روح الابهر

part 3

رواية روح الابهر
الكاتبة سواد
......
ابهر : راحت وراها قبس جابتها وجها اصفر وكوه تمشي وواضح عليها التعب ما حجيت شي جابتها قبس وكعدتها يم امي وشربوها مي وبقت مرتجيه بالكرسي وساكته ومغمضه عيونها
روح : جبرني جدي على الأكل اكلت بس لكمه وحده ورحت ركض للحمام استفرغت ومسكت المغسل لان فقدت السيطرة على نفسي ما كدرت اكف بعد اجت قبس تركض سندتني غسلت وجهي ومشتني وصلت كعدت على الكرسي وبقيت ساكته ما حجيت شي ولا احد حجى وياي غير بس مرت عمي علي
ام ابهر : يمه روح شبيج ليش رحتي ركض
قبس : استفرغت
ام ابهر : ما زين هيجي يمه لازم تاكلين وتتغذين
العمه بيداء : اي روحه شلون تبقين هيجي اكلي
روح : الله يخليكم لا تجيبون سيرة الاكل عوفوني
ابهر : عوفوها لا تلحون عليها
الجد : وانت ليش تحجي بالنيابة عنها
ابهر : جدي شبيك البنت ما تريد تاكل ليش تعذبوها
الجد : اكلي روح دشوف
ابهر : جديييي
الجد : يلا اكلي
روح : الخاطر ربكم عوفوني بحالي طلعت وعفتهم رحت كعدت بالسيارة ما الي خلك وهما واحد يعاند الثاني شبيهم هذول وينك بابا ليش ما اخذتني وياك ليش عفتوني وياهم ليش بقيت ابجي واحس نفسي راح شكد ما بجيت دحكت على روحي بالمراية شفت شكلي مو اني نفسي متغيره وضعفانه وجهي تعبان شصاير بيه بجيت على حالي وعلى اهلي وعلى المستقبل المجهول ومعرف شسوي
ابهر : جدي يضغط عليها وهي تعبانه ما تكدر تحجي وجدي يلح حجيت ويا وبقى يعاند
روح كامت وعافتنا وحجه ابويه
العم علي : شبيكم تتصايحون كدامهم بويه مو انت جبيرنا تسوي هيجي بيها عوفها بحالها البنت نفسه ما طايقتها لا تروح تأذي روحها
ابهر : عفتهم وكمت طلعت شفتها بالسيارة وتبجي رحت يمها كتلها
محتاجه شي
روح : محتاجه اموت اروح يم اهلي
ابهر : جريت نفس بحسرة وحجيت
كولي يا الله وادعي الهم بالرحمه
روح : يا الله الف مرة
ابهر : اذا تحتاجين شي كوليلي
روح : هزيت راسي وبقيت صافنه بالفرااغ
قبس : بقو بابا وجدو يتناقشون بخصوص روح وهي خطيه ما بالها شي غير اهلها
كملت اكل وكلت الامي راح اطلع يم روح
ام ابهر: اي يمه روحي يمها لا تعوفيها وحدها وديري بالج عليها صارت اختج بعد
قبس : اكيد ماما بعيوني احطها والله صارت اختنا
طلعت يمها شفتها صافنه حضنتنا حطت راسها بحضني وغمضت عيونها
ابهر : شفت قبس اجت يمها حضنتها وبقت وياها رحت لي يمهم وشفت روح نايمه او تمثل النوم طلعو وصدعدنا بالسيارات وكملنا طريقة للبصرة
منار : صعدت وشفت روح نايمه بحضن قبس اشرلتلها شبيها
قبس : تعبانه كلش خطيه
منار : هزيت راسي وبقيت ساكته
.........
ابهر : وصلنا ونزلت الغراض والبنات نزلو وروح وياهم قبس ماسكتها وتمشي وياها نزل جدي وابويه واخذت الاغراض منهم وفتنا للبيت اجه عمي احمد هو ومرته وولده فاتو عرفت جيتهم ما خير النا
سمعت صوت صياح بالبيت فتت وصوته يكول البنت رايدها الابني وما بكيفكم تمنعوني اخذها هي بنت اخويه مثل ما بنت اخوكم فهمتوني
الجد : ولك احمد اسكت احسن شنو تاخذ البنت
احمد : مثل ما سمعت يأبه ابني رايدها وين تلكي احسن منه
ابهر : البنت محد ياخذها غيري
الكل بصدمه شنوو
الجد : ولك شكو بينك وبينها حتى تاخذها انتت
ابهر : الله شاهد ماكو شي بينا بس انتو تريدون تخلصون منها وما صار الها ساعه بالبيت فكرو شويه خلو عدكم عقل انتو الكبار وانت يا جدوو كبيرنا وتحلل وتحرم الناس شتحجي علينا زوج بنت ابنه اول ما طبت بيتهم
العم علي : هدي ابهر مو هيجي الحجي
ابهر : لا هيجي الحجي سكتت الكم كثير حرمتوني من الحبيتها مو كافي وهسه جايين تجبرون بنت عمي والمنوووو العمر ما يسوى فلس
احمد : ولك اني عمك احترم نفسك شهل حجي هذا عود انت ابن اخويه الجبير
ابهر : عمي خليني محترمك
احمد : شوفو شلون يحجي وياي وتريدون اسكت
عمر : ابهر اسكت بعدين شوفنا الزلم شتسوي 
ابهر : انت اخر من يحجي عن الزلم
عمر : لازم ما بعينك
ابهر : عفته ومشيت طلعت الغرفتي نار شبت بصدري فتت للحمام سبحت وطلعت الغرفة باردة طفيت الضو ونمت
احمد : يأبه شنو هذا انت قابل على هل حجي مال حفيدك
الجد : سد الموضوع هسه وبعدين
احمد : يصير خير بويه يصير
روح : اول ما وصلنا البيت طبينا وابهر جاب الغراض ونحن بنص الكراج اجه عمي احمد هو ومرته وولده طبوو للبيت وبدأ يحجي ويريدني الابنه والمنوو عمرر الخايس بقيت واكفه وما حجيت شي نوب طلعلي ابهر من جهه ثانيه بس يريدون يخلصون مني بس يريدون يزوجوني
اجه ابهر وبقى يصيح ويا عمامي وعمر ونحن البنات واكفين طلع ابهر وعافهم اني ما تحملت اسكت حجيت وطلعت نار گلبي كلها
عيب عليكم تتقاسموني وكدام عيني جان استحيتو على نفسكم مو اني بنتكم حفيدتكم بنت ابنكم الما صارله يومين ميت ترابه بعد ما نشفت وانت يا جدي يا جبيرناا بدال ما تكول ما انطيها تكله بعدين ويصير خير يا خير هذا الي تريده يصير جديي لو ميته ولا جايه وياكم لو عايفيني هناك وحدي ولا جبتوني لهناا
حجيت وما احس الا بضربه خلتني اصير بالكاع وما كدرت اكوم صارت عندي دوخه قويه فقدت وبقيت بالكاع اجت قبس بسرعه كومتني وصوت ابهر يصيح
ابهر : صعدت حتى انام بس ما كدرت كمت وجنت نازل اشوف راحو الا بعدهم وسمعت كلام روح كله وشلون حجت وياهم اجه جدي وبلحضه ضربهاا وهي وكعت بالكاع نزلت واصيح لا تضربها جدي حراممم اجت قبس تركض كومتها واخذتها جوا
الجد : وانت شكوووو ما يخصكك فهمت بعدك ما فكست عنك البيضةة وهيجي تحجي وتوكف بوجه جدكك
ابهر : جدي اني مو صغير 27 سنة مو صغيرر. وعيب عليك تمد ايدك على بنت ابنك تراب كبرة ما نشف
عفتهم وفتت لـ روح كتلها ديري بالج تطلعين فهمتي
روح : من بعد ما ضربني جدي وفوتتني قبس للغرفة اجه ابهر وزت كلامه ومشه بقيت ابجي على حالي وعلى الضيم الاني بي بقيت 3 ايام ما طلعت من الغرفة والاكل منار او قبس تجيبه ما ردت اطلع حتى لا ترجع تنعاد المشاكل
العمه بيداء: روح حبيبي ليش ما تجين يمنا وطلعين
روح  : لا عمه خليني وحدي احسن
العمه بيداء : بقيت احجي وياها واحاول حتى تطلع بس ماكو ما تقبل اجه ابويه وكال وينها روح صارلها كم يوم مختفيه
كتله والله يابه ما تقبل تطلع
الجد : اني رايح الها
العم علي : يابه لا تقسى عليها
عافنا وفات عليها
قبس : فات جدو على روح ونحن خايفين لا يكتلها او يسويلها شي فات وسد الباب اجه ابهر وكال
ابهر : بقت روح 3 ايام ما شفتها نهائي معقولة سوت شي بنفسها سالت البنات عليها كالو ما بيها شي بس ما تريد تطلع
مرت ايام ورجعت من الشغل شفتهم واكفين بالباب مال الغرفة حجيت
شككو اشو هنا واكفين
ام ابهر : جدك يم روح
ابهر : شيريد منها
ام ابهر : معرف والله كال شو ما تطلع وتبقى وحدها وفات الها
ابهر : بقيت واكف خاف يسويلها شي طلع جدي وروح بأيده يمشيها شفتها احسن من قبل شويه
روح : اجه جدي عليا للغرفه خفت وكفت خايفه منه معقولة اجه يكتلني
تقرب واخذني الحضنه وكال بويه ليش ما تطلعين ويا البنات وتختلطين وياهم
بجيت وتذكرت بابا نفس ريحته بقيت بحضنه وهو يحجي وياي حتى اطلع وياهم واعتذر على الي صار وكال بنتي بعدج صغيره وكلامج مو مال عمرج ابد طلعت ويا وشفتهم كلهم واكفين ومنتظرين
قبس : طلعت روح ويا جدو رحت ركض حضنتها وبقت حاضنتها اجت منار وكالت
منار : انطيني دور الي قابل بس الج
روح : ضحكت شلون تحجي
قبس : وأخيرا شفنا ضحكتج
ابهر : شفت البنات شلون حاضنينها وفرحانين على فرحها ومبين يحبوها هواي بقيت صافن عليهم
روح : انتبهت على ابهر شلون صافن علينا صارت عيني بعينه ارتبكت
ابهر : روح دحكت عليا وصارت عيني بعينها شفتها شلون ارتبكت ضحكت بگلبي على شكلها وطلعت فوك نمت
روح : طلع ابهر فوك ونحن بقينا جوا مرت الاشهر واني بديت اطلع من حزني شويه شويه والبنات وياي ابد ما عافوني وحدي بقيت على وضعي وحسيت بأبهر نظراته مو نظره عاديه يصفن ومن ادحك عليه يشيل عينه عني واما عن موضوع عمر محد فتحه ونسيت الموضوع اصلا وجدي صار زين وياي وما يضربني مثل اول من جيت واجه اليوم الجنت انتضره سنوية اهلي صارلهم سنة من عافوني وحدي اجت الناس واني رجعت اتذكر كل الي صار وشلون ماتوو اهلي بيوم ولليله وبقيت ابجي وانتهيت
ابهر : مرت الايام واني زاد اعجابي بـ روح بنيه حلوة وهادئة بس ام لسان وصرت اخاف عليها لا يصير الها شي اعترف حبيتها بس ما بينت الها واليوم سنوية عمي واهله وروح تبجي وانهارت اكثر تذكرت كل شي صار وياهم تمنيت اضمها بگلبي واخذها الحضني بقيت اراقب بيها من بعيد لبعيد
روح : ضليت ابجي ونحن بطريقنا الى المقبرة حتى ازور اهلي واني تمنيت اموت واروح الهم نزلنا واني ضليت ابجي واكفه والبنات لازميني من اديه حتى لا اوكع صار غوش بعيوني وما بعد اشوف شي واخر شي سمعته صوت ابهر ...