♡فُرحً آلَبًيَآتٌيَ ♡
بقلمي رواي [ضلَآمً فُيَ وٌسِطِ بًيَتٌ صّغُيَر ]
﷽
﷼
°°°°° °°°°°° °°°°°° °°°°°° °°°°°° °°°°
نَظَرتُ إلى الحَياةِ فَلم أجِدهَا سوى حُلمٍ يَمُرُّ ولا يعودُ............
°°°°°°°°°°°°°°°°°°°°°°°°°°°°°°°°°°°°°
"نور"
من جان عمري 3سنوات ابوية استشهد بحرب ايران بس اني وامي واخواني الاثنين بقينة ابيت جدي
.....
اخوية الجبير جان عمرة 5سنوات اكبر مني ابسنتين واخوية الصغير جان عمرة سنة اصغر مني ابسنتين
جنة كلش اصغار من استشهد ابوية اني ما اتذكرة بس اخوي الجبير يكول اتذكر شكلة مثل الخيال.
من استشهد بقينة يم عمامي ابيت جدي جان عندي خمس عمام و من بينهم عمي (جمال) جنت كلش احبة ومتعلقة بي اني وجهالة جنة نلعب سوية هو جان اب بل نسبة الي....
ومرت سنوات واحنة ابيت جدي شفنة الويل والضيم منهم
بس سكتنة لان احنة كاعدين يمهم اذا فتحنة حلگنة ننطرد بكل دم بارد
بعدهة كبرت وصرت صف اول جنت كلش شاطرة ودرجاتي عالية جنت حيل احب الدراسة وجان حلمي اصير مهندسة...
بس القدر جان الة رأي اخر....
°°°°°°°°°°°°°°°°°°°°°°°°°°°°°°°°°°°°
بعد مرور سنوات
نجحت من صف سادس ابتدائي
وصرت بل اول متوسط وعمي جمال جاب المعاملة مالتي حتى اسجل بمدرسة ال....... مال متوسطة
بس عمي( جعفر) ما قبل اداوم كال ماعدنة بنات يداومن
عمي جمال ماقبل على كلامة وكال...
جمال :- اني اخليهة اتداوم شعليك انتة!
جعفر :-گلت ماعدنة بنات يداومن وهاي اخر كلام الي اذا تطلع من هذا الباب اكسر رجليهة.
جمال:- اني اخذهة واشوف الي يفتح حلگة.
_ماحسيت غير عمي جعفر طفر على عمي جمال واخذ المعاملة من ايدة وشگة..
جمال:-ليشش هييججي شعليك بيهةةة انتة معلليك افتهمتت.
جعفر.:-هاي اخر كلام اذا تروح اطردهة وشيصير خل يصير.
عافنة وطلع واني بجيت وعمي جمال اجة يمي وكال...
جمال :-شنسوي شنو بيدي اسوي حتى ما اخلي يبطلج من الدوام هسة يروح يكول الجدج واثنينهم يصيرون عليج شسوي؟؟
نور :-هاي هي خلاص شيسوي خل يسوي خل يبطلني بس طول عمري راح ابقة ادعي عليه انشاء الله يطلع حوبتي بجهالة حوبة اليتيم يكسر الضهر.
أنت تقرأ
ظلام في وسط بيت صغير
Mystery / Thrillerبيت صغير هي شاهدة على الصراع الذي مر به صاحبه منذ نشأته مع اخوته ومع الوالدة المريضة والاب الذي لا يبالي كيف سيعيشون الاولاد في الامان والاطمئنان؟؟ او في الشر والكراهية؟؟ ••♡
