Hampura mang hampura urang boga ka era matak urang tara loba beja
Isuk pageto isuk pageto
Hampura urang tara daek nempo lain ngapopoho
Aya mah aya da kumaha nungguan sesa.
Haturnuhun baheula tos nalang
Ayeuna urang nuju Hariwang
Mun beurit mah geus ngaliang
Lain ucing tapi urang bingung teu daek cicing
Culak cileuk sieun amprok
Era beungeut teu wadahan
Hilap jeung kalap bari tiarap.
Cing urang rek neang
Sugan aya jang nalang
Hampura nya mang.
Alhamdulillah salira mah damang
Ngan milik rejekina nuju di teang
Ka ala geuwat di sangga.
Ameung mang!!!!
Supados amang teurang
Kumaha yeuna ka ayaan urang.
Lur...
Abdi masih nganggur
Nebar janji bari ngalantur
Alhamdulillah, urang bersyukur
Di talang ku anjeun nu bageur.
Hampura mang...
