بداية جديدة و رواية جديدة وفعاليات جديدة
استمتعوا يحلوين
تجاهلوا الاخطاء الاملائية
........................
راجعت نفسي ثم ضحكت، وش لي بحبك يا مليّح؟ .
......................
......،......
الساعه 6:00 صباحاً
واقف قدام مرايته ومركز بعيونه المسحوبه وهو يلبس عدساته الطبيه
انتهى ورفع راسه سامح لدموعه تنزل ومسحها واخذ واقي شمس وحط منه
التفت لسريره ورتبه بشكل سريع ولبس جاكيته الثقيل فوق سكرابه الازرق
اخذ جواله ومحفظته وخرج من غرفته نازل من الدرج بخطواته السريعه
توجه لصاله الداخليه يناظر عائلته المجتمعه ، ابوه متراس الطاوله وجنبه زوجته واخوه واخته الصغيره
تنحنح وقرب من ابوه يبوس راسه وجلس جنب اخوه :- صباح الخير
ردوا عليه وتنهد لما سمع ابوه يتنحنح ويلتفت عليه :- وانت لو تارك هالمستشفى ومشتغل معي احسن لك
حاول يبتسم وناظره :- قلت لك ما احب شغل الشركات وغسل الاموال مرتاح بدوامي
ناظره ابوه لثواني وصد عنه يشرب قهوته المّره
ناظر اخوه بطرف عينه وابتسم لما شافه ماسك وجهه يمنع نفسه ما يضحك
بلع ريقه واخذ كوب العصير الي قدامه وشربه دفعه وحده و وقف :- عندي شفت مارح اجي اليوم
ابتسمت له زوجة ابوه ومد له توسته مسويتها :- خذها اكل بطريقك ولا تنسى وجباتك صاير مهمل نفسك
ابتسم لها واخذها منها بعد ما لفته وشكرها وتوجه لاخته يبوس خدها :- لا تنسين بكره ودعنا
ابتسمت له وحضنته :- لا تنساني وتنام بزعل ترا
ضحك وشد خدها الوردي :- لا ياقلبي انسى نفسي ولا انساك احمم يالله مع السلامه
ودعهم وخرج من البيت بخطوات سريعه مرتاح ان ابوه ما نشب له
توجه لسيارته وركبها وعدل المرايه قبل ما يشبك جواله ويشغل اغنيه مياده بينت الحب عليا
ابتسم وحرك للمستشفى الخاص اللي يعمل فيه دكتور طوارئ
وصل بعد ساعه بالضبط وركن سيارته ونزل منها بعد ما اخذ توسته والقهوه الي اخذها بطريقه
أنت تقرأ
خُــمْــر
Kurzgeschichtenأنا لو حطوا الدنيا بكفي بس لجل أنساك رميت الكف والدنيا .. وجيتك قاطعٍ كفي . :- رواية
