#هوانا_عراقي
الكاتبه /اميره دجله
بارت 20
،،،،،،،،،،،،،،،
-شوف حاتم شهد اجتها خطابه ووافقت يعني انت مالك شغل بيها بعد
-شنووووو؟ ؟شتحجين انتي شنو من خطابه؟
-ابن رجل امها خطبها وهيا وافقت بيه
-شنو توافق بكيفها اني ناهي عليها
-ابني سوالف الحيارت (النهاوي) صارت قديمه عوف البنت بحالها حرام عليك لاتخرب عليها قسمتها
-بس هيه هم تريدني واني اعرف بيها
اجا تقرب يمي وحجى:شهد احجي صح انتي وافقتي
-اي اني وافقت محد جبرني
-ليش وافقتي
-لمصلحتي
-وانه ماتريدني شهد...انه ابن عمج وراح اصونج واحفضج اكثر من الغريب
-لا مايحتاج شفتك قبل شويه اشسويت عجل لو اصير مرتك شسوي
-يولي لان احبج
-واني مااحبك
ضرب باب الغرفه بقوه وحجى:زين عجل مادام هيجي صارت بعد مالي شغل بيج بعد انه نزلت نفسي اكثر من اللازم
بعدها طلع ....اجا عمي عمر كال تحضرن السبت راح يجون العالم يتقدمون لشهد ...عمه رشا فرحت لان راح يجون يوم السبت علمود حاتم ملتحق بدوامو ...اني احس گلبي صار مثل النار. احس روحي متردده مااعرف ليش يمكن لان بديت احب حاتم ...كلما يقترب يوم السبت كلبي يحتصر اكثر
رتبنا البيت اني وعمه رشا اليوم جيتهم جنت كاعده ارتب الغرفه سمعت صوت الرساله عالموبايل رحت فتحتها اشوف شنو
💬لاتوافقين
المرسل حاتم
عفت الجهاز ماهتميت اجو الخطار دحكتلهم من ورا الباب شفت ماما ورجلها وابن رجلها استقبلوهم عمه رشا وعمو عمر خطيه عمه رشا فرحت بشوفه ماما والاثنين من شافن بعضهن كامن يبجن من الفرحه كعدو يحجون شويه واجتي ماما عليه شافتني بالمطبخ سلمت عليه وباستني كلتلي يله امشي نروح علمود تشوفيه للولد ويشوفج
اخذتني ماما كعدتني مقابيلو ندستني علود ادحك واشوف عاد دحكت شفتو للولد والله حلو ومابي شي واني ميهمني. اهم شي اروح يم امي
وافقت عليه وهوا هم كايل لماما عجبتني عاد اجو يسلمون المهر ...اني كل الي يصير مامقتنعه بيه احس ناقصني شي
كلما يقترب موعد الزواج كلما يحتصر كلبي اكثر
جتني رساله مكتوب بيه
💬انتي اكبر جذابه متستاهلين حبي وين وعدج الي مو نفسج كلتي اووعدك راح اوافق بيك اوعدك ماضوجك هاي ضوجتيني وحركتيلي كلبي عبالج ماسمعتج انه سمعت كل الي كلتيه
