‏« ما مليت من حُبه .. و أنا طبعي ملول »

Part 10

بسم الله الرحمن الرحيم ❤️

رؤى بخجل وهزت راسها بنعم
سعود بتعجب؛ امما عاد ماصدق وراح يفتح النافذه وناظر الشمس؛ لا للحين ما طلعت الشمس من مغربها!
رؤى باتسغراب؛ وش تقصد؟
سعود بتغيير؛ ليه ماجيتي الايام الي فاتت!
رؤى بكذب؛ كنت تعبانه! وكانت تطمني عنك المها
سعود بشك؛ اهاا طول الاسبوع الي مضى تعبانه علامتس؟
رؤى بكذب؛ كذا دوخه وعورني راسي!
سعود؛ اي اي طيب
«المها واياس »
تحبيني؟
المها التفت وبصدمه؛ وش جابك انت هنا؟؟؟
اياس بتكرار؛ تحبيني؟
المها أدركت انه سمع كل كلامها بس عبرت عن حبها له!
المها بكذب؛ لا ماحبك لك
اياس برفعه حاجب؛ ومن اياس؟
المها؛ في حيل اسمهم اياس هو بس انت!؟
اياس؛ ادري تقصديني! لا تلفين وتدورين كوني واضحه تحبيني؟
المها بجراءه؛ اي احبك عندك مانع واعشقك!
اياس بتعجب من جرائتها؛ من متى؟
المها بخجل؛ من اول ماشفتك!
اياس؛ الشعور مو متبادل للأسف وانتي للحين مو بعمر الزواج والحب وذا حب مراهقه! انا ماحبك ولا بيوم التفت لك انتي مثل أختي ايار لا أقل ولا أكثر!
المها؛ بس انا احبك
اياس بمقاطعه؛ انا ماحبك وقريب بخطب وبعيش حياتي انتي للحين بزر وجاهله!Part 92
المها بدموع؛ انا بزر تمام الله يوفقك مع من تبيها مايهمني
اياس عطها نظره ومشى
المها ناظرت مكانه والي صار عباره عن فراغ وناظرت الخيل والاسطبل؛ الحين انا بزر؟
المها بتوعد؛ بخيلك تعض اصابعك ندم انك كذا تكلمت معاي وماحترمت مشاعري طيب بوريك من البزر الحقيقي بينا يا اياس!
«سعود ورؤى»
رؤى وقفت وهي تمشي؛ انا بروح البيت بكلمك اطمن عليك واجيك ان شاء الله بكره
سعود وقف أمامها وسبق خطواتها؛ مابتروحين انتي حرمي بتجلسين تهتمين فيني!
رؤى برفعه حاجب؛ لييه ان شاء الله استاذ سعود وش مقصره معاك المها؟
سعود؛ انا ابيتس انتي
رؤى؛ مافهمت ليه انا
سعود ناظرها ووجه نظره لشفايفها ناظرت نظراته رؤى وفهمت وش يبي منها ورجعت خطوتين؛ انا بطلع سعود
تقدم يمشي أمامها سعود وهي ترجع للخلف لحد ما ارتطم جسدها بالجدار حاوط خصرها سعود ناظرها.
وتكلم ونظراته على شفايفها؛ ما اظن انه حرام صح؟ حلالي انتي وانا حلالتس
ناظرته رؤى بتوتر؛ سعود الله يخليك ابعد
سعود ناظرها بحلطمه؛ ماش ماترويين شوق العطشان!
ناظرته رؤى ووجهت نظرها له؛ مشتاق لي؟
سعود بصدق؛ اي تلوميني؟ في أحد قدامه كتله الجمال ذي ومايشتاق! حتى وانتي قدامي مشتاق لتس
رؤى ناظرته بعدم تصديق هو الحين يعترف بمشاعره وانه يحبها ولا وش!
رؤى؛ مافهمت دحين وش تبي مني.
سعود؛ تتركين حالتس لي؟
رؤى باستغراب؛ اترك نفسي لمن وليه؟
سعود ناظرها ونزل نفسه لاتجاه شفايفها وهو يتلمسهم ورفع نظره لها؛ يصير اذوق؟
رؤى بتوتر؛ س سعود قاطعها سعود بقبله على شفايفها وهاذي كانت أول مره سعود يقرب من رؤى ويتذوق طعم شفايفها اول قبله لهم واول مشاعر يحسون فيها اول قبله لهم بالمكان الخطأ والوقت الخطأ تقعشرت رؤى وشدت على يده الي على خصرها بعد دقايق ابتعد سعود عنها يعطيها مجال للتنفس ناظرها مقفله عيونها وتشد على يده بدون ما تحس على نفسها بلع ريقه بس فتحت عين من عيونها تناظر له ورجعت قفلت عينها واشتلعت وجنتيها بالاحمرار من الخجل ناظر ملامحها الي انقلبت للون الأحمر من الخجل وابتسم بخفه ونطق؛ لييه مقفله عيونك ناظريني رؤى
فتحت عيونها رؤى والخجل معتليها هي اصلا ليه خجلانه هي حلاله وهو حلالها وذا من حقوقه عليها ناظرت عيونه والي تعبر عن محبته لها والمشاعر الطاغيه عليه بذي اللحظه وابتسمت تظهر له غمازاتها تسمح له بالتامل فيها وتكلمت بابتسامة؛ سعود بطلع انا ناظرها سعود وابتسامتها باللحظه ذي خربطت كيانه وخلته يطيح ويغرق بحبه لها ومشاعره توقع منها الرفض بس استغرب ابتسامتها الي هزت مشاعره ناظر عيونها يشوف عيونها تناظره بكل حب؛ روحي يادنيتي استودعتس الله يابعد كل المخاليق