زواج وضلم ابن عمي

البارت الاول

#زواج_وظلم_أبن_العم -البارت - 1

#مرج_البحر

السلام. عليكم اني اسمي رحمه
عمري 26 سنه
مواصفاتي متوسطة الجمال
لا سمينه ولا ضعيفه
جسمي ازغر من عمري
بشرتي حنطاويه عيوني ملونه
فمي زغير خشمي راهم وي وجهي
شعري طويل واسود احنه ورثنا الشعر من امي
خلي اعرفكم على عائلتي

عائلتي مكونه من خمس بنات
وولد اثنين خواتي اثنين اكبر مني
مزوجات واني واخواتي الازغر مني التوأم يدرسن بصف ثالث متوسط
واخواني واحد اكبر مني بسنه
والثاني ازغر مني يعني اني صايره بين اخواني الاثنين وخواتي
التوأم نكول هنه اصغر العيله 
اختي الكبيره اسمها سجى عمرها 30 سنه
والازغر منها اسمها ضحى عمرها 29
اخوي اسمه سالم عمره 26
واني حاليا عمري 25
واخوي الازغر مني اسمه ضاحي عمره 23
اما اخواتي التوأم اسمهم عبير وغدير
عمرهن 19

امي ربت بيت شاطر كلش
وسنعه ومن امهات كبل ال تعادل الف رجال امي عمره 40
وابوي عمره 50 محاسب باحد سوبر ماركت شغله دارج
وامي خياطه والحمدالله مستقرين وضعنه زين اخواني ثنينهم يدرسون بس
بسبب الرسوب مالهم لحد هسه
ما وصلو الكليه همه ماله خلك بدراسه
لكن بسبب الحاح ابوي واحنه
شادين وياهم مستمرين بدراسه
وابوي كاللهم اخر سنه من ترسبون تبطلون وترحون تشتغلون عماله
اني تاركه دراسه ورثت شطاره ونداره
من امي
عنيده وبنفس الوقت عصبيه
وهم اجتماعيه والكل تحبني
احنه من محافظات الشمال
ساكنه ريف وتعرفين ريف حلال

وشغل وكعدي من الغبشه
وحلبي الحلال وحشي
ونضفي ورتبي هاذي عادات ريف

عندي عمام خمسه
وعمات اربعه تواصلنه قليل وياهم
بس بل مناسبات عمي الجبير لي هوه
اكبر من ابوي عنده سبع ولد وبنات
ثنين البنات مزوجات والولد اربعه مزوجين وثلاث باقين بعدهم.المزوجين كلمن بيته وحده.اما الباقي اكبرهم اسمه عزام
وبرهان ومحمد والباقين
وعمامي الباقين عدهم بنات اكبرشي
ولد وغار واحد.عنده بنت ولد
عمي الثاني عنده اربع بنات ولد
عمي الثالث عنده خمس بنات وثلاث ولد
عمي الرابع رابع عنده.بنات ثنين ومرته حامل  وفرحانين يكولون بطنه ولد
لكن رغم هاذه الشي بينه تواصل فقط بس سلام
تبدي قصتي ب سنه 2015 من طب داعش على محافظات الشمال كان حصار وجوع وخوف وقصف عمي الجبير
لي عنده سبع ولد اخذ عيلته وطلع
طلع لجنوب وره فتره اخواني
عندو على ابوي يريدون يطلعون
طلعوا اخوتي كعدو عد عمي الجبير
بحكم عنده بس ولد
امي جانت دائم تحذرهم من مرت عمي تكول شرانيه لسانه معسول بس كلبه مسموم
ومتريد الخير لحد
بوي كان رافض انو يطلع
من البيت بخصوص انو بيتنه جديد
وصار سنين نشتغل بيه
وتعبنه عليه هوايه يكول مكدر اطلع
وخلي تعب سنيني وراي
حاولنه وياه ما قبل يكول نموت ونطيب بهذا البيت
ما جذب عليكم كنه ميتين خوف
وجوع والقصف الله لا يراويكم هيج ايام خواتي المزوجات طلعن مع عوائلهن للمحافضات الامنه وال هي تحت سيطرة الجيش بقينه بس احنه جوع يدك بينه والخوف ومنا احنه بس بنات
وين روح وين نطي وجوهنه
امي حاولت ويه أبويه واحنه
وما قبل كان رافض
يوم من الايام كانت شبكه
شبه معدومه مالت الاتصال اذا تريدين تخابرين لازم تروحين على غير منطقة
يله تحصلين اتصال خمس دقايق
امي مشتاكه على خواني كلش
بشهر مره يله تسمع صوتهم 
يوم من الايام عمي جبير
موصي على بويه كايل خل يخابرني
ضروري راح بويه وخابره ورجع
كال يله تحظرو باجر نطلع وين وعلمن منو كال خابرني عمكم يكول تعال يمنه
لكيتلك بيت واجار رخيص
ولا شيل خطه عائلتك واحنه اخوان ان شاء الله محد يقصر ويه احد
ومن هل حجي لحد ما بوي مقتنع
رابع يوم وره الاتصال طلعنه وما حجيلكم كميه الخوف والرعب ال شفناه لان داعش صار متشدد واي احد يطلع ويلزموه يذيحوه
واحنه جنه خايفين على بوي كلش
والله سهل وصلنه عمي كال هاذه بيتكم
ابني عزام دفع اجاره مدة شهرين لي كدام
على ما تستقرون وتلكون شغل والله كريم بويه تشكرهم طبعا ولد عمي
كل سنه شوفهم مره
وعزام اول ما صارت الاحداث
كبل طلع من المنطقه سجل
بل قوات الخاصه وطلع اسمه ويداوم بيه
بس صار سنين ما شايفته
جنه لامين فلوس وبعنه
من غراض البيت وشترينه المحتاجينهن وستقرينه الحمد الله ابوي فتحله بسطيه مخضر واخواني سجلو مسائي وصبح يشتغلون حتى نكون انفسنه
لحد ما الله يفرجه
بيت عمي روحلهم قليل لان
نحس مرت عمي وجها ثكيل منه
بس عمي يحبنه
بس من صير عده عزيمه او شي تناديني ساعده
وتضل تذب حجي مثل اسم
اسمعها تكول خلف الله علينه
جبناكم يمنه ومن هل حجي
بس ساكته خاطر عمي  

مرات كول لامي بعد ما روح
تكلي عيب خاطر عمج مسكين
من تجي يمنه تشوف امي كاعده
واني مكمله كل شغل
تكوم تذب حجي هاذه
بخت نسوان كاعده كل نهار
وتحسد عينك عينك
لكن ما نردهه ما نحب مشاكل
وهيه دور الزله

يوم من الايام جان محد بالبيت
اندكت الباب صحت منو
كال عزام فتحت الباب ....

يتبع...