رواية روح الابهر
الكاتبة سواد
.....
احداث سابقة
الابهر : اخذت اغراضهاا وصعدت فوك حطيتهم على السرير وطلعت وقفلت باب الغرفة...
......
روح : طلعت من الحمام وشفت اغراضي على سرير ابهر استغربت شباب غراضي لهنا شفت الابهر ماكو كلت اطلع يم البنات وصلت الباب اريد افتحه ماكو مقفولة معقولة الابهر حبسني هناا معقولة نهايتي تكون على ايده دروت بأركان الغرافة على مفتاح بس ماكو الغرفة جانت عبارة عن سرير اسود وعليه فرشة زيتوني وميز تواليت عليه عطور مرتبة حسب الحجم وساعات مرتبة وشفت كنتور كبير بس ما فتحته رحت كعدت على السرير واني افكر شنو راح يصير وهل يا تُرى جدو راح يجبرني على الزواج من عمر
العمه بيداء : نزل الابهر من فوك واني انتظر نزول روح بس ماكو ما اجت ادرفت
يمه ابهر وينها روح ؟
اردف
بالغرفة قفلت الباب عليها
العمه بيداء : يا يمه ولك حرام البنيه ما الها ذنب بالي صار
ابهر : عمه اذا عفتها كدام عينكم يمكن جدي ياخذها ويزوجها غصب عنها
العمه بيداء : ولك يمه چا نحن وين مو وياها
الابهر : ضحكت بأستهزاء انتو من ضربها محد بيكم تقرب الها ولا ساعدها تردون اعوفها يمكم
العمه بيداء : يمه وليدي على الاقل افتح الباب نروح يمها لا تبقيها وحدها
الابهر : صفنت على عمتي وادرفت
اخذي هاي المفتاح واني عندي نسخة ثانية منه اذا رادت اكل او احتاجت شي روحي الها
العمه بيداء : هزيت راسي وهو رجع صعد فوك خفت لا يضربها بس لا الابهر مستحيل يسوي هيج
الابهر : صعدت الها ماكو صوت فتحت الباب شفتها كاعده على السرير وحاطه اديها على خدودها كتلها شوفي روح
اني هسه طالع وانتِ انزلي يم البنات بس اي شي يصير اصعدي الغرفتي واقفلي الباب تمام
روح : كاعده وصافنه شلون ياربي راح ابقى هنا اني وهذا طلع وقفل الباب قطع سلسلة افكاري صوت القفل فتحه الابهر وطب وادرف
كتله تمام
نطاني المفتاح وراح واني نزلت يم البنات وبقينا كاعدين ونسولف
منار : جدي ما راح يعديها على خير لا الج ولا الابهر
روح : شسويله يعني يريد يجبرني شنو اني صغيرة قابل
قبس : حبيبتي مو قصة صغيرة بس جدي هيجي طبعه ونحن مثلج اول ما كبرنا راد يزوجنا اكثر من مرة ونفس الشي شبعنا كتل وضرب واهانه بس الابهر وكف ويانا وبفضله نحن وياج حالياً
روح : يعني هسه اني بأمان لان ويا الابهر
منار : شي اكيد وبدون تَسأُل
روح : معرف بس خايفه الي سوا اليوم خلاني اخاف منه شكله يخوف من هو عصبي
قبس : هو هذا الابهر شفتي حتى بابا وجدو ما حجو ويا الابهر صعب كلش وعصبي واذا حط براسه شي يسوي وبدون خوف او تردد
روح : صفنت من كالت اذا يريد شي يسوي وبدون خوف او تردد يعني من كال اريدج ومن كال ما تاخذين غيري ما جان يشاقة قطعت سلسلة افكاري رسل كرصتني بأيدي صحت
اخخخ ومرض شبيج مجلوبة اليوم
رسل : هسه اني صرت مجلوبة
روح : لعد شتسميها الگرصه مالتج
رسل : ههه وين صفنتي
روح : بالضيم
منار : احجي شبيج
روح : والله معرف شكول
بأثناء ما جنا نحجي طب جدي مثل الاعصار. علينا وادرف
هااا خاتون كاعده هناا ومرتاحهه يالما مرباية
روح : خفت من شكله فاتح عيونه علينا عبالك شايف جني كدامه تذكرت كلام الابهر ( اذا صار شي اصعدي الغرفتي واقفلي الباب) كلت لازم اصعد واحمي نفسه كافي خوف كافي روح انتِ قوية تكدرين تحمين روحج منهه اجه جدي بأتجاهي وكفت بوجهه ولثاني مرة اسويهاا ادرفت
شبيك جدي
ما حسيت الا ضربني ضربه فر وجهي بيها وادرف
جبتيلنا العار وجيتي الناا
روح : هو كال هيج واني كرهتههه ولكممم ياناس ياعالم جديي يشكك بشرفيي ادرفت وبصياح شنو من كلب عندك سحبني من شعري وضربني مرة ثانية وكعت بالكاع رجعت كمت الحيلي وصحت جديييي كافيي كافيي اني يتيمه لا تظلمنيي سحلني برى الغرفة واردف
يتيمهه ولاعبين بيججج ولجج مو زين مخليج ببيتي مو زين راح يستر عليج ابن عمج
روح : دفعته بكل قوة وكتله شعندي حتى يستر عليااا اني اشرف منك ومنه بألف مرة اكسر اكبر راس واكسر ايده اليحاول يستغلنيي مو صغيرة انيي جديي اهلي تعبووو علياا ربوني احسن تربيهه
اردف جدي : اييي واضححح واضحح يا بنت الخر**
روح : وكفت بصدمهه جديي غلط على ابويههه وكفت بوجهه ودفعتهه وصحت ما سامحلكك تحجي على ابويه هيج وكلمن يحجي اكص لسانه وداعتك لو ما كبير اشوفك روح شتسوويي دفعته عني وكمت الحيلي اصعد لغرفة الابهرر احمي روحي لا جدي يسحلني مرة ثانيه صعدت ركض لغرفته وقفلت الباب كعدت وابجي على كلام جدي وشلون اتهمني بشرفي بقيت كاعده انتظر الى ما الله يفرجها
قبس : بعد ما طب علينا جدي وسحل روح من بيناتنا وضربهاا اتهمها بشرفها وسب على عمي وهين روح انصدمت من قوتها الي مدري منين طلعت دفعت جدي عنها وحجت ويا كلام زلم ما تحجي صعدت ركض لغرفة الابهرر وقفلتها اكيد هو كللها تسوي هيج
اما عن بابا الي هو بالاسم البونا ما دخل وشاف روح شلون تنظرب وكلام جدي الها وبقى ساكت وعمه بيداء بس تبجي ما تكدر تسوي شي وحمد ما بالبيت هو والابهر ورسل واكفه بصفي اني ومنار ونبجي على روح وما نكدر نسوي شي
الابهر : طلعت من البيت ويا حمد كتله راح اطلع من البيت واعوفه بيتي موجود واخذ روح وياي والبنات
حمد : شنو تخبلت ابهر تريد تعوف البيت ونوب خواتك وروح شعليهم تاخذهم وياك
الابهر : چا شتريد اعوفهم بيد جدي والا ابويه الي بس بالاسم اخذهم يمي احسن
حمد : واني ولك اخوك وضلعك تعوفني
الابهر : كفخته انت انجب وين اعوفك
حمد : چا شني تريد تهج وتعوفني
الابهر : ولكك ما اهج واعوفك اخذك وياي
حمد : حضنته حبيبي فديتك
الابهر : دولي لا تصير مثل البنات لعبت روحي
حمد : تخيل اني زوجتك
الابهر : وعلي اطلكك سبع مرات
حمد : افا عليك
الابهر : دمشي نرجع للبيت كافي تمسلت
رجعنا للبيت وهذا الطريق كله طرشني بالاغاني وصلنا وطبيت شفت هدوء وتقريبا الساعة 9 بالليل معقولة نايمين
حمد : شووو ماكو ولكممم
الابهر : صميت حلكه اسكت ولك فضحتنا
حمد : شبيك غير يستقبلونا
الابهر : اي مو جايين من الصالون
حمد : هههههه والله تضحك
الابهر : دمشي امشي راح حمد لغرفته واني صعدت الغرفتي فتحت الباب لكيتها مقفولة خفت لا روح مسويه شي بروحها مجنونه هل بنت فتحت الباب بالمفتاح العندي نسخة احتياطيه طبيت الغرفة بيها ضوء خافت والسبلت مشتغل باوعت شفت روح على السرير نايمه تقربت الها وجها احمر واضح جانت تبجي اوف يا روح يمتى يخلص كل هذا العذاب عفتها وطبيت للحمام سبحت وطلعت لبست بجامه وتيشرت خفيف لان حاره من عوايدي ما البس تيشرت بس لان روح يمي لبست
ضحكت على منظرها نايمه بنص السرير ماخذته طول بعرض بنت الطركاعه شلون نايمه تقربت الها وشلتها حطيتها عدل وغطيتها تمددت يمها وبقيت اتصفح بالتلفون اجاني اشعار شفته (حمد : ها ضلعي نمت ؟)
- الابهر : لا بعد تريد شي
- حمد : اي ما اكدر انام
- الابهر : شنو شايفني مرتك تريدد انيمك
- حمد : اي تعال نيمني
-الابهر : دنجب لك ولا تجوز من سوالفك
طفيت التلفون ودرت على روح اشتعلوو كون سبيتيني سبي ولج اني محد وصلني تجين انتِ يالفصعونه تخبليني غطيتها زين خاف تبرد حطيت بيني وبينها مخده ونمت من بعد ما صفنت وتأملت ملامح روح
........
قبس : جدو بعد ما طلع من غرفته الى وقت العشا اما الوضع بالبيت متوتر كلش روح ابد ما شفتها بقيت متردده اكول العمه بيداء عن روح او لا رحت لي يمها ادرفت
عمه روح ماكو
عمه بيداء : بفزع وين راحت البنيه
قبس : يعني اقصد صعدت لغرفة الابهرر وقفلتها
عمه بيداء : اي يبعد عمتج ابهر كللها تسوي هيج
قبس : هزيت راسي ورحت يم البنات الي وضعهم ما اسوء من وضع روح
ادرفت شبيكم يولو
رسل : اوفف قبس مليت من هل بيت والمشاكل الي تصير بيه
منار : اي وعلي ملل كل يوم مشكلة وخطيه روح يوميا جدي ساحلها ادري حلمان بيها
قبس : والله معرف شكللكم بس الوضع ما يطمن
رسل : شي اكيد واذا عرف الابهر بكلام جدي ويا روح راح يكلبها سودا مصخمه على روسنا
منار بعدم فهم ليش جدي شحجه ويا روح ؟
قبس : شبيج خيه شنو وين جنتي انتِ
رسل : جدي اتهم روح بشرفها وسب عمي
منار : بصياح صدككك
قبس : ومرض شبيج مجلوبة صوتجج
منار : يمعودة دعوفيني قابل شسويت
رسل : هسه ييجي جدي يسحلج
منار : ديلا بقت عليا
قبس : ولكم روح من صعدت لهسه ما سمعت صوت الها
منار : خاف بيها شي
رسل : اعتقد نايمه لان تحب النوم هواي
قبس : اي صح كلش تحب النوم هل بنيه
بقينا كاعدين لحد 10 ونمنا
........
روح : نايمه وشفت كابوس مزعج شفت جدي جاي يخنكني ويكلي العار الما عندج شرف اليوم اغسل عارج موتيي موتييي كعدت اصرخخخ لااااا والله بنيهه والله محد لمسنيي
الابهر : نايم وصوت روح تهمس بس كلامها ما واضح عرفت جاي تشوف كابوس ادرفت
روح تسمعيني كومي هذا كابوس
ماكو ما ترد سمعت تكول لااا جدوو لا استغربت من ايمت وروح هيجي تشوف كوابيس لا والنوب جدي اردفت
روح بقيت صافن بوجهاا وما كامت خرعتني من صرخت بأعلى صوت لااا والله اني بنيهه والله محد لمسنيي
حضنتها واردفت اشش بنيتي هذا كابوس اني يمج كابوس وداعتج
روح : كعدت من هل كابوس الـخر***
لكيت روحي بحضن الابهر حضنته قوي واني ابجي والله بنيهه والله محد لمسنيي كلههه ابهر كلههه احجي واني متمسكه بملابسهه
الابهر : انصدمت شبيها هايي شنو بنيه شننو محد لمسني حضنتها واردفت
اشش يروحي اني يمج محد يلمسج والله بقت بحضني واني امسد على راسها حتى تنام واني افكر شنو الي تحجي عنه روح وليش تكول محد لمسني واني بنيه قاطعت تفكيري وادرفت ابهرر لا تعوفني
الابهر : ما اعوفج يالأعز من روحي
بقت بحضني لحد ما حسيت نفسها انتظم عرفت نامت حطيتها بمكانها غطيتها واني كل بالي شنو الي جانت تقصده روح بكلامها وشكلها خايفه تمددت يمها وبعد تفكير طويل نمت .
......
في يوم جديد
رسل : كعدنا من وقت لان اليوم على اساس ييجي عمي سعد من تركيا تريكنا وماما وعمتي راحو لسوك ونحن نشتغل بالبيت بس روح ما بينت من البارحه
قبس : شبيج رسل شو تصفنين
رسل : بالي يم روح
قبس : لا تخافين عليها طول ما هي يم الابهر
منار : بس احس هلشي. غلط
رسل : شنو الغلط يعني
منار : روح ما يصير تبقى بغرفة ابهر
قبس : منار بطلي هذا الكلام اذا سمعج ابهر يطيح حضج اخوج كبير ويعرف شنو يسوي واكيد ما يغلط مو صغير هو
رسل : احس كلامها صح
قبس : شبيكم تخبلتو ليش راح تفكيركم بعيد ابهر لو ما خايف عليها ما ياخذها يمه ابد اخويه وأعرفه زينن
منار : اممم اي لان جدي نفس الشي اذا بقت يمنا يكدر يكتلها من ينام الابهر
رسل : اي والله خليها يمه هيجي اضمن الها
قبس : اي
منار : بنات اني شاكه بشي
رسل : واني
قبس : بشنو شاكين
منار : شاكه ابهر يحب روح
رسل : واني اكول يعشكها
قبس : عصافير الحب هههه
منار : بس والله راهمين
رسل : اي وعلي
قبس : اووف الله يجمعهم ابهر يعشك روح مو بس يحبها جنونه وغيرته عليها ما طبيعيه
رسل : اتفق وبجدارة
منار : اي والله
اثناء الحديث اجه حمد واشوف قبس وجها صار احمر
حمد : شلونكم بنات
-زينين
حمد : سوولي ريوك بلا امر عليكم
منار : اني عندي شغل خلي اختك تسوي
رسل : اني هم عندي شغل هياتها قبس هسه تسويلك موو قبس
قبس : بأرتباك هاا اي اي
رحت سوويت ريوك وهو عيونه تراقبني توترت من نظراته الي كملت واخذت الصينيه حطيتها على الميز واردف
عاشت ايدج ورده
قبس : يمه كال هيجي الا اني وجهي صار احمرررر من الخجل
حمد : قبس الخاطر ربج لا تخجلين يمي امششي لا اورط روحي هسه
قبس : كال هيج واني شردت يم البنات بس بداخلي فرحانه لان حبنا طاهر صار النا سنة ينتظرني اكبر بعد لان عمري ١٨ كتله اصير ١٩ واخطبني
منار : ها شبيج اشو وجهج جنه طاك بي تنور
قبس : ومرض شبيج ما تعرفين تحجين
رسل : هاا شكال حبيب الگلب
قبس : بخجل ما كال شي
منار : وجهج احمر وما كال شي لو يكول شتسوين
قبس : انجبو رجاءاً خلوني فرحانه شويه
رسل : افرحي عيني كون دوم فرحانه
.........
الابهر : نايم وحسيت بروح لازمه ايدي باوعت عليها نايمه وشعرها صاير على وجها ولازمه ايدي ونايمه باوعت لكيت الساعة 9 حيل هاي شكد نايم وهاي شو ما كعدت كمت للحمام توضيت وصليت واثناء صلاتي كعدت روح وادرفت
اخخخ راسي
الابهر بخوف : شبيجج روح
روح : ما ادري بس راسي يوجعني كلش
الابهر : هسه تركي واخذي براسيتول
روح : اي ؛ نهضت من مكاني ورحت للحمام غسلت وتوضيت وطلعت اصلي ومتوترة كلش الابهر عيونه تتبعني كملت صلاتي ونهضت اردفت
اغراضي شتسوي بغرفتك
الابهر : لان مكانهم هنا
روح : بعدم فهم ليش
الابهر : قريباً تعرفين
روح : تقربت الا واردفت لا والله خاف حجي البارحه تريد طبقة
الأبهر : أي حجي هذا ست روح
روح : كلت محد ياخذج مني
الابهر : عفيه عليج والله طلعت ذاكرتج قوية
روح : دير بالك تحلم زايد
الابهر : واني احب اسوي الحلم حقيقة
روح : لو تموت ما تاخذني لا انت ولا واحد خايس مثل عمر وها بعد ما نسيت الي سويته
الابهر : قصدج من بستج
روح : وتكولها بكل فخر
الابهر : اي شي اكيد بس بوياي شلون شفه تخبل
روح : لااا انت صدك ما تستحي
الابهر : تريدين نرجع نجرب
روح : اي دجرب وشوف شيصير بيك اذا ما اعضك فلا يطلع اسمي روح
الابهر : شني بويه جلبة حتى تعضيني
روح : امم بعض الاحيان اصير جلبة ويا الجلاب كلتهاا واشوف الابهر طار رواي واني طلعت وسدديت الباب طكيتها بضحكههه
الابهر : بوياي مو لسان ضيم عدهاا اني الج يا روح راحت شردت الجبانه
أنت تقرأ
روح الابهر
Fantasyقد كسَّر البعدُ أغصانًا لنا يبسَتْ وجففَ الشوقُ نهرًا كان يروينا كنا وكنتم وكان الحبُّ يجمعُنا فهل تعيدُ لنا الأيامُ ماضينا .
