#هوانا_عراقي
الكاتبه/اميره دجله
بارت23
،،،،،،،،،،،،،،،،،،،،
-ورج عوبه شبيج متردين
-امل روحي ماريد احجي معاج ابوي مايقبل
-ليش شسويت؟ ؟
-الصراحه امل اني اعرفج وواثقه بيج بس ابويه يكول لاتضلين تحجين معاها ننشبه هاي رجلها داعشي
-ورج شلون والله العضيم اني اكرهم اكثر منكم
-والله اعرفج ومصدكج لو تريديلي الشر جان من زمان بلغتي عليه بس ابويه ميقبل
-زين تعاي احجيلج سالفه
-شنو هيه
-ورج رضوان جاب ثلاث طفلات ازيديات خطيه حابسهن اني ليش اريد الطلعه اليوم كبل باجر اخاف لاياخذوهن ويسولهن شي هم اشرد بروحي وهم اخلص هالاطفال هذني. الله شاهد ممجذبه عليج بحرف تندعيني يوم الله
-والله مااعرف شكلج المشكله حتى من السطح ابويه منعني بس لان ماموجود كلت اصعد
-زين لاتحجين معايه بس من تعرفين اكو طلعه وعوائل تطلع تعالي كليلي تكسبين اجر متريدن تنقذين حياه ثلاث ارواح واني الرابعه
-زين ميخالف من اسمع اكو طلعه راح اجي اكلج بس اذا مكدرت اطلع للسطح راح ادزلج شالي مع اختي الصغيرا واحط بيه ورقه والزكها بتيب والف الشال عساس هذا شالج انتي كبل اخذي
-اي عفيه الله يحفضج والله مااعرف شلون اجازيج
-والله اني وياج مادام انتي رايده الخير لغيرج اني هم اريد الخير الج
-يله روحي ماريد ابوج يجي ويشوفج ويصيرلج مشكله من ورايه
-تمام يله باي گلبي
-باي يروحي
نزلت جوا بقيت افكر شلون راح نطلع اخاف لاننمسك عاد شجعت نفسي احنه بكل الاحوال ميتين اذا بقينه واذا طلعنه حضرت ملابس حتى نلبسهن خاف نطلع الدنيه بارده عزلتهن على صفحه هاي صار عشرين يوم يعني بقي عشر ايام ياخذ الاطفاال يعني الجيش تقريب صار اربعين يوم محاصرين الرشيديه بالايسر هيا الوحيده ماتتحررت بالجانب الايسر وصلتنه الاخبار بدو الجيش فرحت حيل بس صار عشر ايام انوب وماكو الاء مشفتها لاعالسطح ولادزتلي شي همزين رضوان مااخذ البنات يجوز لان مشغولين بالمعارك خفت لاالاء راحت وعافتني اني هينا صار بيه مثل الحاله نفسيه كاعده واضرب صفنات وراها بااسبوعين جت عليه ام رضوان كلتلي هذا شالج دازينو الجيران يكولون واكع علينه
-ها اي اي صح اني حطيتو عالحايط من صعدت السطح ونسيتو
-عجل حسبالي لاايمان شوفتو للها كالت لا موليا س انتي ماشفت عندج هيجي شال
-ها انبله عندي بس اني ماجنت البسو
اخذتو بسرعه منها همزين جابتو عليه وايمان مااخذتو انو مانكشفت ...اني مخايفه على نفسي بس خايفه على الااء اذا يدرون بيها ياخذوها هيا وعيلتها ويعرفون بالعوائل ال تطلع جان صارت مجزره من ورايه الف الحمدلله الله ستر علينه ومخلاهم يعرفون
راحت ام رضوان فتحت الرساله وان مكتوب بيها تحضري اليوم بليل راح يطلعون عوائل احنا هم نطلع معاهم بال2بليل راقبينه من نطلع اطلعي ورانه كبلج الجيش واكفين عالجسر وراح نروح عليهم لان امنو لنا الطريق
