رواية روح الابهر
الكاتبة سواد
......
روح : اخر شي سمعته صوت ابهر
ابهر : واكفين وروح وكعت بالكاع رحت ركض الها روح روح تسمعيني كومي روححح شلتها وصعدتها بالسيارة اجت قبس
قبس : روح اغمى عليها واجا ابهر مثل المجنون عليها اول مرة اشوف اخويه هيجي خايف على بنت شالها للسيارة ورحت ركض الهم غسلت وجها وكعدت
وابهر واكف يباوع عليها بخوف
اردفت روح
راسي يوجعني
ابهر : سلامة راسج هسه راجعين للبيت ابقي بالسيارة انتِ
روح : بقيت بالسياارة مالي خلك اناقش باوعت على قبر بابا وبجيت عفتووني هيجي يااابه كوم اصرخ بس ماكو فايدة من كل هذا اجه ابهر ومشت السيارةة واني ابجي واناشغ
ابهر : كافي رووح كافي
روح : ما رديت عليه وبقيت ساكته
ابهر : شفتها ساكته ركزت على الطريق وعيني من يمها وصلنا للبيت نزلت وطبت جوا يم النسوان خلص هل يوم واني افكر شلون افاتحها بالموضوع خايف لا جدي يلعب من ورايه ويجبرها وهاي فاهية ما تحجي وهذا عمر بقى يحوم حولها بس العجبني هي ما تنطي مجال
روح : من بعد ما خلص اليوم نمت نومه عميقة طلعت قهر النهار كلو بيها و رجعت طبيعي اشاقة واضحك ويا البنات ونزعت الاسود لان مرت عمي ام ابهر ما قبلت كالت مايصير ابقى لابسته وخطيه نزلت للسوك اشترتلي كوووومه ملابس والوان تخبل وشترتلي مكياج وكلشي تحتاجه أي بنت كلش فرحت بيهم وحسيتها صدك امي وقبس ومنار اكثر من خواتي والله كلش محبوبات وابد ما حسسوني اني غريبة عنهم تعلقت بيهم كلش
ابهر : جنت بالمعرض ودك تلفوني شفته (الوالده)
هلا يمه
ام ابهر : هلا وليدي تكدر تجينا
ابهر : ليش اكو شي
ام ابهر : لا يمه بس اريد اخذ روح وننزل لسوك
ابهر : اني اجيكم
ام ابهر : اي يمه
ابهر : بدلو لبين ما اصل
ام ابهر : صار يمه الله وياك
ابهر : كملت شغلي وطلعت بوجهي للبيت حتى اخذ امي وروح للسوك وصلت واتصلت عليهم حتى يطلعون ما احب انتظر احد
طلعت امي وروح وراها جانت لابسة عباية وشال بنفسجي فاتح طالعه حلوة بنت الطركاعه صعدو واردفت روح بصوتها الناعم
السلام عليكم
اردفت
وعليكم السلام
اردفت ام ابهر
يلا يمه دوبنا نلحك نكمل
ابهر : ليش اكو شي
ام ابهر : لا يمه بس دوب الحك اكمل الغراض وهي ناقصها كثير
اردفت روح بعدم فهم
ليش عمه
ام ابهر : لا يمه هيجي حتى اكمل غراضج لان ناقصج كثير وملابس ما عندج
روح : هزيت راسي بس گلبي قابضني معقولة اكو شي ما اعرفه
سكتت عمتي والهدوم سيد المكان
وصلنا وقبل لا انزل اردف الابهر
ديري بالج على نفسج
بقيت صافنه بعدين
اردفت ان شاء الله ونزلت
وبقينا نفتر اني وعمتي ما خلت محل ما طبت الا واني اكللها عمه مو كافي صار كثير وهي مستمرة تشتري بالملابس والمكياج والعطور وحتى ملابس نوم اشترت ودشاديش وفساتين صار تلللل من العلاكاات بقيت صافنه عليهم واردفت
عمه شلون راح نشيلهم
اردفت العمه
فدوه هسه ييجي ابهر ياخذنا للبيت
اردفت
تمام بقينا ننتظر لحد ما اجا الابهر واخذ الاغراض حطهم بجنطه السيارة وصعد انطلقنا للبيت طبيت وشفت جدو اردف
وين جنتو
ادرفت
بالسوك
اردف واني ليش ما عندي علم
اردفت جدو اشتريت اغراض ورجعنا
اردف وين الاغراض
اردفت يم ابهر
هز راسه واني طبيت ما اهتميت الا
طبيت شفت البنات كاعدين
اردفت قبس ها عيني وين رحتي وعفتينا وحدنا
اردفت جنت بالسوك ويا عمتي نشتري ملابس وشغلات كلش حلوة
منار : صدك عليج العباس شنو اشتريتي اريدد اشوف ذوقج
اردفت هسه ييجي ابهر واشوفكم كلشي اشترينا
قبس : جدو يعرف
روح : معرف وبصراحه ما بعد اهتم الا
منار : شلوون يعني
روح : يعني الي اريده اسوي وما اخاف منه الموت واحد والرب واحد شيصير قابل
قبس : والله انتِ مجنونه
روح ضحكت واردفت من زمان حبيبتي
منار : لا انتِ من صدك طابكات عندج
روح هزيت راسي بأبتسامه
بقينا نسولف ونضحك واخذنا الوقت لحد ما عمتي صاحت بيه
لج روح ما تريدين الاغراض مالتج
ادرفت اسفه عمه نسيتج
ام ابهر : ههههه لا يمه عادي بس اشو من طبيتي اختفيتي
ادرفت جنت يم البنات ونسيت
ام ابهر : اخذيهن
اردفت شكرا عمهه اخذت الاغراض وطبيت يم البنات وبقينا نشوف الاغراض ونرتب بيهم عافتنا منار وطلعت يمهم واني وقبس بقينا نسولف ونشوف الملابس
منار عفتهم وطلعت وسمعت ماما وجدو يحجون
ام ابهر : عمي والله اخاف البنت ما تقبل
الجد : ما بكيفها تزوج وغصب عنها ما ضل الها حجه اهلها صار الهم سنة وصار لازم تزوج وامن عليهاا
ام ابهر : بس عمي
الجد : اششش ما اسمع كلمة بس تروحين وتحجين وياها وتبلغيها بقراري فهمتيني
ام ابهر : هزيت راسي بيأس وطلعت من يمه شلون ابلغها شلون اكللها طلعت واني حايرة وين اروح المن احجي المن اكول هل بنت صارت مثل بناتي وقطعه من روحي شلون انطي بيها والمنو الواحد ما عنده ذره رجولة وما يحافظ عليها ولا يصونها
منار : بقيت اسمع ونصدمت من تصرف جدي لهل درجه بس يريد يخلص منها هلكد روح ثقيله عليهم معقولة هذا جدوو
جنت امشي واحجي ويا روحي لالا ما معقولة اكيدد اكو غلط اذا روح تعرف والله تتخبل والله تشرد وجدي يذبحهاا شلون شلون
ابهر : وصلتهم للبيت وطببت الاغراض جوا وطلعت للمعرض اكمل شغلي بقيت لحد ما صار الليل تقريباً 9 ورجعت للبيت هدوء ومحد اكو صعدت للغرفة سبحت وطلعت طرقت الباب على البنات حتى يسوولي اكل لان فطسان جوع طلعت منار بس وجهها مخطوف لونه
اردفت شبيج
منار .....
بعد ما سمعت كلام جدي رحت للبنات وكلتلهم على كلشي سمعته وروح صارت دك وتلطم بقينا نحجي وياها وهي بس تبجي
روح : وكع الخبر مثل الصاعقة على راسي شلونن جدي يسوي هيجي واني اكول نسى الموضوع خلصص بهذا الزمن وين اكو وحده تنجبر تزوج هذا تخلفف هذا جهللل شهل تفكيرر ياربييي خلصني ياربيي
بقيت ابجي على حضي نايم بالطين ليش هيجي ليشش
قبس : اجت منار وحجت كلشي سمعته وروح تبجي وانهارت وتدعي على روحهاا فجأة صوت الباب طلعت منار
منار : طلعت اشوف منو خفت لا احد سمع صوت روح وهي تبجي طلعت شفت ابهر صفنت بوجهه شكله معقولة سمع صوت روح وهي تبجي
اردفت ها حبيبي تريد شي
اردف اي سويلي اكل اذا ما عندج شي
ادرفت تدلل
ابهر شفتها وضعها ما يطمن سألتها شكو
اردفت ماكو شي
رحت للمطبخ سويت اكل الابهر واني افكر اذا عرف شراح يسوي بقيت افكر افكر بس ما لكيت حل وديت الاكل وطبيت يم البنات اشوف شصار وروح على حالها تبجي ومنهاره اوف منك يا جدي ما يكفي نحن تريد تزوجنا ولو ما ابهر جان من زمان نحن متزوجين
اردفت خلي نحجي الابهر
قبس : منار شنو تخبلتي تريدين ابهر يعلك ويا جدي وانتِ تعرفين كلش زين ابهر عصبي وما يقبل بهل حجي
اردفت چا شلون نبقى بس نصفن وانتِ كافي بجي شوفي حل بدال هل دموع
اني حجيت هيج وشفت روح كامت لحيلها
واردفت ماكو غير هذا الحل اموت واخلص
منار : طلعت ركض من الغرفة وراحت للمطبخ طلعنا وراها اني وقبس وهاي المجنونه اخذت السچين واردفت
اذا تتقربون والله اكتل روحي والله
ابهر : جنت كاعد بالاستقبال واكل وشفت روح تركض وتبجي وراحت للمطبخ وطلعو وراها قبس ومنار شفتهم واكفين بالباب وخايفين رحت شفت روح بيدها سچين تخبلت من شفت السچين بيدها وتهدد بيهم اردفت
شكو شجاي يصير
منار : ابهر راح تكتل روحهاا
ابهر : روح بلا خبال جيبيهاا
روح : اكرهكم كلكمم كلكمم اكرهكمم تريدون تزوجوني وتخلصون منيي
ابهر : روح بروح ابوج جيبيهاا ولا تتهورين
روح : لاااا ما اجيبها انتوو تردون تخلصون منييي واني راح اخلصكمم
بحركه سريعه ضربت الوريد بالسچين وكعت بالكاع
ابهر : تخبلتتت من شفتهااا لازمه السچين وتحجي وما تقبل تعوفهااا بأثناء ما احجي وياهاا بحركه سريعه ضربت الوريد ووكعت بالكاعع رحتت الها مثل المخبلل حطيتها بحضني ولجج روحح ليش هيجي سويتي ولجج تريدين تموتيني صحتت بيهم حتى يجيبون شي اشد ايدهاا قبل لا تموت
جابت قبس شاش وشديت ايدهاا وشلتهاا وطلعتت للمستشفى وسقت بأقصى سرعة حتى بس الحك عليهاا
اتصلت بحمد ابن عمتي اجاني للمستشفى هوو صديقي وضلعي وكلشي يعرف عني اجاني طياره للمستشفى
وصلت هناك شلتهاا وطبيت صحت على الدكتور والممرضين حتى يشوفوهاا اخذوهاا مني بس ما خلوني افوت وياهم بقيت برى انتظرهم لحد ما اجاني حمد واردف
خيرك خويه شصاير
اردفت معرف حمد معرف انتحرت روحح انتحرتت
حمد : شلون هيجي صار اكيد اكو سببب
اردفت معرف معرف بس خلي تصير زينه والي حجي ثاني وياهم
حمد : قصدك جدي
ابهر : ههه جدي اي جدي وشلون جد عندي
حمد : هدي يا خويه وان شاء الله خير
ابهر : اذا صار الها شي اموت
حمد : كول يا الله ان شاء الله ما بيها شي
ابهر : ان شاء الله اثناء الحديث بيني وبين حمد طلع الدكتور
واردف الحمدلله على سلامتها تلاحكنا الوضع وخيطنا الجرح دير بالك عليها
اردفت ان شاء الله شكراً دكتور اكدر اشوفها
اردف اي تكدر
طبيت شفتها حاطيلها مغذي وايدها مشدوده كعدت يمها ومسكت ايدها وادرفت
ليش هيج سويتي روح اموت اذا صارلج شي لا تعيدها صرتي اعز من روحي وعد احطج بعيوني واخذ حقج مربع منهم بس اصبريلي بقيت ماسك ايدها وصافن بوجها ملامحها مريحه للنظر كلش حلوة بقيت صافن بوجها لحد ما فتحت عيونها واردفت بتعب
ابهر
يا عيونه الابهر
اردفت رجعني للبيت
ابهر : اصبري بس ساعه وحده وعد واطلعج
روح : هزيت راسي وغمضت عيوني
.......
قبس من بعد ما روح ضربت الوريد ووكعت بالكاعع ابهر تخبل واخذها الحضنهه وعرفت هو شكد يحبها بس ما جان يبين شالها بين اديه اخذها للمستشفى واني ومنار بقيتا ننتظر ايمت ييجون كلش خفنا عليها معقولة تموت لان ضربت الوريد
اردفت منار
لا اكيد ما يصير بيها شي كلهه بسبب جدي شكد ظالمهاا
قبس : اوووف من جدي هل بنت تعبت كثير بحياتها وجدي متخبل هل ايام مدري شبي
منار : خلي يعرف ابهر سوت هيجي من ورا جدي والله يقلب الدنيا فوك راسهه
قبس : اوف والله معرف شحجي وشكول
اثناء الحديث طلع ابوويه وامي وجدي وعمتي ورسل
اردف جدي
شكو شصاير
اردفت منار روح انتحرتت
كلت هيجي واشووف علامات الاستغراب بوجوه الكل اردف جدي
لازم تخبلت هل بنت اكيدد عدها علاقة ويا شخص وخانها او ضحك عليهاا
العم علي : شنو هذا الحجي بويه هاي بنتنا ما تسوي هيجي شي ولا تنسى متربية على ايد اخويه الله يرحمه يعني احسن تربية
ادرف جدي خلي تجي ويصير خير
فات الغرفته وسد الباب
العمه بيداء : وهسه وينها ومنو اخذذها
اردفت منار : ابهر اخذها هو وحمد طلع ورا
ام ابهر : علي اريد احجي وياك بخصوص روح
العم علي: خيرج اكو شي ما اعرفه
ام ابهر : اي ولازم تعرف يمكن هل بنت سوت بروحها هيجي لان عرفت
العم علي : امشي واحجيلي شكو
ام ابهر : حجيت كلشي العلي وهو استغرب واردف
معقولة ابويه هيجي يسوي ببنت اخوي هاي امانه يمنا ومحد ياخذها غير ابهر
ام ابهر : ليش اكو شي بينهم
العم علي : لا ماكو شي بينهم بس هاي وصية اخويه الله يرحمه يعني لازم تصير
ام ابهر : والله البنيه كلش حبابه وما شفت منها غير الطيب والكلمة الحلوة
العم علي: خوش چا بس ترجع بخير وسلامة النا حجي ثاني ويا ابوي والا البنت تروح من بين ادينا وجوهنا تسود بنت اخونا وما عرفنا نحافظ عليها
ام ابهر : ان شاء الله ترجع بخير
قبس : طبت امي ويا ابويه ونحن بقينا ويا عمه بيداء ورسل ننتضر وصول روح وابهر صارت الساعة 12 وماكو اردفت عمه بيداء
اشو تأخرو معقولة بيها شي البنيه
منار : عمه اتصلي بحمد هو وياهم
رسل : اي ماما هو ويااهم بس حتى نطمئن عليها
العمه بيداء : هسه اتصل
قبس : اتصلت عمه بيداء بحمد والحمد لله هي بخير وراجعين بالطريق
اردفت عمه بيداء
كومو حضرو الفراش الها حتى تنام وعينكم عليها بناتي هل بنيه مظلومه ولهسه تذكر اهلها وتحس روحها وحيده
منار : بعيونا عمه والله ما نعوفها اختنا الثالثه
رحنا للغرفة حضرنا الفراش الها وبقينا ننتظرهمم
ابهر خلص المغذي وقعت اوراق الخروج وطلعنا من المستشفى وصلنا للبيت نزلت روح واني ساندها ادرفت
حمد اصقط السيارة
اردف
تدلل خويه
ابهر طبيت وهي وياي اخخ روح لو بيدي اخذج يمي وما اخلي احد يوصل الج بس ماضل شي وتصيرين بحضني قاطعت تفكيري وادرفت
ابهر
عيونه
اريد مي
هسه اجيبلج كعدتها على الطخم ورحت جبتلها مي شربت واخذتها للغرفة طرقت الباب على البنات طلعو ادرفت
ديرو بالكم عليها
منار : بعيونه اخذتها وسديت الباب حضنتها ولج لا تسوين هيجي مرة ثانيه شلون تعوفينا وتسوين هيجي بروحج
اردفت
تعبانه
قبس : انعل ابو التعب تعالي بحضني ولج والله صرتي بنص گلبي
روح : رحت الها وحطيت راسي بحضنها وهي تقرأ القرآن غفيت من التعب
ابهر : اخذتها منار وعبالك اخذت روحي مني سدت الباب وصعدت فوك نزعت القميس وانمطلت على السرير واني افكر لو مجرد صار الها شي مستحيل اسامحهم صفنت على روحي معقولة حبيت من بعد ذاك الحب صار عندي حب جديد او مو حب صارت عندي روح جديده اذا اشوفها ابقى اضحك وصافن عليها الي يكول صارله سنين عاشق بقيت بدوامه الافكار الى ان نمت من التعب.....
أنت تقرأ
روح الابهر
Fantasyقد كسَّر البعدُ أغصانًا لنا يبسَتْ وجففَ الشوقُ نهرًا كان يروينا كنا وكنتم وكان الحبُّ يجمعُنا فهل تعيدُ لنا الأيامُ ماضينا .
