﷽
حنين حسين
.....
. لا تنسون التصويت +متابعة للحساب
الـتعاليق بـين الفـقـرات مهمة جـداً
حساب الانستا: haniinn_hassan.0
تيـك تـوك: haniinn_hassan
....
"شسويت شوف شسويت"
ماگدرتها وغصت بالحطب غطيت النار
ردت اليصير وماصار انوبه جبتلها جرح
حطيت فوك جرحي شوف شلعبت بروحي
_________
فتحت عيوني
جسمي نحلان صافنة بسكف غرفة أمي مادري شچابني اني شسوي هنا مو رحت اشوف محسن
والصار منو سببة منو الضرب رصاص أدم شجابة
لزمت راسي بقوة من الألم ماعرف شوكت نمت وشكد صار نايمه شسويت أني بروحي؟
جانت نيتي اعرف شرط محسن وأخذ بنتي وهسه انا اهنا وين حياة الرحت اجيبها؟؟
كمت اريد اتحرك حسيت ألم برجلي شفت رجلي مضمدة ستندت على حايط فتحت الباب البيت هدوء وريحة الچاي
" من المطبخ تقدمت
شافتني أمي أجت تركض بدون كلام ضربتني راشدي، نصدمت ضليت لازمه خدي أمي أبد ماضاربتني حجيت بغصة
- ليش يمة!
- وتسئلين ليش أني اكول العاقلة عليج طلعتي
غبية وزمالة شلون طلعين بليل بدون علمي ويجي رجال
غريب شايلج وأنتِ لا تحركين ايد ولا رجل ترديني استقبلج
بحضن حمامه!
- متعرفين شي أنتِ يمة
-وأنتِ تعرفين گابليني وسولفي بردي كلبي ولج يمه شصار وياج تردن تموتني لو شايفكم واحد غريب لو من ولد عمج مايحجي على شرفج ناگصني حجي اني
- حقج يمه بس انتِ المهم عندي تصدكين بية ما يهمني الناس
- وين جنتي بليل وشعدج طلعتي هسة تحچين كلش
- رحت اجيب حياة
- حياة مو خاطفها محسن
- اي ردت اشوف محسن
-أنتِ شتحچين ولج فهميني شعرفج بمگان محسن الكلب مو نهزم وشلون ترحين وحدج
من خلصت كلامها طلعت جنان من غرفتها رفعت أصبعي أشر عليها
- سئلي جنان يمه هية تسولفلج و تبرد كلبي و كلبج
ستغربت جنان
- شحجي الأمي!
-حجيلها شلون ساعدتي محسن يخطف حياة وتفقتي أنتِ وياه تأذوني لأن رفضته احچي..
امي صاحت
-ولج يمه حمامه شتحجين جنان اختج شما صار ما تأذيج
شنو تساعد محسن شعليها بي شني وكعتي على راسج
-لا يمة راسي مابي شي بس جنان أختي على ڪولتج جانت مخلية عينها على خليل الله يرحمه
واهواي رادت تخرب بيناتنا وكلت صغيرة وتعقل بس للأسف من مات صار عدها ثأر وياي ساعدت محسن يحرك كلبي علمود تأخذ ثارها مني تدرين ليش؟؟
ضلت أمي ساكتة مصدومة وجها صار أصفر واضح ضغطها رتفع حجيت واني امشي للثلاجة
- لان ماتركتها تتزوج رجلي ههه
أنت تقرأ
حياة تزهر من جديد
غموض / إثارةالبدايةَ مُختلفة "يدأي ثرثارة" عنواني مُبهج لكنَ حكايَتنا يُرثى لهَا. القمر والحب عندما لا يتزايدان يتناقصان و .الرَوح تهوى منَ تُحب " لكنَ القدر غير الطريق. " لتجد نفسها غَارقة في مُحيط مالح ﻼ تنتمي لهَ. - وهيه ترمم خراب أيامها. " وأيامها تقويه...
