خُــمْــر

غريق

تدلل على قلبي كثر ما ودّك .

..................

......،......

بداية يوم جديد

فتح عيونه وهو يسمع صوت المويه من الحمام تنهد وانقلب لجهته الثانيه

غمض عيونه وفتحها بسرعه يناظر البلكونه باستغراب غرفته مافيها بلكونه بالكبر ذا

عض شفايفه لما حس بالباب ينفتح وغمض عيونه بقوه وهو يشد على المخده اللي صارت بحضنه

هدوء مافيه الا انفاس صيّاف المسموعه وحركته بالغرفه

فتح عيونه بشويش يناظر المرايه قدامه توضح له صيّاف الواقف وراه

توسعت عيونه لما شافه يفصخ فوطته ويرميها ولبس بوكسره

غمض وبلع ريقه وبعد دقايق حس بصيّاف يجلس على السرير ويهمس له :- غيّد غيّد يلا قوم

همهم بصوت خافت يدعي يصدق انه نايم

بينما صيّاف تنهد و وقف وهو يرفع الغطاء عليه اكثر ويقفل النور ويخرج تاركه براحته

جلس غيّد وتنهد براحه يحس بالهوا اختفى من داخله

فرك عيونه ومدد جسمه مرت دقايق وعيونه على فوطه صيّاف

هز راسه و وقف نازل من السرير وخرج من الغرفه

توه ينتبه لجناح صيّاف وفعلا كان فخم وجميل مثل صاحبه

سمع صوت من المطبخ الصغير واسرع بخطواته خارج من الجناح

توجه لجناحه ودخله قبل ما يصرخ بفزع ويناظر مازن اللي تراجع لورا وطاح بالارض :- غيييد ياحيواان

كتم ضحكته غيّد وقرب منه يرفعه وهو يناظر قميصه الابيض اللي صار بني بسبب القهوه

تأفف مازن وناظره باستغراب :- انت ما كنت نايم بغرفتك ؟

توتر غيّد من سؤاله وهز راسه :- الا بس

قاطعه جاد اللي فتح باب غرفته الي بجناح غيّد وناظرهم :- شفيكم ؟

عقد حواجبه مازن من شكله الغريب شعره الاشقر منكوش وعيونه تحتها اسود ولابس تيشيرت وشورت اسود :- داخل مود الارمله جاد ؟

تأفف جاد ومشى من بينهم ودخل المطبخ بينما غيّد ومازن ناظروا بعض و لحقوه

جلس بعد ما صب لنفسه قهوه وتجاهل غيّد الي جلس جنبه بينما مازن واقف متكي على الجدار

تنحنح غيّد يجذب انتباهه :- جاد شفيك يروحي ؟

ناظره جاد وتنهد ورجع يناظر كوبه اللي بيده

رفع حاجبه مازن وقرب يجلس مقابلهم ومسك يد جاد اللي شاد على الكوب :- جاد قول شفيك من مزعلك ؟