خُــمْــر

سلهم

ناظرني وخطف قلبي بهون
بعد ما انا من نواظره انجرحت .

.....................

شكلكم تبوني اقتل غيّد منجد؟ حاضرين حاضرين بسويها

ما تتفاعلون عشان هيك ابعدتهم عن بعض بسببكم قااييز

lt's beginnin'

......،......

الساعه 6:36 صباحاً

غرفة صيّاف

جالس على الكنبه قدام سريره المرتب من امس ويناظر الجدار بسرحان

كل تفكيره بعد كلمة مالك له عن ذكرى حبيبه الاول وخيانته له

تنهد ودلك جبينه لما زاد عليه الصداع و وقف متوجه للحمام

فصخ الروب حقه وبنطلون مع بوكسره وشغل المويه البارده ودخل تحتها

لعلها تبرد النار بداخله وتهدي من عصبيته المفاجئه

غمض عيونه وهو يفرك الشامبو بشعره وابتسم لما تذكر شكل غيّد امس بشورته وكيف كان كبير عليه مره

مر اصابعه بين شعره يبعد الرغوه عنه وفتح عيونه وهو يقفل المويه ويقرب من المغسله ويفرش اسنانه

انتهى وخرج وهو لابس روب خاص بالاستحمام وتوجه لغرفه الملابس

اخرج له بدلة لونها بيج و جاكيت بني وجزمه سودا

لبس و توجه لغرفته وهو يرش من عطره المفضل ورتب شعره لورا ومسح على شاربه يرتبه

رفع راسه يناظر المرايه قدامه وهو يفكر بكلام مالك و زارت عقله ذكرى دفنها باعماقه

تنحنح والتفت للباب اللي اندق ودخل لؤي المبتسم :- صباح الخير يبه

ابتسم صيّاف واخذ جاكيته وهو يخرج ويمشي بجنب لؤي نازلين :- صباح النور وش مصحيك بدري ؟

رفع اكتافه لؤي وهو يناظر الخدم اللي يرتبون طاوله الطعام ويجهزون فطورهم :- ما نمت اصلا

التفت له صيّاف وهو ياخذ فنجان قهوته ويشرب منها :- ليه فيك شي ؟ متضايق من شي ؟

ابتسم لؤي واخذ تفاحه وهو ياكلها :- لا بس كنت افكر بشي و شسمه يوم ميلاد هتان قريب

ناظر فنجانه صيّاف وطال النظر فيه وهو يفكر من يوم تقابل مع غيّد وحياته معفوسه نسى تاريخ ميلاد هتان اللي ولا مره نساه

تنحنح وشرب فنجانه كله وناظره :- ايه وش الخطط ؟

كشر لؤي وهو يحك راسه ويقضم من تفاحته :- مدري يبه فكرت كثير بس ماطلعت بشي حلو

التفتوا للباب اللي انفتح ودخل غيّد وهو لابس تيشيرت اسود ضيق وشورت خفيف و الواضح لهم كان يركض برا