භවයෙන් භවේ 🥀 ( Yizhan )

Part 23 ✽ (BONUS )

උදේම නේෂිව ගෙදර තනියම දාලා factory එකට එන්න උන එක ගැන මගෙ හිතට හරි නෑ..අප්පච්චි මට එන්නම කියලා බල කර නිසා ගියා ඇර මට එයාව දාලා යන්න ඕනි කමක් තිබුන් නෑ..

" අප්පච්චි මං දැන් යන්නද.."

" කොහෙ යන්නද පොඩ්ඩක් හිටපන් තව වැඩ ඉවර නෑ.."

ස්ටාෆ් එකේ කට්ටියත් එක්ක කාලෙකින් තිබ්බ මීටින් එක ඉවර වෙලා මං යන්න හැදුවත් අප්පච්චි මට යන්න නොදෙද්දි මං ආයෙත් පුටුවෙන් ඉද ගත්තා..

" තව කොච්චර වෙලා යයිද.."

" මොකද උබට ඔච්චර හදිස්සිය.."

" නේෂි ගෙදර තනියම අප්පච්චි.."

" ඌ ලමිස්සියෙක් නෙවෙයි නේ තනියම ගෙදර ඉන්න බැරි වෙන්න.."

" එයාට සනීප නැතුව හිටියේ.."

" අකේන් මේ උබට මං දැන් හොදින් කිව්වා..වැඩිය නටාගෙන ආවොත් බලා ගමූ.."

" ශිට්.."

අප්පච්චි එක්ක තවත් කතා කරලා තේරුමක් නැති නිසා මං කටවහන් හිටියා..

නේෂී පරිස්සමින් ඉන්න රත්තරං මට ඉන්නෙ උබ විතරයි..

" ම්ම්..මේක හරිද බලලා සයින් කරලා..ඊයෙ මෙහෙන් යැව්ව බඩුවල අප්ඩේට්ස් මොනාද බලන් වරෙන් පල්ලෙහාට ගිහින්.."

" අප්පච්චී..!"

" කිව්ව දේ කරපන් අකේන්.."

අප්පච්චි දුන්න ෆයිල් එකේ තිබ්බ කොල ඔක්කොම බලන්නෙවත් නැතුව සයින් කරපු මම කාමරෙන් එළියට ගියෙ දොරත් හයියෙන් වහගෙන..

මොකක්ද අප්පච්චිට වෙලා තියෙන්නෙ ඇයි මට අද යන්න නොදෙන්නේ..

" ප්‍රියංගි.."

" කියන්න සර්.."

" ඊයෙ යැව්ව බඩුවල අප්ඩේට්ස් දෙන්න ඉක්මනට.."

" හරි සර් ටිකක් ඉන්න.."

පහලට ආව මං ස්ටාෆ් එකේ කෙනෙක්ගෙන් අප්පච්චි බලාන එන්න කිව්ව ඒවා ගැන අහද්දි මේ ගෑණිත් මට ටිකක් ඉන්නලු..ටිකක්වත් ඉන්න බෑ යකෝ මගෙ මැණික ගෙදර තනියම..

වෙනදත් එයාව ගෙදර තනියම දාලා ආවත් අද මගෙ හිත කියන්නෙම ඉක්මනට එයා ලගට යන්න කියලා..මොකක්දෝ හේතුවකට ගෙදරින් ආව වෙලාවේ ඉදන් මගෙ හිත ගොඩක් කලබලයි..