‏« ما مليت من حُبه .. و أنا طبعي ملول »

Part 11

بسم الله الرحمن الرحيم ❤️
الحرمه بحزن؛ بغيتها لحفيدي والله يلا اجل انتي كم عمرتس؟
المها بكذب؛ وين ياخاله توني صغيره عمري ١٥ للحين بدرس بالمتوسط
الحرمه؛ تمام وراحت وقرصت ايار بخفيف المها تعورت المها تنطق بوجع؛ خيييير وشفيك تقرصين؟
ايار بضحك؛ انا مخطوبه؟ لمن بالله؟ المها بابتسامة؛ اجل تبيني اخليها تخطب حبيببه أخوي؟ رجعت قرصتها ايار أقوى وبكذب؛ بس وطمس ان شاء الله انا حبيبه أخوك يخسي ويعقب ذاك المغرور اكون له
المها باستهبال؛ طيب اذلفي بقوم اجيب العشاء من زوجتس تبيني اناديه لتس؟
ايار ضربت مع كتفها؛ بسس كل شوي شابكتني مع اخوك الشايب المغرور اذلفي له  راحت المها للمطبخ وطلعت ايار تدور شبكه اتصال وتكلم اياس بالحوش وبس خلصت التفت بترجع وفجأه ماحست الا بأحد يدفها على الجدار جت بتصرخ بس حط يده على ثغرها يمنعها من الكلام وهي تحاول تعضه؛ هصص بسسس لاتعضين يابنت
ايار بحقد؛ من انت وش تبي مني
شال اللثمه عن وجهه وبرفعه حاجب؛ لا ما اتفقنا كذا يامزه ما تعرفين زوجك؟
ايار بصدمه؛ وش جابك هنا انت وشلون عرفت حنا وين؟؟؟؟
؛ مالك دخل الحين بخطبك ورفع أصبعه علامه للتهديد؛ اياني واياتس اسمع رفض بس
ايار بسخريه؛ وش تقصد؟ اخاف منك؟
؛ وصلك كلامي وان جاني الرفض تعرفين وش اسوي بحبيب القلب!
ايار رفعت أصبعها وهي لابسه خاتم
وبكذب؛ مخطوبهههه اناااا ماتفهم انت؟
؛الي عندي قلته ولا ملهمك بصير تحت التراب المره الماضيه سلم بس المره ذي وش يعرفك وش يصير فيييه؟؟؟
ايار؛ تبيني اتجوز مجرم؟ تخسسسييي
؛ اصير لتس دكتور بس وافقي يابنت الحلال وصح وش صار على بنت العم (يقصد رؤى ببنت العم)
ايار؛ مالك دخل وشعرفك برؤى انت بفهم؟
بخبث؛ تدرين عندي صور لها بحاله هههههههه تبين ما انشرهم وافقييي! علي!
ايار بخوف على رؤى؛ كذااب
؛ انا كذاب يالبزر تبين تشوفين؟ ورفع جواله يفتحه ويلف الشاشه لها تناظره ايار بصدمه شلون جاب صور رؤى وليش يسوي كذا فيها
ايار؛ انتت وش تبببببي منييي انا شسويت لك مره تخطفني ومره تبيني اتجوزك وتهددني!
حمدان ضحك بعلو صوته؛ شوفي بصراحه جمالك يغفر لك كلامك ياحلوه وقرب يلمس وجها بيده
ايار بخرشه؛ بعد يدك ياحقير
حمدان رفع اللثمه لوجه يثبتها ورفع جواله مره ثانيه يفتح يوريها صور (على نفس الصور الي أرسلها لملهم إذا تتذكرونها!)
حمدان بسخريه وغمزه خبث؛ وش رايك انشر صورك انتي ورؤى وهههههههه اشوفكم بالمواقع هههههههه مفضوحين والكل يشوفكم هههههههه.
ايار؛ انت منت رجال ياشبيه الرجال اذلف ورفعت يدها لتعطيه كف وبحركه سريعه احد مسك يدها والتفت تناظره وبصدمه؛ م م ملهم وش جابك هنا
ناظرها ملهم والشرار يتطاير من عيونه حبيبته قدامه ومعها رجال وهي كاشفه عن شعرها ووجها لا ولابسه قصير بعد وبغيييره؛ اياااااار لو عديت للثلاثه و ماتروحين وربي لاخربط ملامح وجهك ذا وبصوت عالي؛ انقلعييي جوووووا خلص كلامه والتفت يناظرها تركض تدخل للداخل التفت يناظر حمدان الملثم بحقدد؛ انت من ياعديم النخوه منن
حمدان ركض يهرب مشى ملهم ورى يحاول يسرع بخطواته لاكن تعثر بحجر ووقع؛ اهخخ يمه بسم الله وأثناء مهو جالس يحاول يقوم ويتعور نجح حمدان بالهروب (ملهم لحد الان ما عرف منهو عشان تكونوا مركزين معاي مابي تتشتتون )
رجع مجلس الرجال وهو يهوجس با ايار الي سلبت عقله وتفكيره وهو يفكر يحاول مايدخل بشرفها بس ليه اهي كاشفه وكانت تكلمه بس طلع من المطبخ ناظرها تكلمه وكانت تكلمه طبيعي هل هو حبيبها؟ بس ليه بتضربه كف؟اهخ يا ايار وش سويتي فيني!
سرح بتفكيره لحد ما جا اياس ناظره اياس سرحان
اياس وهو يغني؛ توصيني على الكتمان.... وتبغى حبنا مايبان وتنساني....تقول لي ودنا صافي....وتحسب حبنا خافي
ترى راعي الهوى مفضوح.... صحيح النظره ماتكفي.... من الآلام ماتشفي.... ولكن عذرنا الحاظر.... نراعي الوقت والخاطر.... ومادام النظر مسموح... اشوفك كل يوم واروح....عسى النظره ترد الروح وسكت يناظر ملهم الي ماحس بشي ولا حس انه اياس جا وهو شاد على يده وغارق بهواجيسه وهز كتفه؛ علامك ياخوي؟
صحى ملهم من هواجيسه ناظره ملهم وبصدق؛ عندي مهمه ومدتها شهر وفي وحده لها بالقلب حب ياخوك وهي مدري تحبني ولا تحب غيري
اياس ناظره وبمزح؛ اجل بنت عامل فيك كذا؟ورجع
يغني؛ ترى راعيي الهوى مفضوحح وهو يسوي قلوب بيده(اتمنى فهمتو كذا🫶)
ملهم باحساس ؛اخاف اروح وارجع وماهي حليله لي اخاف ارجع الاقي غيري ماخذ قمري والقاف عين
اياس؛ اححححح افا عليك انت بس أشر على البنت ومايسر خاطرك الا طيب
ملهم؛ ان شاء الله ياخوك

«بعد مرور شهر  - غرفه ايار - »
بكت ودموعها تنهمر سيول؛ ليييش يصير فيني كذا اهخخ ليتك هنا يا مُلهم كنت بقولك اني مجبوره اسسسفه والله مو بيدي شي مجبوره أوافق ولا بينشر صوري انا ورؤى تنهدت؛ بكره بتزين الامور وراحت كملت لبسها ودخلت على حمدان وصارت شوفه شرعيه واعطت موافقتها لاياس ورجعت غرفتها والدمعه بعينها ناظرت انعاكسها؛ كنت اقول مابيك لحد مابكيت والدمع بعيني اي والله حبيتك يامُلهم لييت فيني اتكلم واسولف ومسحت دموعها من سمعت خطواته اياس وقفت تفتح له الباب وببتسامه؛ هلا الشييييخ ايااس زارني ياهلاااا حييياك
اياس بضحك؛ الله يحييك البقى وراح جلس على السرير وتكلم بكل جديه؛ ايار انتي متأكده انك تبينه؟
ايار بكذب؛ ايي ابييييه
اياس؛ اجل ياعروستنا عريس الغفله يبي الملكه بكرره!
اياار بصدمه؛ طبعا لا وش بكره ترا مايمدي اعمل شي!
اياس بضحك؛ ماعليك كل شي عليه شفت لي قاعه بتعجبك وفستانك تلاقينه عند مصممه الي دايما تاخذين من عندها وبس الباقي على حمدااانووو
ايار ضحكت؛ هههههههه ههههه سكتو لثواني يناظرون بعض يناظرها اياس يحس بعدم ارتياح لموافقه السريعه وانها حتى مافكرت ولا صلت استخاره يحس انه في شي غلط يصير بس مو قادر يتكلم كل مايسئل ايار تقوله موافقه بس لييييه ذا الاحساس يجيييه