#زواج_وظلم_ابن_العم __#البارت7
#مرج_البحر
رحمه : نفتح الباب تفاجأ بيه كال
عزام : ولج صخمانه شجابج
بنص ليل وحدج.
رحمه: جايه عليك أريد احجي
وياك بموضوع لزمني من ايدي
واخذني لهلي طبينه على مطبخ
باوع على أهلي كلهم نايمين اجه
يمي ضربني راشدي فر وجهي فر
عزام : ما تستحين طالعه وحدج
ما عندج زلم يكظونج ودحتي بليل
رحمه : مني دايحه عليمن خاطبني
وجرني من شعري
عزام : مو كلتلج غصبن عنج وبعناد
بيج متروحين لغيري
رحمه : ما اريدك افهمني ما اريدك
عزام :غصبن ما عليج ويله هسه ولي
نامي وان عدتيه مره ثانيه سواتج هاي
اعدمج جدام اهلج
رحمه : ما روح لحد ما ترجع عن قرارك
عزام : قرار اتخذته وما ارجع عنه
رحمه : امك وخواتك ما رايداتني
عزام : يكفي اني اريدج
رحمه : بس اني ما ريدك وما احبك
عزام : حتى لو المهم ما تروحين لغيري ويله ولي نطمري
رحمه : عافني ومشه بقيت ابجي
لحد ما نمت
عزام : من شفت رحمه طالعه بليل
وجايه علينه تخبلت اخذتهه البيت
اهلهه وضجت اكثر من الي سمعته
منها استفزتني بالكلام وكالت مااريدك
وما احبك بس لزمت اعصابي حاولت
بكل طريقه وكالت امك واخواتك
مايردوني بس بقيت مصر على كلامي
اخر شي فتهه وطلعت صاير نار مااريد
اسوي شي اندم عليه بقيت ليل كله
اني محترك من كلامهه صعبه على
كل رجال يسمع وحده ترفضه بس
بقيت على كلامي اخذهه اول شي
اني احبهه وثاني شي صارت شغله
اعناد اخذها واكسر خشمهه
ثاني يوم عمي خابرني كالي
ابو رحمه : ابني خير البر عاجله
واني منطيكم وموافقين تعالو
حياكم
عزام : رحت للبيت كلش فرحان
لكيتلهم ملتمين على غده
سلمت وكعدت كلتله يبوي عمي
خابرني وكال جيبو مهركم وتعالو
احنه موافقين ابوي كال
ابو عزام : على خير ابني بس خل
اخابر عمامك اذا يحظرون ويانه
المشيه والمهر
عزام : طبعا عمامي بعيدين عنه لكن
ما يصير ما نكوللهم اخواتي
نكلبن وجوهن امي ما راضيه كلش
ابوي خابر عمامي تعذرو وطبعا
هاذه طبعهم من زمان على كلشي
يتعذرون
رحمه : كعدت ساعه عشره الصبح
لكيت اهلي متريكين وفاضين
الريوك وجاي يسون غده رحت تريكت
اختي هلى بل عروس كلتله
بالله ما سدين حلكج مالي
خلكج كالت يمه على كيفج كبيتي
كلتله بكيفي كالت عيني حضري
نفسج اليوم يجون يسلمون مهرج
لان ابويه من الصبح ردلهم
خبر الموافقه وعافتني ومشت
اني ضليت مفهيه على كلامهه هاي
شوكت انطاهم موافقه واني ماحجيت
بلعت الغصه وسكتت مره النهار عادي
بليل اجه عمي سلمو المهر ونكضب
العقد وكانت كلمه الموافقه مني
بيه غصه وحسره وبيه الف دمعه
بس عمي وعائلته اجو عمامي الباقين
بعيدين مخابرهم عمي كايلين منكدر
نجي هنا نحسمت حياتي
وبدت رحله عذابي
عزام : بليل اخذنه شيخ ويانه
ورحنه عليهم بس اني وامي وأبوي
واخواني
أخواتي ما قبلن يروحن
كطعنه مهر وعقد الشيخ رحمه كالت
رحمه : اريد. عقد. محكمه ما اطلع
من بيت ابوي اذا ما اعقد محكمه
ابو عزام : حقج بنتي لكن مو هسه
تعرفين الاوضاع يا بنتي ونوعدج اول
ما تحرر منطقتنه نكضب عقد
رحمه : لعد ما يصير العرس لتحرير
ابوه عزام : هاي بقت يمج ويم عزام
عزام : العرس بعد شهر
رحمه : واني ما اطلع عمي
ابو رحمه : ابني عزام هاي مرتك
وانت بكيفك اما بنسبه للعقد اني
أثق بيك ومن تحرر منطقتنه
تكظبون عقد محكمه
عزام : باوعت لرحمه نظره انتصار هنا
هي نزلت دمعته وكامت عافتنه كاعدين
رجعنه للبيت صارت ساعه وحده
بليل الكل نام بقيت اني كلب بل
موبايل وفرحان كلش لحد ما نمت
رحمه : ثاني يوم عزام راح لدوام
وخابرني على جهاز امي حجه وياي
جنت ما طايقه احجي وياه
بس شسوي مجبوره وكل كلامي
وياه من كفه خشمي وبدون رضى
اخر شي هو ضاج وختم الحجي
وياي بسيطه كل هذا ضامه
الج من تجين يمي ويسد الجهاز
وعلى هل روتين مرت الايام
رجع عزام من دوام كان كلش
مستعجل بل عرس رتب الغرفه
وكمله رجعت طلبت عقد محكمه.
حتى اضمن حقي نفس الحجي من تحرر
منطقتنه هناك نسوي العقد
اني رفضت بس كان اخر هم
اهلي ابوي وافق وكال
ابو رحمه : الي تردو يصير
وشوكت متردون خذوها
عزام : كلش ستعجلت بل عرس
وكمت احضر احتياجات العرس
حاولت اكمل بسرع وقت لان
النار الي بداخلي على رحمه
خلتني استعجل بس صار لتحاقي
ما لحكت اكمل تحظيرات رحت لدوام
ورجعت كملت كل تحضيرات عدلت الغرفه
وصبغتها واشتريت غرفه النوم والفرش
جهزت رحمه من كلشي ماكو اي نقص
بقه بس العرس صار لتحاقي مره لخ
رحت كلتلهم من اجي العرس يصير
رحمه ما جبتله موبايل لان ما اقبل
زوجتي تشيل موبايل اخابرهه
على موبايل عمتي حتى احجي وياهه
احس بيهه مجبوره وتحجي وياي
من كفه خشمها اجيت وياهه بكل
الطرق ما فاد اخر شي بزعتني
صرت عصبي عليه كلتله كلهن ضامهن الج
تالي صرت ما خابرها لان تكرهني بروحي
وكرهتني باليوم الي حبيته بيه ومن صدك
خلتني اتحلف بيهه نزلت من دوام
واجه اليوم العرس ....
يتبع...
أنت تقرأ
زواج وضلم ابن عمي
Romantik#مساء_الخير هلا حبايبي شلونكم رجعتلكم بقصة جديده زواج وظلم أبن العم ان شاء الله راح تعجبكم وهذا مشهد من القصة . . . #المشهد_الاول رحمه : ندك الباب صحت منو كال اني عزام فتحت الباب وهنا شفته من بعد اسنين هو صفن بوجهي كتله هلا خويه شرايد شبيك سرح...
