حياة تزهر من جديد

part"21"

﷽
حنين حسين
••••

لاتنسون التصويت. متابعة للحساب
شاركوا القصة ع تواصل
التعليق بين الفقرات مهـمة جــداً

حساباتي على التواصل👇🏻
الانستا: haniinn_hassan.0
التيك توك:  haniinn_hassan
•••••••••••••
"اڤين"

من حلفتة بروح نرجس كانُ صحة على نفسة
بتعد واني اشهك لملمت نفسي و كمت من الجرباية كعد على طرف الجرباية و خلة راسة بين اديه مرت دقايق المكان هدوء بس شهكاتي تنسمع رفع راسة باوع الي نزلت عيوني ماريد اشوف كارهتة

- منين تعرفيها
- فتحت تليفونك و بالغلط دخلت على المذكرات

فرك شعر و ذب حسرة ماعرف ليش سئلتة
- بعدك تحبها!!
- اول حب ما ينسى
- شلون ماتت!!
- اخوها قتلها

مسح على صدرة وطلع اخذت ملابس و دخلت للحمام محد صعد الي ابد حتى ميار ما هتميت ما بية حيل امشط اول ما طلعت نمت ما كعدت الة ثاني يوم جسمي مكسر كاعدة بس ما بية حيل اكوم

بقيت مددة و مغمضة عيوني سمعت حركة بالغرفة فتحت عيوني بتعب جان هيثم ماعرف شنو يخلي بالكنتور ما هتميت
رجعت غمضت بلاعيمي احسهم مجرحات كوة ابلع ريكي شوية
و المكان صار هدوء

ماعرف شكد مر وقت فزيت على صوت عياط من جوة من الهبطة بقيت مددة كلبي يدك جان العياط مدموج بجي صوت جدة حنة كلش عالي جان الكلام ما فهوم

قويت نفسي و شلت روحي شيول مشيت بخطوات بطيء ابطء من السلحفاء كل ما اتقدم خطوة الصوت يعلة ولد اخوان هيثم يصيحون بعصبية

اول ما خليت طرف رجلي على اخر باية دخلت ميار الوجه كلة احمر كأنو ضاربة على وجهة من شافتني ركضت الي

لزمتني من اكتافي و هزتني حيل
- لــج اڤين لـيش ذڪـرتيه راح يكتللة راح يضيع و يضيعنه ويااه

تهز بية واحس عقلي نرج اني ما مستوعبة و جسمي نحلان احس حتى عقلي ميستوعب شنو تقصد

- شڪو منو مات..

ضربتني بخفة على حلكي بس توجعت
- وجــع لا كولين هييج كلبي ناار  بعد ما رجع طبيعيي رجعتي
للصفر

تركتني بحيرتي شتقصد! تروح منا و تجي منا
و كلامهة ما مفهوم تركتني صافنة احس اذني شوشت من كد الصراخ
دخلت للصالة الجبيرة ماحس الة رغد دفعتني
طحت بالممر اني منا جسمي تعبان و هية مثل الثور هجمت علية

- الله ياخذج اول ما دخلتي كلبتي حياتنة خليتي الزلم تتكاتل بعد سنين من المشاكل

كمت واني افور اجت جنات لزمتني واني اتمايل بيدها عيوني ثكلن بس ما سكتت