روح الابهر

part 7

رواية روح الابهر
الكاتبة سواد
......
احداث سابقة
روح : امم بعض الاحيان اصير جلبة ويا الجلاب كلتهاا واشوف الابهر طار رواي واني طلعت وسدديت الباب طكيتها بضحكههه
الابهر : بوياي مو لسان ضيم عدهاا اني الج يا روح راحت شردت الجبانه
....
روح : بعد ما طلعت من غرفة الابهر شفت البنات يشتغلن ادرفت
صباح الخير يا حلوين
منار : صباح النور حبيبي
قبس : صباح النور وينج ولج من البارحه ماكو
رسل : صباح النور حب
روح : والله يا قبس من صعدت فوت نمت ولهسه يلا كعدت
منار : نوم العوافي
قبس : الابهر وين
روح : هي كالت الابهر واني صفنت شسويت بيه قبل لا اطلع ضحكت لا ارادي واردفت ها نايم بعده
الابهر : لا عيني كاعد
روح : صخام براسي شكد فشله باوعتله وخزرته اجه من يمي واردف
الابهر : لا تخزرين والا اعيد مجهود البارحه
روح : هو كال هيج واني وجهي صار احمر عزه بعينك ولا تستحي والله يا الله ماخذ راحته الاخ كلش
الابهر : هزت أيدها ومشت اني الج بسيطة
اليوم ييجي عمي سعد واولاده محمد وساهر حتى حمد يتخبل نحن الأربعة من الصغر سوا وربينا سوا بس صارت ظروف وطلعو لتركيا واليوم ان شاء الله يرجعون طلعت الشغلي عندي معارض سيارات 2 واحد الي والثاني الحمد وشراكه بيهم والحمدلله
......
روح : بدينا نشتغل بالبيت والشغل كلش كثير هم تنظيف والبيت كلش كبير كلمن استلمت غرفة حتى نخلص على وقت
منار : بنات شنو رئيكم نخلي روح تنظف غرفة الابهر
رسل : اي والله لان كبيرة كلش
قبس : اي والله متعبة واخويه ما يرضه بالهين
منار : ولكم مو قصدي لان كبيرة لا قصدي حتى تشوف. غراضة وشلون مرتب وكذا
رسل : فديت ذكائج غير البارحه هي بالغرفة وشافتها
منار : ضربت گصتي واردفت اي والله نسيت
قبس : بس هم خلي ننطها غرفته
رسل : تمام خلي اصيحها
اردفت
ولجج روح وينج
روح : طلعت من المطبخ وصحت هااا شكوو هياتني
منار : اي خوش عبالي فطستي
روح : وشكو عيني حتى افطس لا تخافين عليا
قبس : شوف اللسان ضيم
رسل : اي والله نوب شسوت بجدي
منار :  اي ولج شلون هيجي حجيتي ويا
روح : معرف بس كلشي الا اهلي
قبس : بس عفيه عليج اعترف جدي يستاهل هيج
منار : اي والله فديتج
رسل : ديلا عيوني كلمن تستلم شغله حتى نخلص بسرعة
روح : اي يلا نبدي
منار : روح انتِ تاخذين غرفة الابهر
ورسل تاخذين غرفة جدي وقبس تاخذ غرفة حمد واني غرفة عمه بيداء اما الصالة كلتنا نضفها سوا والمطبخ هم
روح : بس ليش اني غرفة الابهر
رسل : چا تعالي اخذي غرفة جدي
روح : لا والله غرفة الابهر احسن بهواي من غرفة جدي
رسل: هههه دسكتي من الاول
روح : صعدت فوك لغرفته فتحت الباب شفتها نظيفه نوعاً ما بس هم يحتاج الها تنظيف رحت جبت ادوات التنظيف وغيرت اللحاف والمخاد وبديت انظف وامسح بالاثاث الموجودة بالغرفة فتحت الجرارات مرتبات الاغراض البيهن وكلها عبارة عن علب واكو اوراق بس ما لعبت بيهن كملت تنظيف الغرفة وفتت للحمام داخل الغرفة سويت كامل عنده غسلت الحمام كلها ورتبت الشامبوات والصوابين وأدوات الحلاقة وطلعت شغلت السبلت صارت الغرفة تجنن بست ايدي واردفت عاشت ايدي فديتني وضحكت عطرت الغرفة وطلعت رحت للبنات ماكو ضحكت شكلي اني اول من خلص شغل اتجهت للمطبخ فتت وبديت انظف وامسح وغسلت المواعين الموجودات بقالي بس الارضية واكمل حطيت تايت وماي صارت رغوه كثيره بديت انظف الارضية وزحلكت واثناء ما وكعت اجت رسل وطكتها بضحههه واردفت
هاي شنو روح وكعتيي اخ يمه بطني منظرج يضحك
روح : طاح حضج مكان ما تجين تساعديني اكوم
رسل : رحت حتى اكومها نوب انمطلت وياها
روح : اجت تكحلها عمتها
رسل : دنجبي فوك ما جيت اساعدج
روح : والله لو ما جايه حيل اشرفلي نهضت على كيف وكومتها وياي طلعنا على اطراف رجلينا حتى لا نزحلك كرة ثانيه ونتكسر اجت منار وطب تشقلبت بالتايت هههههههه
منار : ومرض ما تحجون تنطقون اكو صخام براسكم اخخ ضهري ولكم الحكولي
رسل : ها شنو حامل
منار : دنجبي
روح : تقدمت الها كومتها وكملنا المطبخ واتجهنا للصاله باوعت للساعه شفتها بـ 12:30 ادرفت
بنات اشو محد اجه
رسل : منو يعني
روح : عمتي بيداء وعمتي ام ابهر وجدي وعمي علي شو محد اكو
منار : اي عيني طلعو حتى نحن نظف
روح : والله ؟
قبس : اي والله شبيج
روح : بعد احسن نسولف براحتنا
رسل : اي والله
منار : روح انتِ ما عندج خوال
روح : عندي خال واحد وعنده ولد اسمه ذيب وحتى مرته ميته
رسل : مرت ذيب
روح : لا مرت خالي
قبس : الله يرحمها
روح : تسلمين حبيبتي ويرحم موتاج
منار : امم وما يدورن عليج
روح : معرف بس اني جان قبل عندي تواصل ويا ذيب وهو اكثر من اخ والله
رسل : ما تتواصلين ويا حالياً
روح : منين اتواصل ويا بخشمي حتى تلفون ما عندي
منار : خلي الابهر يجيبلج وتواصلي ويا هم تزوريهم وهم حتى يطمنون عنج
قبس : اي والله صحيح
روح : اليوم اذا شفته اكله واني عندي فلوس
منار : تمام
الابهر : كاعد بالمكتب واجاني حمد
اردفت ها شجابك
حمد : شنو ما تريد شوفتي
الابهر : استغفر الله شبيك واكفلي على كلمة
حمد : اي شبيك
الابهر : ما بيه شي
حمد : امشي نرجع للبيت
الابهر : شيرجعنا. هسه
حمد : دكوم كوم سحبته من ايده وصعدنا بالسيارة شغلت اغاني وطرشته طرش ههههه
الابهر : ادري رايحين على زفه الخاطر ربك
حمد : هي اغاني شبيك قابل رايح الفاتحه
ابهر : گفا هل حلك اي والله شوف تحجي شي بي خير خرب حضك
وصلنا وطبيت للبيت شفت البنات يشتغلن ادرفت الله يساعدكم يابه
روح : جنا نشتغل بالبيت وما بقى شي ونكمل ومنار وقبس راحو يسوون الغدا واني ورسل نسوي بالصالة اجه الابهر وحمد اردف الابهر
الله يساعدكم يابه
روح : ويساعدك ؛ راحت رسل ويا حمد والابهر تقرب مني واردف
شنو هل ريحه الطيبه هاي
روح : بسلامة المنظفات
الابهر : لا وعلي لان انتِ نظفتي بايدج الحلوة
روح : لزم ايدي وادرف
وتالي وياج روح
روح بعد فهم شنو
الابهر : ارحميني شويه
ادرفت شبيك ابهر تخبلت
الابهر : اي مخبل بيج اني
روح : دفعته وكتله ابتعد عني ....
بعد ما كملت كلامي وسحبني من ايدي فوگ لغرفته قفل الباب وكعد على الجربايه سحبني وكعدني يمه مسك ايدي واردف
روح احبچ
روح : بصددمه شنوو شتكول ابهر
الابهر : شبيج روح
روح : لا ابهر لاا اني ما احبك اكرهكك اكرهكك
الابهر : انصدمت من كلامها وكفت الحيلي واني بگلبي نار واردفت
اطلعلي روح
روح : بس....
الابهر : بعصبية اطلعليييي كلتتتت
روح : قاطعني وما خلاني اكمل كلامي وصرخ بصوت فززني طلعتت ركض واول ما طلعت سمعت صوتت قفل الباب وتكسيرررر دكيت الباب واصيح ابهرر افتحههه مو هيج افتح الباب ما حسيت الا فتح الباب وعيونه حمرر ودماراته ناطه من العصبية سحبني من ايدي بقوة وقفل الباب شفت الغرفة عبارة عن گزاز والمراية مكسورة اردف بصوت فززني
الابهر : شترديين روحح شتردييين
روح : بس اهداء حجيت هيج وتقرب الي لزم ايدي بقوة وكال
الابهر : عاجبجج تتأذين ولجج اني طردتجج حتى لا اغلطط مثل ذاك الغلطط وانتِ تجين الي ولجج روحح دمرتيني شجابنيي وحبيت شجابني وعشگ ولجج انا مو مال عشگ انا الاثول حبيتجج وانتِ شنووو هنااا ولا تحسينن بكل صلافةة تكولين اكرهككك لج اذا تكرهينني المنن جايهههه هااااا احجييي لا تسكتيينن
روح بخوف : م مو اخاف تأذي روحك
الابهر : ههههههه تخافيننن ؟
على شنوو تخافينن روحح اطلعي منااا اطلعلي احسن روحييييي
روح : فززني صوته الخشن طلعت ركض ودموعي تجري سمعته صاح اخخخخخ ولجج روححح
نزلت ابجي صار جدي بوجهي واردف
هااا كحب*** اعتدا عليج لعب بيج بكيفه لو شنوو سحلنيي من شعري وضربني دفعته عني وصرختت كافييي ولكك كافيي شنووو انت ما تمللل كل يوم نفس الروتيننن كلل يوم تضرب شنو ما عندك رحمههه ولكك اني بنت ابنكك هيج تسويي بيههه ولككم يا ناس جدي يتهمني بشرفيييي
الجد : والله وطلعللج لسان وعرفتي تحجينن لو بيج خير جان حافظتي على روحججج ساقطة
روح : والله محد ساقط غيركك
الجد : ولجج هاي عليميننن
سحلني من شعريي واني ادفع بيه واسمع صوت البنات يصرخن وشفت رسل صعدت فوك تستنجد بالابهر
الابهر : دمرتتني من كالت اكرهكك ما بعد اشوف كدامي كسرت الغرفة وبجيتت ايي لاول مرة ابجي اني الما هويت بس مرة بالعمر هيج يصير بيهه كاعد واطحن جكاير وسمعت صوت صريخ من الطابق الارضي واني طالع اشوف شكو صارت بوجهي رسل وهي تبجي
ابهرر الحك الروح جديي جديي راح يكتلهاا
نزلت ركض واشوف جدي ماسك روح ويضرب بيها وخانكهاا وهي ترافس جوا ايده مثل الطير المذبوح ما تحملت ورحت ركض مسكت جدي ودفعته عنهاا وسحبت روح من جوا وصايره عبارة عن خارطه شكد ما ضاربها حلكها دم وجهه كله خدوش شلتها وفتت لغرفة البنات حطيتهاا وطلعت گلبي وجعني على منظرها بس كافي تنازلت الها كثيرر وييجي يوم واندمها على هل كلمة اكرهك طلعت من البيت واني حاير معرف وين اروح شغلت السيارة وطلعت بوجهي لكربلاء المقدسة
..............
روح : اخر شي شفته هو الابهر نزل من فوگ ودفع جدي عني واني ما بعد اكدر افتح عيوني غمضت وما حسيت بشي
كعدت لكيت روحي يم البنات
منار : ولج روح يبعد روحي الله يكسر ايده شمسوي بيج
رسل : حبيبتي شنو صار
قبس : على كيفكم وياها
روح : عدلت جلستها واردفت
وين الابهر ؟
رسل : طالع
منار : روح شصار بينج وبينه لان وجهه ابد ما يطمن وسمعنا صوت صياح من فوك وتكسير وانتِ نزلتي تبجين النا
روح : حجيتلهم الي صار واعتراف ابهر الي
رسل : وانتِ ليش رفضتي
روح : معرف
قبس : تحبين ؟
روح : ولا وروح بابا ما احب بس من ورا جدي كرهتهم كلهم
منار : يعني حتى نحنَ
روح : لا انتو ما شفت منكم شي بس الابهر اخاف منه ومجرد ما كال احبج تخيلت يكتلني ويعاملني مثل جدي واني تعبت منهم جسمي ما بعد يتحمل ضرب
رسل : بس الابهر يختلف عنهم كلهم
روح : اووف بنات معرف معرف
بس اني ما راح ابقى وياكم
قبس : شنو قصدج
روح : راح اتواصل ويا ذيب وييجي ياخذني
منار : روح كل عقلج تحجين وعلي ابهر يتخبل
رسل : اي والله شبيج روح تريدين تعوفينا
روح : لا ما اعوفكم بس ما اريد اشوف الابهر ابد والا ما راح ينساني
قبس : ابهر مستحيل ينساج ومن زمان يحبج
روح : شلون
قبس : اي روح من زمان ابهر يحبج بوقتها اخر مرة من اجيتو يمنا على مود ابوج الله يرحمه وجدي يتصالحون وشافج بيها الابهر حبج وبوقتها اخذ صورتج من سحر الله يرحمها وكل يوم اشوفه يدخن ويبوس بصورتج ولحد هذا اليوم
روح : شنووو
منار : الله طلع اخويه العاشق الولهان
رسل : واو شلون فكره
قبس : هههه اي واني اعرف بي يحبج
روح : لا قبس لا تخبليني نهضت من مكاني يعني هسه ابهر يحبني من صدك
منار : شوف هاي الفطيرة ولج ميت بيج مو بس يحبج
روح : اوووف بنات جيبولي مبايل
رسل : هذا مبايلي بس ليش
روح : اخذته واردفت
راح اتصل بذيب ييجي ياخذني
منار : روح لا تتخبلين
روح : عوفوني بحالي الله يخليكم
دخلت رقم ذيب حافظته واتصلت
شويه واجاني صوته
ذيب : الوو
روح : هلا ذيب
ذيب : منو وياي
اردفت اني روح بنت عمتك
ذيب : روححح
روح : شبيك فززتني اي اني
ذيب : ولججج مشتاقلجج والله وين انتِ
روح : اني بيت جدي
ذيب : بيا منطقة
روح : بـ المنطقة الفُلانية
ذيب : ولج نحن بيتنا يمكم
روح : صدك
ذيب : اي وعلي نحن بيتنا يبعد عنكم ربع ساعه
روح : اي
ذيب : جايج اني
روح : مو هسه
ذيب : ليش روح
روح : بعد ما حضرت غراضي
ذيب : انعل ابو الغراض انتِ بس تعالي وكلشي ييجيج
روح : ههههه تمام تعال
ذيب : ديلا اني انتظرج تتصلين واجي لبين ما تاخذين كم غرض دبرين بيهم روحج
روح : تمام
سديته واني فرحانه وأخيراً راح اخلص من عذاب جدي ومن هل بيت المشؤوم
باوعت للبنات واردفت
راح ييجي ياخذني بعد ساعة
منار : صدك تحجين
روح : اي
رسل : يعني راح تعوفينا
روح : وجودي وعدمه واحد
قبس :  ونحن روح نحن نريدج
روح : دمعت عيني حضنتهاا وبجيت وعلي اموت عليكم حضنت منار ورسل وبقينا نبجي اخذت جنطه وحطيت بيها غراضي وكملت اتصلت من تلفون رسل على ذيب وكتله ييجي لان كملت طلعت من الغرفة وجنت طالعة واجت عيني. على باب غرفة الابهر اخذتني رجليه لدرج وصعدت فتحت الباب وشفت الغرفة گزاز والمراية مكسورة والغرفة ظلام بيها شويه ضو خافت دمعت عيني سديت الباب وطلعت ركض نزلت وصار بوجهي جدي اردف
هااا وين موليه
روح : ما بعد الي عيشه هنا
الجد : والله تسويين الزين
روح : عفتلك البيت بس ييجي يوم وارجعله واندمك على كل مرة ضربتني بيها وعلى كل حجايه
الجد : تحلمين طبين هذا البيت بعد
روح : مثل ما هو بيتك هذا بيت بابا والي حصه بيه
طلعت وعفته وصلت باب البيت وصار بوجهي الابهر ؤدت اطلع لزم ايدي وادرف
وين رايحه
روح : ما يخصك
الابهر : شنو ما يخصني لا تنسين انتِ بنت عمي
روح : واذا بنت عمك
اني رايحه البيت خالي
الابهر : روح لا تخليني امد ايدي عليج
روح : هههه ديلا هو ضليت بس انت ما ضربتني فززني صوته
الابهر : روحححح امشي طبي جوا يلا
روح : نترت ايده مني واردفت
ما اطب مشيت وقطع طريقي
الابهر : كتلج ما تروحين
روح : ابهر عوفني بحالي اكرهك اكرهكك كلت هيج مرد حلكي بأيده
دموعي نزلت من حالها نترت ايده وابتعدت عنه
الابهر : هاي حتى بعد ما تعيدها
ما اهتمت الحجيي وراحت اجت سيارة سودا عاليه صعدت بيها وراحت
ضربت الباب بقوة وفتت بسيطة روح بسيطة طبيت للبيت وصعدت فوك لغرفتي شفت البنات يشتغلن ادرفت وبصياح اطلعووو
رسل : راحت روح ونحن بقينا نبجي كله بسبب جدي
قبس : امشن نظف غرفة الابهر كلها گزاز
منار : هزينا روسنا ووصعدنا وبدينا نظف وفجأة طب الابهر شكله يخوف دماراته طالعه من العصبية صاح بينااا طلعنا من الخوف
رسل : يمه هذا شبي
قبس : لان روح عافته
منار : بناتت جدي يكول اليوم عمو سعد ما ييجي
رسل : شوف هاي الفاهيه ولج عوفنا هسه بضيم روح
قبس : اخخ والله ظلم ظلم
رسل : من زمان جدي ظالم وهسه اكثر
منار : صار حيوان
رسل : طكيتها بضحكههه خربب
قبس : هههه طاح حضج
منار : مو بيدي هو يجبرني احجي هيج
.......
روح : صعدت بالسيارة وشفت ذيب بقينا نحجي ونسولف وصلنا البيت حلو نزلت وطبيتا وادرفت
وين خالي
ذيب : خالج بالشغل
روح : خوش كبران والله
ذيب : لا رجعت صغير طبعا اكبر
روح : هههه ولا تغيرت
ذيب : وحتى انتِ بعدج على هذا لسانج
روح : شي اكيد وجاري التطور
ذيب : حتى انجلط ههههههه
روح : طبيت لغرفة كلش حلوة بيها سرير رصاصي ومراية كبيرة وميز تواليت وحمام داخل الغرفة وجرارات وضو كلش حلو حطيت الغراض بالكنتور صفطتهن وطلعت واردفت
ذيب ممكن تجيبلي تلفون
ذيب : ليش ما عندج
روح : جان عندي بس هسه لا
ذيب : تدللين باجر احلى تلفون ييجيج
روح : اويي فديتك ذيبي
ذيب : لا تتموعين ههههه
روح : دولي انت مو مال عيني واغاتي
ذيب : هههههه خرب باع اللسان شطولة
.........
الابهر : بعد ما صحت بالبنات طلعووو طبيت للحمام سبحت وطلعت اطحن بالجكاير فتحت التلفوون طبيت لمعرض الصور وشفت صورة روح اخخخ يا روح روحي ليش هيجي ليش بقيت اباوع للصورة واحجي وياهاا بحرگه