أَلـرِثـاء

الحلقه الخامس ⏳

< الرثاء >

بقلم,, ملك المدني

سِمير صبيح يَگول :
چنِح بيَه أنِكسِر و و الثانَي مخِلوع
طِرَت گوه علىَ عنِاد لليَكرَهونِ .

لاتنسون التصويت والتعليق بين الفقرات لطفاً

قراءة مُمتعه أنـساتي.

................................

خالد::فتحت عيوني على بياض والذكريات عدي متشتته ، استرجع الموقف واذكر صياحهم اطرافي رجفت وفزعت من مكاني وعيوني تتراوح على الكاعدين يمي استغرب من تواجدهم وهمه ليش ويايه بالغُرفة؟!

رفعت جذعي أحاول اتحرك احس اطرافي مَجمده سمعت صوتها وهيه تندهه عليه::لاا تتحرك خالد مو زين

-ليش !؟
-شنو؟

خالد::خاله اهلي أُمي ، رحيق ، فيروز ، عليي ؛ وينهمم گُلهمم وينهمم؟؟؟

أُم أرياف::أُمك بلغُرفة هيه ورحيق علي مابيه شي اما فيروز....

سَكتت ثواني وهيه عيونها تتحرك على كامل وجهي احس بحراره صارت بكُل قُطع من جسمي اطرافي كامت ترعش صحت بصوت

-شبيهاااا فيروززز خالهه احجييييي شبيهاا؟؟؟
-كالوا الطفل يمكن يموت!!.

حسيت رنين بأذني صار وشريط حياتي كُله مر مقابيلي غمضت عيني وفتحتها واني اشتعلل من داخلي من حجياته الي جاي تتخل بأذني ؛ سحبت المُغذي وشمرته واني انهض من مهجعي حتى اروح الها ، لزمني طوقان الي جان واكف ورا خالتي ناظرت وجهه ودفعت ايده ورفعت اصبعي
-خمس دقايق اذا شفتك مقابلي احطك وادفنك هنا

طوقان::مراح اطلع منا وانتَ هم حالتك مامستقره وتريد تطلع خالد لاتسوي هيج

خالد::محد طلب رائيك وكلك تعال ولا اني محتاج نصيحتك خليها الك تمام ودير بالك مره ثانيه تجي او تخليني اشوف وجهك