‏« ما مليت من حُبه .. و أنا طبعي ملول »

Part 15

بسم الله الرحمن الرحيم ❤️

«بعد مرور وقتت»
طلع مُلهم يبتسم لابوه وسعود بجانبه ينطق؛خفف ابتسامتك ذي لا يقولون عنك خفيف من قبل تشوفها تتبوسم
هز راسه مُلهم بـ نعم والابتسامة مافارقت وجهه ابتسم يناظرهم ينطق؛ متى بنروح
ابو مُلهم؛ ننتظر بـ المها
مُلهم؛ تمم
طلعت المها متكشخه ومسويه بـشعرها كيرلي وطالعه اقل مايقال عنها قَمرر كامله والكامل لله ،  حامله بيدها بخور تمشي مبتسمه لهم ونطق سعود من لمحها ولمح كشختها؛ ياهلا والله أرحبي ياهلا بالشيخةة
ابتسم مُلهم يلتفت يناظرها بـ ابتسامة؛ ياهلا بالمها وشذا الزين وشذا الحلاوه تحصني ياعيون اخوك
المها بـ دموع؛ ياهلابكم زود ، تحصنت واقتربت تبتسم تبخر شماغ ابوها ومن بعدها مُلهم والتفت
لـ سعود تناظره بـ سعادة ، فتح سعود شماغه لها يسمح لها تبخره ، بخرته وابتعدت بهدوء تنطق؛ يلا نطلع

« فلة اياس »
التفت يناظرها اخته وحيدته الباقيه من اهله بتتزوج ابتسم بـ هدوء يحصنها بكل حُب وغرابه ووحشه من شعوره صح انه واثق من مُلهم ومتأكد انها بصونها بس تبقى اخته وحبيبه قلبه ورفيقه دربه واكيد خوفه كبير علييها ابتسم يمسح دمعته؛ الله يوفقك يروحي
ايار تناظر بـ استغراب؛ شفيك بتبكي؟
اياس بـ كذب؛ لا وش ببكي استهبل علييك يلا تجهزي شويتين ويوصلون
ايار؛ ايي بروح اتبخر واتعطر
_
دخلت ايار غرفتها وجلست تتبخر وتحط مسك وعود على أماكن النبض وابتسمت؛واخير بنصير لبعض
بعد مده جاو مُلهم وسعود والمها وايهاب
وجلسوا بعد السلام والترحيب واردف إيهاب؛ جيناكم نبي القرب منكم نبي اختك لـمُلهم
اياس؛ خير ان شاء الله الحين بروح اسئلها

(تسريع الأحداث) دخل اياس واخذ موافقه ايار ودخل اياس وعطاهم الموافقه ووقف مُلهم ينطق بـ ابتسامة؛ ابي شوفة شرعيه لو مافيها مانع
اياس؛ اكيد حقك الشرعي ذا بروح اناديها تعال المجلس الخارجي
ابتسم مُلهم يهز راسه بنعم وطلع اياس والتفت مُلهم لسعود؛ ابي مفتاح سيارتك فيها البوكيه حق الورد ، سعود؛ تمم
«المجلس الخارجي»
دخل مُلهم يجلس ينتظر ايار ويهز أجره بتوتر والبوكيه  التفت يرفع راسه يلمح طرف فستانها الأحمر ورفع راسه يناظر فيها من فوق لتحت ومبهور من جمالها وتقدم يرفع يده يعطيها البوكيه حق الورد وابتسمت  ايار تقرا العباره « اليوم جيتك مع هلي جينا نقول تفضلي حنا ترا لك عائلة » واردفت بـتوتر؛ شكرا 
مُلهم؛ مابينا شكر يروحي هاذ اقل شي أقدمه لحبيبة قلبي وعمري
هزت راسها بـحُب؛ احُبك
مُلهم بسعادة؛ يالبى الصوت وناظر شامتها أسفل شفتها واقترب بتوتر يحاوط وجها بكف يده يقبل طرف شفتها وشامتها وابتعد بعد ثواني ونطق بكل شعور؛ يا عقُد مِن فرح ، يا سُور مِن وردّ جيتك هايم فيك من اقصاك يحِلوتي وشذا الجمال وشذا الزين قِطعة قَمر ماشاء الله تبارك الله
ايار تناظره وعيونها تلمع بـحُب ، نزلت راسهاا بـخجل من نظراته الي اكلتها ، ناظرها منزله راسها وتناظر الأرض ونطق بـ ضحك؛ الحين كل ذا خجل ؟ اجل شلون بس تصيرين ببيتي وبغرفه وحده ؟
ايار رفعت راسها وهي فاهمه مقصده وودها الأرض تنشق وتبلعها
_
اردف مُلهم؛ متى تبين الملكة؟
ايار؛ احس الاسبوع الجاي شرايك؟
مُلهم وسع عيونه بـدهشة ينطق بـ عدم استيعاب؛ متى متى؟ الاسبوع الجاي؟انا ماصدقت متى اخوك يقبل وابوي وتجين تقولين الاسبوع الجاي لا ياشيخه بكره الملكة كوني جاهزه وانا حجزت القاعه وفستانك جاهز
هزت راسها ايار بـ نعم ونطقت بداخلها؛ اجل ليه يسألني دامه يبيها بكره ومجهز كل شي ويع
ملهم؛ تمام انا بطلع
طلع مُلهم لـ برا يدخن ودخلت ايار لـ غرفتها