روح الابهر

part 1

رواية روح الابهر
الكاتبة سواد
........
بين لليلة ولليلة فقدتُ كل شيء
لم اتوقع حدوث ما سيجعلني وحيده
وما سيجعلني تحت رحمة ما لا رحمة لهم .
........
الاب : اليوم اخذكم
روح : ها بابا وين تروحون
الام : انتِ سادس اكيد ما تجين
روح : اي شي اكيد انتو تونسو
هسه راح اروح عندي محاضرة بالمعهد
الاب : يلا بدلو
سحر : اي بابا كملت
الام : يلا امشو
ذهبت العائلة ومع سماع الموسيقى والغناء والصوت العالي حدث ما لم يتوقع حدوثهُ .
.......
روح : اني طالبة سادس علمي امتحاناتي قربت ودخلت معهد حتى اطلع معدل وادخل كلية طب هذا حلم اهلي اليوم بابا قرر ياخذ العائلة ويطلعون بس اني ما كدرت اروح وياهم بسبب دوام المعهد راحو واني طلعت الدوامي .

لم اتوقع اخر لقاء سيكون هكذا .

سحر : جنا بالسيارة والاغاني العالية وفجأة ضوء قوي صار كدامنا وانقلبت السيارة بينا بس صوت صريخ الناس وبكاء الاطفال محد يعرف شصار وشلون
روح : جنت بالمعهد كملت محاضراتي وطلعت للبيت اتصلت بماما مغلق كلت اكيد السبب من الشبكة وبقيت كاعده لحد 10 بالليل وماكو أي خبر عنهم
اتصلت بخوالي وكتلهم عن اختفائهم وتلفوناتهم مقفولة خفت معقولة صار بيهم شي معقولة عافوني وحدي بقيت محتارة لحد ما اجو خوالي بقو يدورون عليهم والشرطة كذالك الخوف والقلق بدأ يظهر بوجوه الكل
اجاني الخبر مثل الصاعقة على راسي خبر وفاة اهلي كلهم بسبب حادث سير شاحنة محملة بمواد بناء وضاربة سيارات كثيرة من ضمنهم سيارة اهلي بقيت ابجي واصرخ مستحيل يعوفنوني وحدي وين اروح اني منو الي جابوهم بالكفن تمينت لو رايحة وياكم ولا عايفيني وحدي بجت وتوسلت بيهم يكعدون ما كعدوو معقولةة صرت يتيمه ما الي احد يعني بقيت وحدي ضليت بحالة صدمة لا اكل ولا شرب خوالي سوو فاتحه طبعاً عمامي ونسوانهم اجوو وعماتي طلعو حتى يدفنوهم واني ابجي واناشغ عليهم خلي ياخذوني وياهمم ليش عفتوني وحدي ليش منو بقالي عفتوو بنتكم وحدهااا سحررر كومي والله ازعل عليج كوميي بقيت ابجي واشيل التراب احطه على راسي والطم شلونن شلونن عافوني اخذوني عماتي ورجعنا لبيتنا
..........
التعرف على العائلة
.....
روح : اني البنت الصغيرة عمري 17 صف خامس علمي وما بقالي شي واصير سادس وواهلي كلشي اريده ييجيبو لي يمي عايشة ويا بابا وماما واختي سحر اكبر مني 18 سنة وعندي خوالي علاقتي بيهم كلش حلوة ويحبوني ويريدوني اما عن عمامي وعماتي ما اعرفهم هلكد يمكن اخر مرة رحنالهم جنت صغيرة حيل وحتى ما اتذكر شكلهم ومقاطعين بسبب مشاكل صارت بين بابا واهله وبابا ما يقبل يكول شنو السبب وبيوم من الايام بابا قرر يحجي النا ونعرف عمامنا ليش قاطعوا وليش ما يحجون ويا والسبب الاهم ماما
سحر : بابا ليش نحن ما عدنا عمام
الاب : شلون ما عدكم بنتي
سحر : لعد ليش ما نعرفهم ولا ييجون النا
الاب : مشاكل يابنتي كم مرة كتلكم
روح : احجيلنا عنهم
الام : اي حبيبي احجيلهم خلي يعرفون خلص كبرو وما يعرفون عمامهم وعماتهم كلشي بيها الدنيا
الاب : انتِ هيجي تكولين
الام : اي عمري احجيلهم خلص
الاب : شوفو يا بنات اني اخذت امكم عن حب
سحر : اي بابا هاي نعرفها نريد غيرها
الام : اسمعي سحر لا تقاطعين ابوج مو هيان روح ساكته
سحر : اي ماما كمل باباتي
الاب : حبيتها 3 سنوات وبقيت احارب لحد ما اخذتها امكم جانت جيرانه وشفتها كم مرة برى وعجبتني
الام : اي واني ما جنت انطيك مجال
روح : اي عفيه عليج ماما ثكيلة ههه
الاب : هههه اي والله شلعت گلبي يلا انطتني مجال حتى احجي وياها
الام : اي قابل قليلة😂😂
الاب : يلوكلج الدلال
سحر : احم احم نحنُ هنا
الاب والام : ههههههه
روح : اي بابا كمل وبعدين شصار
الاب : بقيت اشوفها من بعيد لحد ما شفتها وحدها وحجيت وياها وجنت اشوفها من السطح واحجي وياها وبقينا هيجي لحد ما اني توضفت وضليت اخطبها واهلها يرفضون لان جانت صغيره بعمركم يعني
سحر : اي وبعد
الاب : واهلي ما يقبلون الا اخذ كرايب واني ما اريد غير العشكتها وهي امكم وبقيت احارب على مودها واخذتها غصب عنهم ومن بعدها قاطعوني ولا ارووح عليهم ولا ييجون عليا
روح : ولهسه هيجي
الاب : اي لهسه
سحر : يعني لان أخذت ماما عن حب هيجي سوو وياك
الاب : اي وان شاء الله اخذكم الهم ونحاول نحجي وياهم
الام : ان شاء الله هل مرة تصير
روح : ان شاء الله
سحر : بابا هما شلونهم
الاب : خوش ناس وكريمين بس مشكلتهم ما يتفاهمون وعدكم ولد عم كثار بس ما كلهم بنفس المكان عايشين اكو ناس بالخارج واكو محافظات
روح : الله يعني راح نروح عليهم
الاب : اي بنيتي ان شاء الله
روح : ثاني يوم بابا قرر يا خذنا البيت جدي حتى يصالحون طبعاً بيت جدي بمحافظة البصرة من الليل حضرنا الجنط والغراض حتى نروح عدهم متحمسه اشوفهم رغم سوو هيجي ويا بابا وماما وقاطعوهم ما الهم حق بهل شي
الاب : بناتي ما اريد تكرهون بيت جدكم بالتالي هما اهلكم من بعدنا
سحر : اي بس ما عدهم گلب هيجي قاطعوكم انت ابنهم
روح : اي بابا صح حجي سحر ابنهم شلون ما رف كلبهم عليك
الاب : هو هذا الي صار
الام : كافي بُنيات هسه خلي نطلع ورانا طريق طويل
روح : طلعنا بالسيارة واني كل تفكيري شلون راح يستقبلونا معقولة يطردونه بس من جنا صغار نروح الهم بس قليل كلش
بقت الافكار تاخذني وتوديني لحد ما غفيت من طول الطريق
سحر : روح نامت واني بقيت كاعده وبابا وماما يسولفون واني استمع سمعتهم يكولون
الاب : اذا روح عرفت ليش رايحين تتوقعين تقبل
الام : بس هذا شرط اهلك حتى ترجع علاقتكم
الاب : خايف عليها لا يأذوها
الام : واني خايفة اكثر بنتي شلون افرط بيها هيجي
الاب : بس اهلي هيجي رادو وانتِ وافقتي وابهر ماكو احسن منه
الام : والنعم منه صحيح والله خوش ولد ومثقف بس المصيبة ابوك ايده والضرب
الاب : اووف خليني بضيمي
الام : لا تفكر خلص وروح اكيد راح تتفهم هل شي
الاب : خايف عليها خايف لا ترفض ساعتها كلنا نموت
الام : كول يا الله
.........
ما دار بين الابن ووالدهُ 
الجد : بشرط ترجع العلاقة روح تجي تعيش عدنا
الاب : شلون يابه وليش روح
الجد : روح عزيزه عليا من وهي صغيرة واني اريدها وحتى ترجع العلاقة بينا احسن من قبل وهم الشركة تبقى الك
الاب : بس بويه روح صغيرة واني ما أمن اجيبها يمكم
الجد : روح بأمانتي تصير واني رايدها تكسر كلامي مرة ثانية
الاب : لا يابه ما عاش اليكسر كلامك
الجد : بارك الله بيك وخليني راضي عليك ومن هين الكم يوم جيبهم وسيرو يمنا
الاب : ان شاء الله
بس يابه روح امانه عندك
الجد : لا تخاف عليها واني اريدها حتى ازوجها ابن عمها عمر
الاب : لا يابه هذا مو اتفاقنا روح ما تاخذ عمر
الجد : وليش ما تاخذ عمر
الاب : عمر من وهو صغير سوالفه مكسرة تريد تزوج بنتي الا
الجد : ميخالف نزوجها الابهر
الاب : خوش حجي ابهر يطلع من حقها
......
سحر : وصلنا بيت ضخم وكبير وجان اكو شباب برى نزل بابا سلم عليهم واني كعدت روح
روح : امم وصلنا
سحر : لا بعدنا يلا كومي
روح : اي اي شبيج
نزلت وشفت بيت كبير فتنا اجو نسوان استقبلونا وعرفتهم عماتي  ونسوان عمامي
عندي عمين ويا بابا 3
عمي علي عنده ابهر وقبس ومنار
وعمي احمد عنده عمر ومحمد
وعماتي 2
عمه رواء عدها فيصل وحمد
وعمه بيداء عدها رسل و ملك
استقبلونا وكعدنا وياهم وضلينا كاعدين لحد ما صار وقت الغدا وحطينا السفرة مسووين هبيط ومن هل اكل الدسم بصراحة اني ما احبه ابد
سحر اريد اندومي
سحر : روح ما وقتج
روح : كولي البابا فدوه
سحر : روحي انتِ
روح : طلعت برى لكيته بالكراج ويا ولد عمامي واكفين حجيت ويا بابا اريد اندومي
الاب : تدللين بابا هسه اجيبلج
ابهر : واكف ويا عمي واجت بنيه تمشي لابسة فستان اسود يخبل عليها وهي بيضه وحجت ويا عمي وفاتت جوا
عرفت هاي بنت عمي الصغيرة
الاب : ابهر تروح تشتري اندومي اذا ما عندك شي
ابهر : اي عمي تدلل
رحت جبت اندومي 2 ورجعت
الاب : انطيهم الروح
ابهر : روح ؟
الاب : اي يابه هاي بنتي الي اجت قبل شوية
ابهر : صار
بقيت امشي واردد اسمها روح روح شنو تخبلت رحت يمها جانت واكفه ويا قبس كتلها
تفضلي هذا الاندومي
روح : واكفه ويا قبس نسولف واجه شاب كال تفضلي وكتله
شكراً
وكملنا غدا وجدي كال اكو اجتماع للعائلة كلها بخصوص الصلح الي راح يصير
قبس : يلا ما نروح
روح : تمام يلا سحر
سحر : اريد انام
قبس : كومي بعدين نامي خلي نشوف شراح يصير
منار : اي صح كومي هسه
سحر : ما تخلون واحد ينام
روح : رحنا وياهم وكلها كعدت وجدي بقى يحجي شلون طرد بابا من اخد امي وانصدمت من عرفت اذا صالح بابا اني ابقى يمهم وقع الخبر مثل الصاعقة على راسي
الجد : بويه روح انتِ راح تبقين هنا وتزوجين عمر
روح : بقيت مصدومه من كلامههه شنو زواج شنو عمر شنو كل هذا الخرط صرخت بأعلى صوت ما بكيفكمم