Gawin mo na ang nararapat,
Hangga’t hindi pa huli ang lahat.
Yan ang natutunan ko,
Noong dumating ka sa buhay ko.
Bago ka dumating sa buhay ko,
Ako ay patuloy na nanlulumo
Pero simula noong makilala kita,
Tila nagkaroon ng kulay ang mundo
Nagsimula tayo bilang magkaklase
Hanggang sa naging matalik na magkaibigan
Sinabihan kita ng sikreto
At ikaw rin sa akin
Unti-unting nagbago ang tingin ko sa iyo
Noong una hindi ko alam kung ano ito
Dahil tuwing nakikita kita,
Ang pag-tibok ng puso ko’y tila naaantala
Mahal kita, yan ang aking napuna
Ngayon alam ko na
Kung bakit ako natataranta
Sa tuwing nakikita kita
Ngunit hindi ko maipagtapat sayo
Dahil ba sa umuurong ang dila ko?
O baka natatakot ang puso ko
Sa magiging reaksyon mo?
Dati sinubukan kong limutin ka
At doon ko lamang napagtanto
Na kahit anong gawin ko
Hindi ko pala kaya
Noon may ipinakilala ako sayo
Isang babaeng ginamit ko
Para makalimutan ka
Ng puso kong naduduwag tuwina
Napansin kong napangiti ka
Na ikaw ay tila masaya
Parang nadurog ang puso ko
Dahil ang tunay kong mahal, ay tila malugod pa
Tuwing magkasama kami
Iniisip ko na siya ay ikaw
At ikaw ay siya
Kaya kahit papaano, ang puso ko’y lumiligaya
Ngunit kailangan kong harapin ang katotohanan
Kahit man ako ay mahihirapan
Hindi siya ikaw
At lalong hindi mo ako kayang mahalin
Sinabi ko sayo na niloko niya ako
Ngunit ang totoo
Kahit anong gawin ko
Niloko ko lamang ang sarili ko
BINABASA MO ANG
Him and Her
RomanceDalawang taong pinagbuklod ng pagkakaibigan, o pagkaka-ibigan? Free Verse. One Shot. Romance. Him and Her.