندي لك موضوع واتمنى انك تحدد لي موقعك وأنا بجيك )
وضاح ابتسم هاذا الي كان ناقصه يرجعون له المجنن ارسل له الموقع وقام وهو يأخذ سلاحه من السياره
وش يبي بالحياه بعد ما فقدها لعل الي بيصير الحين خيره له لعله يرتاح بعد ما يطلع حرته فيهم
جلس ينتظرهم بعصبيه و وعيد
شاف سياره توقف تحت التل راح لسيارته وهو يكبس لهم عشان يشوفونه
استغرب وهو يشوف شخص واحد طالع وما كان بيده اي سلاح
بسرعه دخل سلاحه بجيبه وتقدم له بكل ثبات وما كان خايف منه : الله يحييك
الرجال ابتسم له وهو يصافحه : الله يسلمك ادري إني خوفتك
وضاح كان يشوف ملابسه وكشخته وسيارته كان واضح انه ولد نعمه والله منعم عليه : لو انك خوفتني ما كنت أرسلت لك عنواني بس وضاح ما يخاف إلا من ربه
الرجال ابتسم : معك المحقق فهد جابر ال ****
خلنا نجلس لان السالفه طويله وماني عارف كيف أقولها لك لاني والله محتاس
وضاح الي كان جالس على بلك راح لسياره وهو يطلع فرشه وفرشها على الأرض وهم يجلسون
فهد : اول شي ي وضاح ابي اعتذر منك لان صار لي فتره أراقبك وادري انه مو من حقي بس
وضاح انتظره يقول وش فيه بس واضح ان فهد مخبي شي كبير : قول ي فهد
فهد : في ناس شاكين انك ولدهم
وضاح سكت ثواني وضحك بصدمه : الله يهديك من وين جايب ذا الخبر شكل ما عندك شغله قلت خلني أجدول عليه
فهد الي توقع ردت فعله : ادري والله شي ما يتصدق بس فعلا هاذا الي صار وأنا من غير ما آخذ أذنك راقبتك وعرفت ان ما عندك لا أب ولا بطاقه عندك الحين بطاقه
وضاح الي قام بعصبيه : وش قاعد تقول انت ومن سمح لك تراقبني ما عندي اب متوفي وأنا لاني ما رحت اطلع بطاقه ما معي مو يعني أني مجهول
فهد قام وهو يمسكه يهديه : اهدأ تكفى واسمعني
خلني اخلص كلامي وبعدها سو الي تبيه
وضاح تنهد وهو يتعوذ من الشيطآن : اخلص علي
فهد : وضاح هي يومين يومين وبس وراح تعرف كل شي بس ابي الحين آخذ عينه منك
قاطعه وضاح بصراخ : خلاص اسكت واذلف يالله لا تجلس تلعب على مخي يالله انقلع