فضلاً تجاهلوا الأخطاء الإملائية.
الفصل الثاني: زينة العينين!
____________
هْبَّات الضحكة وعلات الرموش بلمعة بسمة، خفق بلاصتها القلب والعينين لونهم جهاد ونورو علا وبان.
وكيف يقولو ناس زمان.
الوجه نَّور كيف نور السماء كي يبدا ضو الشمس يبان.
كان هذا حال لذاك الجالس على حافة الواد، يضحك ويعاود يشد الضحكة ولا هو عارف أش واقع من غير القلب لي يهتف بضقات غراب على الجايل فأفكارو.
- زيان، رزن شوية، ماشي ولية تجي ترمي سمها على قلبك كيف اللفعة وتخليه يتربك فحال الجير كي تخوي عليه الماء.
غمض رموشوا وبعيون فحمية خداتو لمولات العيون السماوية لمعتها وحشمتها كيف طاح لثامها زعزع عرش القلب لي كان فسبات عميق وموحال تقوم ليه القيامة.
وقف وعطى جبهتو العود الواقف قبالتو.
- غطق القلب فوديانوا، آ البري.
ركب فوق عودو يشد رزمت السرج ونطق كلامو وهو يتنهد بضحكة تايهة.
- عندها دوك العينين تغرقك وخ تكون انت الغواص!
أما عند مولات العينين تسرح سالفها وضحكتها ما فارقت شفايفها على لي ركب عودو كي شاف وجها.
غمضت رموشها، تفتح على المرآية تلمس خذها حتى قالت بصوت رهيف للزاهية الجالسة قريب ليها.
- الزاهية، إلى شي واحد شاف وجهك وركب عودو ومشى واش هدشي كيعني أنك خايبة.
هزت الزاهية راسها تشوف فلي عينها على المرآية.
- شكون قالها ليك آلالة هدشي منضنوش بصح، علاش سولتي آلالة.
وقفت تفصخ القفطان ثقيل باقية غير بقميص خفيف فوق مهدها جلست.
- غير سولت الزاهية غير سولت، تصبحي على خير.
طفات الشمعة، والعيون غرقت فنعاسها هاملة الدنيا وعقايبها، غردت عصافير السماء تفيق الجايحة مابين حلامها.
تقلبت تجلس على سريرها تجبد يديها فالسماء والضحكة ما فارقت وجهها.
قامت على نهارها تحمم راسها خارجة بشعرها الفازك تنشفوا، وقفت قدام داك السرجم المقابل مع ساحة المبارزة، رمات عينها على الواقف بسلهامو.
أنت تقرأ
لــــثـــام الــــزيـــنــة / مكتملة
Ficción históricaROMANCE /DRAMA باللهجة المغربية. آلْــــــقَـــايْــــدْ زِيَّـــانْ. الَاْمِـــيرَةٰ آلْـــــحُــــرْةٰ. - كنبغيك. - كيف البدر فتمامو إنتي، ضويتي سماية المظلمة. 25/05/2024 ..................
