فضلاً تجاهلوا الأخطاء الإملائية.
الفصل الثالث: عروسة ورد الريحان!
___________________
غفى الليل على المسرارة وسطع نهارو، شمسوا ضوات لكن ضوها ما عرى على ظلمت البكمة لي تسمع ماتكلم.
علات زغاريت والعروسة جالسة بين همس خدم على ودنيها عطات تبكي بين سكاتها كل ما قالو كلمة على بداية شهر عرسها.
صوت البراح ينادي وهي بين داك سرجم حاجبة على ضو شمس ما عارفة عريسها وش يكون ولا منبروا منين،
غير قولهم بلي ولد الوزير.
- تلاَّت بيك الحرة وليتي عبدة ما بين خدم السلطان!
صوت البراح يغرد على زناقي بلاد ورد الريحان وما على صوتوا حتى علا ليه الشان، الصوت رقع ودنين التجار والعيان وبينهم المريض والعيان وحتى الفقير ومتوسط الحال.
هل الهلال وطبل كانت وديان زاخرة اشمنك يا شعر وتهلال، وبين قوال داك البراح كان.
- يا آهل السلطان، يا حباب القلب وتاج ورد الريحان، زينة البنات غرد عرشها، بان عليكم الأمان وميات أمان بين مولاي السلطان عرسها على بواب حصاد الريحان، يا أهل البلاد والعوان، هدية مولانا ليكم هدية الكبار، غيتزند الفاخر وتقوم مندبة العرس سبعيام، الحاضر يعلم الغايب يا أهل البلاد راكم ما بين حباب السلطان حاضرين، وعليو زغاريتكم يا نساء دوار!
كانت فرحت الشعب كبيرة ما قادها لا عالي ولا رخيص فرحة القلب كي وصلهم فرح بنت السلطان علات الزغاريت وهل هلال الفرحة.
لكن كانت فرحت الجميلة فعرين وحش مكمدة غول هجم عليها خلاها تبكي وتنوح على حضها لي رماها بين الشوك ما عارفة تجرد منو ولا تبقى فيه.
هزت لثامها ونقزت ورى الرياض تمشي وبلغتها على يديها وقفت زينة العينين وسبحان من صور فيها من ما يبهر العين.
جلست على ديك الشجرة تبكي وتعطي القلبها، سكتت دقايق، تمسح دموعها ما حست براسها حتى لقات نعجة قبالتها، صغيرة كانت، ضحكت الحرة وتلمست وجه نعيجة حتى بدات تجري والحرة موراها.
خلا بالها والضحكة بانت على وجهها، طفات حمت البكية والضحكة بان غشاها.
مر الوقت حتى لقات بالها بين باب الرياض دخلت وما كان دخولها مع خروج داك القايد لمحت قفاه الساير يمشي بلا هول فوق عودو.
لفت مكانها ناسية بالها.
مسا النهار والباب دقو جوادو الوزير والقايد ويماه، رحب السلطان بيهم، ما قدم غير القليل حتى نده المساعد لي دخل معطل للزيان.
أنت تقرأ
لــــثـــام الــــزيـــنــة / مكتملة
Historical FictionROMANCE /DRAMA باللهجة المغربية. آلْــــــقَـــايْــــدْ زِيَّـــانْ. الَاْمِـــيرَةٰ آلْـــــحُــــرْةٰ. - كنبغيك. - كيف البدر فتمامو إنتي، ضويتي سماية المظلمة. 25/05/2024 ..................
