#هوانا_عراقي
الكاتبه اميره دجله
بارت 7
،،،،،،،،،،،،،،،،،،،،،،،،،،
#بغداد
عفت ماما ورحت الغرفتي نهاريت بالبجي مو عليه لاوالله بس على كرامتي الي نسحلت بالكاع من وراهن هسه عباله ميته عليه....بقيت يومين مااحجي مع ماما خالاتي يخابرن بيه مارد عليهن بيوم جنا كاعدين نتغداد ومن فوتتهن خاله هيام وخاله ريام وخاله هند ....
.كمت تلكيتهن وبستهم طببتهن ماما للاستقبال اني عفتهم بحجه عندي شغل ماريد احجي بالموضوع جنت واكفه ارتب البيت تقربت ليم الاستقبال كلت اشوف شيحجن واسمعهن يتهامسن بينهن
هيام: ادري ياهند شجالج ماالج سيطره على ابنج يروح يجيبلج هاي وتبهدلج عاد تشتغل سحورتهن شو انتي بعيده وماخلصانه منهن
هند:مدكليلي ياخيه شسوي شكد قنعته وكتله بنت خالتك احسن بس ماكو قافل
ريام: بله عليج شلون طلع طلعه فشلنا لاكال لخاطر خالاتي هاي جزاه ترباتنا وتعبنا عليهم من عافهم ابوهم يمنا وماسال عليهم
ريام:اي واالله جنا نسهر الليل عليهم من يتمرضون والله ولا بعد احجي معاه لهذا النذل ناسي المعروف
سوريه:والله ياخيتي هند اني كلت انطيج بنتي من باب تخدمج على كبرتج وانتي ماعندج بنيه واعرفج مسكينه وماعندج حبايب بس ابنج رفس نعمته واني مثل مايكول بنتي ماضاله الف من يتمناها
هند:والله ياخيتي كاتلني القهر يوميه ضغطي مرتفع من وراه ومن ورا عملته كتلني التفكير الليل كله مانامه سالفه توديني وسالفه تجيبني
يحجين واني اتسمع طبعا خاله هند زوجها يصير ابن عمها نها عليها واخذها هيا تخبل زوجها وهيا مسكينه ماتعرف دبر الحبايب يحفرن من جواها وخربن بينها وبين رجلها وخلنه يزوج عليها بعدين هوا هجرها تقريبا عشر سنوات هيا اجتي عاشت ابيت جدي لان خوالي مقبلو تعيش لوحدها وهيا حلوه ينخاف عليها من المايخافون الله خوالي وخالتي ربو جهالها الما كبرو عاد ابنها الجبير هوا شال مسوليتهم وكام يشتغل يزوج وكونله عيله شغل اخوانه معاه اشترولهم بيت ...
ابوهم لمن شافهم شلون شاطرين بشغلهم والعالم تحمد بااخلاقهم احسن من ويلاده من ضره خالتي فلس مابقى عندا فلوس تندم وكام يريد يرجع لخالتي ....عاد خالتي رفضت ومقبلت ترجعله
هسه ابن خالتي الي خطبني وتراجع...يريد يخطب بنت عمه
بنت عمه تصير بنت اخت ضره خالتي يعني خوات ماخذات الاخوه من ضمن امهات السحوره الي خربن بين خالتي ورجلها ..وخالتي ماتريد من عدهن تخاف لاترجع عالماضي وسوالفهن القديمه لذالك خاله تريد من عدنا .....
شويه واسمع ماما تصيحني. اجيت تقربت اشوف شتريد وجان اكوم اكع وكعه تفلش وجهي .....
*************
