#هوانا_عراقي
الكاتبه/ اميره دجله
بارت 6
""""""""""""""""""""""
#الناصريه
امنيه: اريد احجي معاك وين تروح
ايمن:عيب من عمامي وجدي ينتضروني
امنيه:ايمن انه احبنك والله اموتن بيك اعشكنك
ايمن: شنو هالحجي امنيه ...ترا انتي بحساب اختي وينج وين هالسوالف
امنيه:ترا انه مو صغيرا تحجي معاي عبالك زعطوطه
ايمن: روحي امنيه عيب من عمي اذا شافنه شيكولن
امنيه:ماروح الا دكلي،تحبني لولا
ايمن: شنو احبج ؟انه كتلج انتي بحساب اختي
حجاها وراح حسيت كلبي كام يغلي من القهر رجعت البيتنا كمت الوم بنفسي لان كتله احبك هسه اكيد استصغرني واخذني بعين الصغيرا بقيت ايام ماشوفه وكلما يجي على جابر انه اختفي ماريد اشوفنه ...بيوم جنت كاعده واجا جابر صاحلي كال جدي الشيخ يريدج عندا سالفه معاج رحت اشوفن شيريد...جانو عمامي كاعدين وابوي
الجد الشيخ :تعالي بنيتي كعدي يمي
تقدمت كعدت يمه حجى:صيحولي ايمن عندي حجي معاه
اجا ايمن: كعدا على يمينه وانه كعدت ع شماله حجى:ها يجدي طالبني خوم اكو شي
الجد الشيخ:شوف يبني انت الوحيد لاابوك وابوك يريد يشوفنك اب ويشوفن احفادك وصيرون عايله
ايمن: هم هالموضوع
الجد:اسمع خلني اكمل
ايمن:اسف يجدي كمل
الجد'انت تعرف البناويت هالوكت مومثل قبل ماكو ثقه يجوز تاخذلك وحده متعرف شنو اصلها من فصلها شلون اخلاقها تزوجها وبعدين ماتعجبك وتتخاربون ....انه اشوفن بنت اعمك اولى الك احسن من الغريبه
ايمن: والله يجدي بنت اعمي على عيني وراسي ...بس انه ماريدن غير بمزاجي
الجد:ليش شنو اليعيبها شو اخلاق وجمال ماشالله
ايمن:كتلك العندي يجدي ...انه ماريدنها خو خوم الا اني دايجوها خطابه متوافق عليهم ...شنو مجلبه بيه وجايه عليك تريدك تحجي عنها
امنيه: احترم نفسك ...قابل اشايف عليه انه مكلت شي الجدي هوا الي صاحني
الجد: شنهالحجي امنيه ماللها دخل اني كتلها تجيني... تاخذها. وهيا هم وتسكتون
ايمن:كتلك يجدي ماريدن غير بمزاجي شنو قسمتها واكفه عليه انه
كاضم: لا عمي متوقعناها منك هيج ترخص بنيتنه ترا انه بنتي موضاله بس كلت لخاطر ناضم اخوي هوا يستاهلها اكثر من الغريب وهم ابوي لح علينه بس دام هذا حجيك ماضل للكم عدنا شي
