#زواج_وظلم_ابن_العم #البارت8
#مرج_البحر
رحمه : صارت تجهيزات العرس
اني ما جهزت كلشي وجنت شبه
الميته ومالي خلك بكلشي وجنت
كلش خايفه من هل زواج وما مرتاحه
ابد لكن احجي المن ومنو يصدكني
كلها ضدي واهلي ما يشوفون بس
عزام كدامهم
امي وخواتي جهزن كلشي ورتبن
اني ابد مالي شغل بشي ضل بس
يوم العرس وصار دوام عزام وراح
كال من اجي سوي العرس نفس روتين
يخابر يرزلني ويتوعد بيه طلبت موبايل
كالي ما عندي مره تشيل موبابل سكتت
اهلي حوبتي بركابكم
اجه عزام من دوام وكالو العرس
بعد يومين ما عزمو احد بحكم انه
بغربه والوضع ما يساعد اختصرت عزيمه العرس على جيران والعمام فقط
كان عرس كلش بسيط بنسبه الي سميته
( يوم موت الحياة بداخلي الى الابد)
رحت لصالون راحت وياي اختي
دخلت الصالون لكيت كم عروس
كدامي على ما خلصتهم اجه دوري
اجيت كعدت على الكرسي بلشت
بيه الابنيه كل ما تبلش بيه تنزل
دمعتي وامسحه حجت الابنيه
عيني شنو هاي كل ساعه امسح
المكياج واعيده اللج ورايه شغل
كتله يله شوفي شغلج
شنو انتي مجبوره على الزواج
رحمه : سكتت ما حجيت شي
اكتفيت بالسكون اختي سمعتها
كالت
لا عيني يا مجبوره بس هيه
ضايجه لان ماكو وحده من
صديقاتهه لان احنه مهجرين
لهذا السبب ضايجه وتبجي
رحمه : باوعت الاختي شلون
تحجي وتبرر وكنما الحجي صدك
وهيه تعرف مو هذا السبب
السبب هو اني انجبرت على عزام
ومااريده ولا احبه اني الي اعرفه
الاخوات تكون سند الاختهه وتوكف
وياهه بهيج مواقف بس شحجي
بلعتهه وسكتت رجعت باوعت
على الابنيه ما تحملت نزلت دمعتي
مره ثانيه هيه حست بيه نزلت
المستوايه وهمست باذني الله يعينج
حبيبتي حسيت بيج انتي مجبوره
هو الولد من اقربائج
اي ابن عمي
هو يحبج
مااعرف
شنو ماتعرفين اكو وحده ماتعرف يحبهه
او لا
هو اعترفلي بحبه بس اني ماعندي شي
اتجاهه وهو اخذني غصب وشغله اعناد
سواهه
لعد اذا اعترفلج بحبه جايز انتي بمرور
الوقت هم تحبي وتعيشين وياهه حياتج
مرتاحه مو شرط تحبي من الاول بس
بالعشرة والايام الي تعيشوهه بينكم
يبين هذا الشي اني هواي بنات يجن
عرايس يمي يبجن دم ما قابلات
على زواجهن بس بعدين يجوني
وره زواجهن يحفن يمي ويسولفن
شلون كامت تحبه ف ياعيني
انتي هم بالمعاشرة يجوز تحبي
الله كريم
يله ولج خلي اخلصن اخذنه الكلام
بعد ورايه كومت عرايس خليتيني
اصير مصلح اجتماعي وانطي نصايح
أنت تقرأ
زواج وضلم ابن عمي
Romantizm#مساء_الخير هلا حبايبي شلونكم رجعتلكم بقصة جديده زواج وظلم أبن العم ان شاء الله راح تعجبكم وهذا مشهد من القصة . . . #المشهد_الاول رحمه : ندك الباب صحت منو كال اني عزام فتحت الباب وهنا شفته من بعد اسنين هو صفن بوجهي كتله هلا خويه شرايد شبيك سرح...
