[Unicode]Coward Episode _04_ (တတိယမြောက်ဖြတ်မျဉ်း)
'နှစ်ဝက်စာမေးပွဲရောက်တော့မယ် အပျော်အပါးလေးလျော့ထားဦး'
ဒယ်ဒီရဲ့သတိပေးစကားကိုထပ်ခါထပ်ခါ ပြန်ကြားနေတော့ ဂိမ်းစက်အရှေ့၌ထိုင်နေရသည်မှာမသက်မသာဖြစ်လာသည်။အခုမှ အထက်တန်းပထမနှစ်သာရှိသေးသော်လည်း ယူထားတဲ့ဘာသာရပ်က သူများထက်ပိုပြီး heavy ဖြစ်တာမို့ စိတ်လွတ်ကိုယ်လွတ်နေဖို့မရဲ။
နောက်ဆုံးလက်ကျန် အကြွေစေ့ သုံးစေ့ကို ဘေးရှိအွန်ဝူးစားပွဲပေါ် ပစ်တင်လိုက်သည်။ 'ဘာလဲ'ဆိုသည့်သဘောဖြင့်မေးငေါ့ပြလာသည်။ ဂိမ်းဆော့ကမပျက်ပါ။
"ငါအရင်ပြန်နှင့်မယ်..."
"အပြန်ကျ ငါတို့ကြက်ကြော်ဆိုင်ဝင်ဦးမှာလေ..."
အွန်ဝူးဘေးမှ မင်ဂူက လှမ်းပြောခြင်းဖြစ်သည်။
"ဘာဖောက်ပြန်တာလဲ...စုထားတဲ့ပိုက်ဆံကိုတော့ပြန်မပေးဘူးနော် ဟျောင့်"
ဘုတောတောနဲ့ပြောလာသည့် အွန်ဝူး။ Rich Kids တွေမဟုတ်လေတဲ့သူတို့အဖို့တော့ တောင်ကိုးရီးယားနိုင်ငံရဲ့လူတန်းစားမရွေးစားနိုင်တဲ့ကြက်ကြော်ကိုတောင် တစ်ယောက် ဝမ် 2000စီစုပြီး ဝယ်စားရတာမျိုး။
ထင်မနေကြနဲ့။
ချာအွန်ဝူးဆိုတာ ‘Cha Cha Family’ စားသောက်ကုန်လုပ်ငန်းစုရဲ့သား။ ကင်မ်မင်ဂူရဲ့မိဘတွေက သူတို့တက်နေတဲ့ 'ဘုံဆွန်း'ပုဂ္ဂလိက ကိုယ်ပိုင်အထန်းတန်းကျောင်းရဲ့ရှယ်ယာရှင်။
သူကတော့ ဆိုးလ်တက္ကသိုလ်ဆေးရုံဥက္ကဌရဲ့မြေးတစ်ယောက်။
ဒါပေမယ့်သူတို့အဖွဲ့ကrich kidsတွေနဲ့မတူစွာ ဗရုတ်ကျသည်။
ရေခဲမုန့်တစ်ခုကိုသုံးယောက်အတူလဲ ကတ်သီးကပ်ဖဲ့မျှစားတတ်ကြသလို ကျောင်းတက် ကျောင်းဆင်းလဲ အများသုံးဘတ်စ်ကားမှာ အတူတိုးဝှေ့ရတာကိုသဘောကျသည်။
ယခုလဲ ကြက်ကြော်စားဖို့အရေး အိတ်ထဲက ရှိစုမဲ့စုထောင်တန်နွမ်းနွမ်းလေးတွေထုတ်ကာ စုထားကြခြင်း။
"မင်း အဲ့တာကြီးကတော့ ငတ်လွန်းအားကြီးတာမျိုးဖြစ်မနေဘူးလား..."
YOU ARE READING
𝐓𝐡𝐞 𝐋𝐚𝐬𝐭 𝐓𝐞𝐚𝐫𝐬 (ℂ𝕠𝕨𝕒𝕣𝕕) 𝐸𝑑𝑖𝑡𝑖𝑜𝑛
Fanfiction"ကျွန်တော်က ခင်ဗျားအဖေအပိုင်" JJK X KTH MYG X PJM
