#عيدكم_مبارك كل عام وانتم بالف خير
صحه وسلامه ينعاد عليكم بالخير والبركه
حبايبي اليوم نزلت لكم بارت وان شاء الله
نكمل القصة وره العيد
#زواج_وظلم_ابن_العم البارت 6
#مرج_البحر
رحمه : يومين وره هاي ليله التحق
عزام بقه عشر ايام ورجع من
من رجع يومين هو ما زارنه
ما هتميتله لان مااحبه صراحه
وراها اجه طب لابوي وحجه
وياه وامي همات كانت موجوده
طلعت امي كلش فرحانه كالت
ام رحمه :ولج رحمه عزام
خطبج من ابوج
رحمه اني تخبلت كلتله
منو كالج اريده
ام رحمه : مو على كيفج
رحمه : عزام ماله بكلبي مكان
وما اعيش ويه شخص
ما احبه لو اموت
ام رحمه : مو هيه بكيفج ابوج راح
لم خواتج واخوانج وشوف شنو
رايهم واحنه ال يقرر مو انتي
رحمه : شمعنى اني تجبروني
وخواتي ذنيج برضاهن تزوجن
ام رحمه: متلكين مثل عزام
هو ولد خلوق وصاحب واجب
وشغيل واخو اخيته وهل تشوفين
ما قصر ويانه واكيد راح يصونج
رحمه : ال خلق عزام يخلق احسن
منه ما جاوبتني واني بجيت
ما ريده ياربي والله ما ريده
عزام بس اجه حجه ويه ابوي
وطلع ما اجه وراها ضليت الوب
اريد شوفه حتى اكله
ما اريدك ويكطع النفسه
ماكو ثاني يوم اجن خواته
وعمتي الي هيه امه وابوه
خطبوني رسمي ومن كال عمي
ابو عزام : ها بنتي شكلتي اكيد
سمعتي الحجي اني خطبتج واريدج
مره الابني وانتي بنيتنه من عنده وبينه
ها شتكولين
رحمه : عمي انتو على عين والراس
وقوانكم ما تنسي بس اريد
مهله افكر بيهه وارجعلكم خبر
ندزني اخواتي كالن تفكير
شنو متلكين احسن منه
ما عليك. بيه عمي كبعها واخذه
عمي شاف دمعه بطرف عيني كالي
ابو عزام : بكيفج بويه فكري
وهاذه حقج و مالومج براحتج
رحمه : امه مبينه مجبوره وما راضيله
اخواته همين لان سمعت انو متعارك
مع امه لان ما تريدني ياخذني
وتريد من بنات اخته
باوعت على عزم خزرني خفت وكمت
عزام : رحت على عمي كتله اني
رايد رحمه وجايك من الباب
وانت اعرف بيه وشتطلب
اني حاظر عمي كال
ابو رحمه : صدك جذب ابني اصلا
اني متمنيك من الله تكون نسيبي
وابني ورحمه اعتبره صارت الك
اني فرحت كلش رحت على اهلي
كلتلهم اريد ازوج واريد اليوم
تخطبولي ابوي فرح كال
ابو عزام : على خير ابني اني
مستعد اروح اخطب الك
امي فرحت كالت
ام عزام :واخير راح اشوف عرسك
وزفك بيدي بس من وين نخطبلك
عزام : خطبولي رحمه بنت عمي
نكلب وجه امي كالت
ام عزام : لو على جثتي رحمه
ما تصير جنتي واني انطيت كلمه
لخالتك تريد تفشلني وياهه
ابو عزام : منو كالج تنطين كلمه.
الولد يختار لنفسه مو انتي
ال تختارين وتزوجين على كيفج
هاي حياته وهو حر بيهه
ام عزام : طبعا لان بنت اخوك
تحجي هيج ودافع واني رحمه
ما اريده جنه الي لو على جثتي
عزام : السموحه منج يمه واني
غير رحمه ما اخذ لو على جثتي
لو اعرف طول العمر ابقه بدون
زواج ورحمه محد ياخذه غيري
لو يصير دم لركاب وهسه اريدكم
بليل ترحون تخطبولي
اخواتي جانن موجودات يمنه
تخبلن كالن
ناديه اخت عزام : اني مااريد اروح
اني اريد اخطب بنت خالتي هاله
احلا من رحمه بهوايه واحسن
عزام : خالاتجن وبنواتهن يروحن
فدوة لرحمه. وتعالن انتن شدخلجن
ب ختياري وحياتي اشو طول
عمري ما غثيتجن وانتي بالاخص
احبج وتفده الج ليش تخرين
مكانتج بكلبي اسمعني كلجن يامه
تصيرن وياي يامه تسكتن
وكلتلهم اليوم بليل نخطب الي
تريد تجي هلا بيهه والي ما يعجبهه
الله وياهه بعد هنه سكتن
رحنه بليل على بيت عمي
حجينه العدنه فرحو كلش
ابوي كال لرحمه ها بنتي شكلتي.
عمي كال كبعوها وخذوها
حجت رحمه كالت عمي بعدني
ما موافقه اريد. كم يوم وردلكم
خبر اني هنا ضجت. كلش بس
بقيت ساكت ابويه كاللها الج.
حقج يومين وردينه الخبر ورجعنه
للبيت امي كالت
ام عزام : شوف عزام اذا ما وافقت
تحلم ارجع اخطبها
عزام : يمه اذا ما وافقت على شرط
كبل تروحين تخطبيلي بنت اختج
امي كلش فرحت واخواتي يدعن
انها ما توافق واني بكلبي اضحك.
ما يدرن اني ضامن كلشي وشحده
حتى ما توافق غير اكسر راسه😎
.
.
.
.
رحمه : عمي من كالي من حقج
تفكرين وراحو اجني عليه امي
واخواتي كلش فرحانات اله اني
طالعه دنيا من عيني وكلش
ضايجه امي كالت
ام رحمه : ها ست رحمه شبيج
كالبه وجهج علينه خيرج
رحمه : يمه ما اريد عفيه.
عزام ما ريده ليش ما تفهموني
كبن عليه اخواتي غصبن عليج تاخذينه
ولج نسيتي هوه ال وكف ل اهلج
وين تلكين مثله ولج صار سند لخوانج
يوم الي تغربوا وساعد ابوج
رحمه : واني مااريد ما اطيقه
شنو هو غصب سمعني بوي كالي
ابورحمه : رحمه اني انطيت كلمه
وما تراجع بيه لو غير عزام
من ولد عمج والله ما انطيج
بس عزام تاخذينه وغصبن ما عنج
رحمه : كمت ابجي كلتله
وليش من دون اخواتي تجبرني
شو هنه خذن برضاتهن وليش اني
شهل تفرقه كال
ابو رحمه : عزام رجال اله مواقف
وغوانم ومو من شيمت رجال
نكران المعروف وخلي بالج باجر
اردلهم جواب ونحدد يوم المهر
رحمه : اني هنا تخبلت وكمت
الطم وابجي عافني امي وخواتي
كالن وحده مخبله انت
ابجي لحد صبح ما تفيدج قرار اتخذنا
وما انتراجع عنه وعافني وطلعن
هنا بقيت ابجي لحد ما صارت
ساعه وحده كلها نامت واني
بقيت مخنوكه وطالعه. روحي
ردت بس اشوف عزام ماكو قررت
اروح اله لان هاذه قرار مصيري
ومو مثل هسه موبايل ومراسله
ما كان عندي موبايل ابد
رحت دكيت الباب مره مرتين
نفتح الباب ....
يتبع....
أنت تقرأ
زواج وضلم ابن عمي
Romance#مساء_الخير هلا حبايبي شلونكم رجعتلكم بقصة جديده زواج وظلم أبن العم ان شاء الله راح تعجبكم وهذا مشهد من القصة . . . #المشهد_الاول رحمه : ندك الباب صحت منو كال اني عزام فتحت الباب وهنا شفته من بعد اسنين هو صفن بوجهي كتله هلا خويه شرايد شبيك سرح...
