ظلام في وسط بيت صغير

آلَظُلَآمً آلَثًآمًنِ

♡فُرحً آلَبًيَآتٌيَ ♡

بقلمي رواية [ ظُلَآمً فُيَ وٌسِطِ بًيَتٌ صّغُيَر]

﷽

﷼

°°°°°°°°°° °°°°°°°°°°°°°

"فرح "
مرت ايام طبيعية وخلصت امتحاناتي
رجعت من اخر امتحان
فرح :- خلصت امتحانات وهسه تعالي انتضري النتائج.
احمد :- ان شاء الله ناجحة اتفائلي .
فرح :- ان شاء الله.
رحت بدلت ملابسي وتوضيت وصليت رحت جبت قران وكعدت اقرة ساعتين وخلصت شلت السجادة وحطيت القران بمكانهة . طلعت من الغرفة ابوي كاعد بل مطبخ ويحجي بل تلفون وية ابن خالة الي ابغداد. سد الاتصال وحجة.
احمد :- معزومين للخطوبة باجر.
نور :- خطوبة منو؟؟
احمد :- فادي ابن خالي.
فرح :- هااا اللللله عدنة عرس اللللله واخيرا.
طبعاً عمو فادي جان متزوج وعندة جهال ٣ بنات اثنين و ولد زوجتة حبت واحد ورادت طلاك من عمو فادي واطلگو وهي اتزوجت وعمو فادي هسة هم راح يخطب.

نور :- من وين خطب؟؟
احمد :- من منطقتنة.
نور :- هاا.
فدك :- زين قريب علينة اذا هيج همة يجون مو احنة انروح.
فرح :- الله كومي خل انطلع ملابس انشوف شنو نلبس...

رحنة اندور شنو نلبس وانسق الوان بعد معاناة كل وحدة اختارت لبسة.

فدك اختارت تنورة بيجي وقميص ابيض وشال بيجي والحذاء ابيض.. واني سترة خضرة والبدي مالتة ابيض وبنطرون كابوي والحذاء اخضر وشال ابيض وية لون البدي..... اما مروة ما اتحب هيجي سوالف دائما منعزلة فة كالت ما اروح.

احمد :- وين تبقين وحدج احنة كلنة انروح.

فرح :- من هسة اكول الكم اني ما ابقة.

فدك :- واني هم رجلي على رجلكم.

مروة :- خل علي يبقة يمي وانتو روحو.

علي :- اي روحو انتو احنة نبقة بلبيت ما احب هيج سوالف.

نور :- لو ريتاج هم تبقة وياكم بعد احسن.

ريتاج :- ما.

نور :- اي متبقين ليش تبقين مثل خواتج متكدرين اذا مترحين.

فرح :- هاي احنة بكل عزة لطامة.

فدك :- لا والله وعايزة ابقة بلبيت هاي الخطوبة من الله اجة.

نور :- لا عيني لا ميصير اصلن تبقين اتموتين غير.

فدك :- احب الي يفهمني.

فرح :- رايحه انام.

احمد :- تصبحين على خير.

فرح :- وانتة من اهل الخير.

من التعب اول ما حطيت راسي على المخده نمت بدون تفكير ما كعدت الة على صوت فدك ومروة
طلعت من الغرفة شعري عبالك صاير بي انفجار وبجامتي وحدة صاعدة وحدة نازلة وافرك بعيوني.