ظلام في وسط بيت صغير

آلَظُلَآمً آلَآوٌلَ

♡ فُرحًآلَبًيَآتٌيَ ♡

بقلمي رواية [ ظُلَآمً فُيَ وٌسِطِ بًيَتٌ صّغُيَر]

﷽

﷼

°°°°°°°°°° °°°°°°°°°° °°°°°°°°°°°° °°°°°°°°°°

والمرءُ تَلقاهُ مِضْياعًا لفُرصتهِ حتَّى إذا فاتَ أمرٌ عاتَبَ القدرا..............

°°°°°°°°°°°°°°°°°°°°°°°°°°°°°°°°°°°°°°°°°°°°

آلَحًآضر.....

جنت كاعده بل استقبال نت ماكو وضوجة صار عندي فضول اعرف قبل شلون جانو عايشين اهلي لا نت لا تليفون وقررت اسئل ابوية رحت للهول شفته كاعد يگلب بل تليفون رحت كعدت يمة وسئلتة:-

فرح:- بابا سؤال

احمد:-جواب.

فرح:-اريد اروي فضولي واعرف انتو بزمناتكم شلون جنتو عايشين يعني حسب ما اعرف عيشتكم جانت صعبة.

احمد:-مو بس صعبة بنتي احنة جنة 14نفر بلبيت والبيت جان صغير يعني تقريباً جان 100متر او اقل

فرح:-ياااااااا يعني شلون جنتو عايشين لحم على لحم!!!؟

احمد:- هو جان المساحة صغيره بس الحمدلله جان اكو سقف نعيش جواهة احسن من ماكو.
ـ اي وابوي جان متزوج نسوان اثنين من الاولى عدهة جهال اثنين ولد وابنيه ومن امي 10جهال..

فرح:- زين بابا زوجة ابوك شو ماشايفتهة بحياتي!!؟
°°°°°°°°°°°°°°°°°°°°°°°°°°°°°°°°°°°°°°

"قبل عدة سنوات الرجوع الى الماضي"

احمد:- اني احمد عايش بوسط بيت صغير اني و٦اخواني و٦خواتي يعني جنه ١٢ طفل بلبيت وية امي وابوية ١٤نفر وبيتنه جان اقل من ١٠٠متر طبعاً ابوي جان متزوج نسوان اثنين ومن الاولى عندة جهال اثنين ومن امي عشر جهال اخوية الجبير الي هو (علاء) مو من امي هو واختي (لمياء) همة جانو اكبر من عدنه جانو من زوجة ابوي،،، بس امي ابد ما حسستهم بل نقص جانت اتعاملهم مثل ما اتعاملنه بس امي جان عدهة مرض اعصاب مرات جانت تتعصب ومتشوف احد گدام عينهة بس رغم كل هذا احنه جنه عاذريهة لان هية مريضة مو بيدهة تتصرف تصرفات خارج عن اراددتهة بس ابوي لا جان مريض لا شي جان كلش قاسي علينه بشكل مو طبيعي،، اني جان حلمي ادرس ومن هواياتي لعب كرة القدم بس ابوي جان مراضي ابد جان رافض احد بينه يبادر ويكمل دراسة او يحقق الي يريدة جان قاسي علية وعلى اخوي الاكبر مني (حاتم) جان ضدنه بكل شي بكل مسيرة بحياتنه ومحد جان يعلمنه ع صلاة الة من كبرت اشوية يلا گمت اصلي لان احنه محد علمنه ام مريضة واب لا يبالي،، رغم كل هاذ اني جنت صبور الدرجة جنت اتحمل قساوة ابوي بكل شكل من الاشكال واني جنت مؤمن برب العالمين انو راح يجي يوم وتفرج علينه وكل واحد يكمل حياته رغم المصاعب.