#هوانا_عراقي
الكاتبه/ اميره دجله
بارت 15
''''''''''''''''''''''''''''''''''''''"'"""''''''''''''''''''''''''‘
#الحله
كل يوم نتخابر اني وحسين اكتشفت هواي اشياء حلوه بيه حنيته طيبه كلبه واهتمامه بيه حمدت الله انو رزقني هيج شخص سوينه حفله حلقات جانت كلش حلوه حسين يريد ياكلني بنضراته ....رحنا للمحكمه مسكنه عقد حسين وعمتي مخلونه نرجع للبيت كالو معزومين يمنه وهم علمود يشوفنه غرفتي لان مكمليها رحنا لبيتهم شافتني اسراء فرحت خطيه كعدنا نتسولف ونضحك تغدينه وكملنه صعدونه نشوف الغرفه جانت كلش حلوه ومرتبه عجبتني حيل راحن امي وعمتي بقينه اني واسراء بالغرفه لشويه واشوف حسين اجا طب للغرفه اسراء من شافته ترخصت وطلعت اجيت اطلع وياها وكف مقابيلي وحجى:ها وين؟؟
نور:حسسين شويه من كدامي اريد اروح
-ماكو متروحين
-عيب شيكولون علينه
-شيكولون ترا انتي صرتي مرتي نسيتي اليوم عقدنا يعني صرتي حلالي
-اي بس بعد مصارت شكليه كدام العالم
-عجبتج الغرفه
-اي كلش عاشت ايدك
-فديتج هسه انه بحلم بعلم اخاف لايطلع حلم ممصدك صرتي الي
-لاحقيقه حبيبي
- ربي يحفضج الي احبج نوارتي
خجلت منه ماعرفت شردله اجا تقرب مني باسني من راسي وحجى: يله نروح حبيبتي عيب من عمتي ...طلعنه من الغرفه اجيت كعدت بصف ماما واسراء اباوع لحسين بكلشي يشتغل ويرتب بالبيت حتى بالغدا يساعد اسراء وعمتي يعني ابد مايستنكف مركزه عليه وعلى نزاكته كلش مرتب على نفسه وحتى عالبيت مايحب يشوف شي مخربط كدامه لازم كلشي بمكانه تخيلت لمن راح نتزوج هوا يساعدني بشغل البيت شعور كلش حلو
جنت شارده بيه نتبه عليه وشافني شارده كام يضحك وغمزلي اني كبل نزلت راسي من الفشله
ماما ترخصت منهم علمود نروح مقبلو يخلونه نروح الا ماما كلتلهم الولد بحدهم وكذا يله عافونه من طلعنا جان اكو مرايه وكفت مقابيل الموايه علمود اعدل شالي ماما وعمتي جانن ملتهيات يحجن شو حسين اجا وكف يمي وحجى:يابه والله مايحتاج ترا تخبلين ...ضحكت بخجل وعفته رحت يم ماما كل شويه يصيدني اجا هوا يوصلنا بسيارته ماما كعدت من كدام وانه كعدت من ورا كل شويه يباوعلي بالمرايه واني اثل بيها حجى مع ماما
حسين:اعذرينا عمه ترا هذا موغداكم لان جينه متاخرين من المحكمه
ام فهد:والله يايابه اليسمعك يكول مقصر شو ممخلي شي مجايبه
حسين:بالعافيه عليج عمه
ام فهد:ربي يحفضك ويطيك الذريه الصالحه وليدي
