‏« ما مليت من حُبه .. و أنا طبعي ملول »

Part 8

بسم الله الرحمن الرحيم ❤️

رجعت المها ومعها الكعب حقها وجوال رؤى وثوب وشماغ سعود؛ امسكي ودي ذا لزوجك لا يبلشنا جالس يصارخ يبغاك تكوين وديتهم للعامله
رؤى بغرور ودلع؛ ويع مايتطور ذا من بقى يكوي؟!
المها؛ اخلصي مسكي
رؤى ناظرتهم؛ لا ماروح اوديهم ابغى اصورهم واعطي
المها؛ طيب بس بسرعه علشان الايلاينر حقي
رؤى بضحك؛ طيب طيب يالمصلحجيه
المها برفعه حاجب؛ ترا انتي
رؤى بمقاطعه؛ خلاص اي انا بروح اصور واجيك

جلست المها تلبس الكعب والعبايه ناظرت حقيبه رؤى البيضه الي جت بها؛ بلبس ذي واقول لها تلبس شنته ديور

عند ملهم الي كان جالس يعدل بشماغه ناظر جاكيت بدلته وناظر روجها عليه الي مو راضي احد يغسلها بحجه انه يبي يقطها رفعها له وجلس يحسس بالطبعه؛ جبتي راسي بيوم التخرج وكنت جالس انساك بس من يوم ما انخطفتي مو قادر اشيل مظهرك من بالي ياليت كل يوم تقدري تبوسيني
حطها بالكبت وجلس يكمل لبس

عند رؤى الي كانت جالسه تصور الفستان حقها وثوب وشماغ سعود وبهمس؛ فيك خير الحمد لله بسوي ترندات
سعود من خلفها؛ اي تسذا اخلصي بروح
رؤى فزت؛ يما انت وش جابك
سعود ناظر الباب واشر عليه؛ كان مفتوح
رؤى؛ اي طيب بس ابي واشرت ع الكوفي حقها؛ ابي تاخذ ذا وحطه بالمطبخ ورجعت أشرت ع ثوبه؛ ابغا عطرك عشان يطلع حلو كذا والساعه حقتك بتذكر؛ اي وابغا قلمك ذا وابي عقالك
سعود رفع حاجب من طلباتها؛ أوامر ثانيه يالبرنسيسه
رؤى بتعجب من رده الي ماتوقعته كذا وببراءه قربت وباست خده وبعفويه؛ شكراا سعودي
سعود انلخم وبتعلثم؛ ااا بروح اجيب الي تبينه وجايتس
رؤى؛ تممم انتظرك

بعد ما خلصو وكل حاجه راحو حق فله اياس وايار
وكان باستقبالهم اياس؛ ياهلا والله حياكم ارحبوا
سعود وملهم؛ البقى الله يحيك
اياس؛ باب الحريم من هناك لو يبون محارمكم
سعود ناظر ملهم؛ خلاص روح وانا اقول حقهم
ملهم؛ تم
ودخل ملهم واياس وراح سعود حقهم وقال لهم يدخلون
ودخل لعند العيال

دخلو وناظرو ايار المبتسمه؛ يالبيه يالجمال ارحبوا
المها حضنتها؛ لو تدرين وش صار فينا بس قالو انخطفتي وملهم تصاوب
ايار ردت لها الحضن؛ حبيبتي والله ادري فيك يالخوافه
المها؛ مو كذا كلكم تقولون اني خوافه حرام عليكم وشذا
بعد مده رن جوال المها ناظرت الاسم واستئذنت من البنات وقامت تمشي للمطبخ ورفعته؛ السلام عليكم
سعود؛ وعليكم السلام دزي لي رقم رؤى نسيت أخذه وجهزوا نفسكم بنطلع
المها وهي تناظر العامله تسوي شاهي؛ جالسه العامله تسوي شاي شلون الحين
سعود ناظر اياس الي قام يبي يجيب الشاهي؛ خلاص بنشربه ونطلع
المها همهمت له بتمام ودزت له رقم رؤى وقفلت الجوال ناظرت العامله؛ وش اسمك انتي
العامله (ميري)؛ مدام انا ميري
المها؛ اي اي وانا المها
العامله؛ ماما انت جميل جدا
المها ضحكت؛ امانه شلون الأحمر
العامله؛ سيم سيم
المها ضحكت؛ هههههههههههههههههه وبصوت من خلفها؛ يابنت
المها لفت بخرشه؛ يمههه وش تسوي هنا اذلف برا
رفع نظره اياس وناظر فستانها الأحمر وشعرها الكيرلي وبهمس؛ موت حمر
المها بصوت عالي؛ اذلف برا ولا صد علشان اطلع
اياس صد؛ اطلعي
طلعت جري للبنات وبلهث وفزع؛ يمه بسم الله
ايار بفزع؛ وشفيك انتي الحين
المها بكذب؛ لا ولاشي بس العامله تناديك وانتي أشرت ع رؤى؛ سعود يقول يلا
رؤى؛ يوه الحين
ايار؛ سوينا له شاهي عشان يجلس بالاخير يبي يطلع لا والله الحين اكلم اياس
المها بسرعه؛ لا لا قلت له قالي خلاص
جلسو يشربون شاهي وبعدها ودعوهم وطلعو للبيت وسعود ورؤى لشقتهم

» عند سعود ورؤى «
وصلو شقتهم ودخلو وناظروا بعضهم دقايق؛ ااا انا بروح اغير
سعود؛ لحظه ابيك تجيبين شاحني من الغرفه
رؤى ناظرته وهزت راسها ب ايه؛ طيب
دخلت رؤى وفسخت عبايتها وناظرت البجايم وفستان الملكه حقتها هي وسعود
؛ وشذا انا ليه رديت وجبت ازرق ابي احمر ورجعت ناظرت الفستان؛ اممم الا والله حلو خلني اغير عن الأحمر
ناظرت شاحن سعود اخذته وطلعت؛ سعود امسك التفت لها سعود وناظر فستانها وشلون مبرز جمالها؛ هاتي صحيح ابي يوم تحددين الملكه
رؤى بدلع؛ انا احددها امم احس كمان اسبوع كذا
سعود؛ اسلمي يابنت وش اسبوع خلاص يومين تسذا ونملك
وجهزي لتس ملابس علشان بكره بنطلع بر انا والعيال وناخذكم برغم ما اشجع الفكره لكن ملهم يقول لا تنخطفون
رؤى؛ يالبيه فديته ملهم يعرف الذوق
سعود بتسليك؛ اي البسي زين عشان الجو وتسذا
رؤى؛ اممم ابي اطلع اجيب ملابس ماعندي
سعود؛ طيب طيب
رؤى؛ أي وابغا ميكب وكذا تدري كل أشيائي ببيت ابوي
سعود؛ المفروض نروح نفهمه الي صار رؤى!
رؤى بحزن؛ قال لي الكلمه الي بحياته ماقالها تبيني ارجع مذلوله ومهانه
سعود؛ يبقى ابوتس وعمي
رؤى؛ بروح اغير وبجي نتكلم بذا الموضوع
سعود؛ بطلب عشا لحد ماتخلصين
رؤى؛ طيب
دخلت رؤى تغير ملابسها وسعود راح يطلب عشا لهم