الرياش نَهج مُغاير

36

_____________________ الــريـاش
﷽

𓆩 اســاور حــسين 𓆪
بقلمي رواية : الــرياش

هلي لو ضعت منكُم
عَني لا تنشدون وادم مالي بِـ الوادم رَبع
روحوا خُمّو عيون كِل مَتعوب تلگوني دَمع..

لطفا لا تنسون التصويت والتفاعل بين الفقرات

⊰ دُر ⊱

ريــان : علي الآكبر تعال لك تعال خلوني بنص النار
ابوية واخوية وزوجتي كلهمممممم ولك كلهمممممم .

علي الآكبر: لا يا ربك ريــان لا تتصرف اي تصرف اجيت اني اجيت .
سد آلخط سمّعت شهگت شهد وگعت عمي لزمني كعدني على تخم ويصيح
_ ماي بسرعة ماي .
ركضت شمس ورجعت بيدها بطل اخذه علي الآكبر من ايدها
ذب بيده الماي ويغسل بوجهي لزمت ايده ورافعه راسي
خشمي طگ نزيف من الصدمة والخبر
_ اخوية علي الآكبر انــور مات يريدون موت اخوية .
_ يخسون وحگ علي ثمن دموعچ دم ياسين وبيدي هاي .

حجاها وعافني يريد يطلع وتلفونه يرن وصل برا اسمع صوته
_ ها فهد ، منو يا قناص شنو بوبجي عدهم
هل ** اذا ما الزم ياسين اشرب دمه اليووووم .

سد الخط ويتلفت شاف بس سراج الدين
علي الآكبر:وين جــود ؟
_ طلع ينتظرك .
ركض للباب سحب جــود ودخل مستعجل ويفهم بجود
وسراج الدين ، طلع سيف الدين يستمع ويعدل بملابسة
ابو حسن : شصاير علاوي ؟
_ بوية هذا فهد يگول هادرين دمه لان ساعد ريــان
ونبهني سامع يريدون يستهدفوني اني واخواني .

عمي شغل جگارة خايف عليهم بس مايكدر يمنعهم فهمهم بأسلوب حلو
_ المفروض من يمكم وتتصرفون بذكاء يعني همّ اغتالوا ابنهم
من لحمهم ودمهم وصلوا بين الحياة والموت ما يغتالون
علي الآكبر وجود ، وهسة حتى الباقي كلهم بعداد الموتى
من ضمن قائمة بيت الـرياش .

ام حسن : اتعجب عليك من تحجي ببرود اعصاب عبالك غرب
مو ولدنا تعبنا عليهم وربينا عادي عندك دمهم مهدور .
ابو حسن : شني فكرچ احبسهم بالبيت مثل النسوان ؟
_ انا ما اريد تحبسهم بس شوف حل أظل انا ايدي على كلبي .
_ هاي شنسوي شوفي ربنا شلون ينهيها وياهم ويخلصنا
المهم بوية علاوي اخذ اخوك واعبر من السطح على بيت
التركمان ورانا وانا أخابره ينزلكم مناك وفرهم فر بعد ابوك .

نزل علي الآكبر يلبس بالبوت ودخل للبيت يرفع بشعره
صعد وجود وراه يحجي وياه بصوت مسموع
_ انسوي عليهم هجوم القادة والعيالة
أرعبهم رعب اليوووم نحتاج يا فارس بدر مو ؟
_ احودهم حود واسبيهم سبي واطمهم طم وحگ كافل زينب .