فضلاً تجاهلوا الأخطاء الإملائية.
الفصل التاسع: مشاعر!
___________________
ما يقولوا عقبات الحب حصارة على لي خطى فجهنم وبين رجليه مكبلة الحبال، ما نتحصرو على لي مد يديه وقال بسم الله على ما كتب الله.
حتى طاع القلب وتشمت الوردة عاد بان شوكها.
مليوحة ديك الزينة وسط بيت ضخيم مافيه لادفة ولا كرسي، غارقة بعرقها وشعرها الفازك.
دوك العينين غارسين سهامهم فيها، شوق مختل وخيوط عقلو فكرشو منكولين، وقف مهدوم الهيبة كيف بغل وسط زريبة عامرة خيل.
ينهق ويقول مال لي جا يضحك!
نزل يتلمس خذها وعينيه من رموش لوجهها غادقين فيه، شد شعرها يزيدها لوجهوا، خاوي كُلة الماء بارد على وجهها.
كفاها قلبها الدافي من برودية الماء تحلهم، وهي سخفانة.
- هلال!
داك الصوت الضئيل لي همست بيه زعزع طبل وذنين ذاك المجذوم، ضحك وضحكة مغرقة وجهوا بشاعة.
- هلال أيه أنا!
حركت راسها تبعدوا عليها، هذا غا ماخلا فمكايدو شنعة يزيد يهيب على ولية خلاها قريبة منوا!
ترمزو عينيها واللهفة الخوف هدمت قلبها الباكي، رفعت حاجبها بتحدي وهمست.
- أش باغي مني؟
حط جبينوا خليف شعرها يشم ريحتوا.
- أنتي باغيك أنتي، باغيك تكوني آسيرتي الحرة!
علا صوت ضحكتها، بللت شفتيها وقالت.
- تقادو الكتاف، سمعني أولد القاع والباع، تقرقيب الناب ما يعطيك جواب، والثور العياف عمرو ما يربي الكتاف!
ميل راسو صوبها.
- هي آش!
تنهدت.
- الحمار غير حمار، وجهك وجه الكلب النباح، تعطيه الماكلة بيد وضور يعضك من اليد الأخرى!
علات ضحكت المشؤوم قبالتها!
- تيقي بيا الحرة، إلى ما خليت لسانك يتمشى على طوعي منتسماش هلال!
وقف رابط حبال يديها بضحكة هاملة وجهو، يقيدها بسلسال باش تقطعوا خاص أيام وليالي عديدة!
أنت تقرأ
لــــثـــام الــــزيـــنــة / مكتملة
Historical FictionROMANCE /DRAMA باللهجة المغربية. آلْــــــقَـــايْــــدْ زِيَّـــانْ. الَاْمِـــيرَةٰ آلْـــــحُــــرْةٰ. - كنبغيك. - كيف البدر فتمامو إنتي، ضويتي سماية المظلمة. 25/05/2024 ..................
