لولاك مازار القمر ليل الأحباب

البارت الخامس

رد عليه عمر :ليه تبينا نترك متعب علشانه خطب بنت جيرانكم !؟
الكل صمت رغد سمعت الكلمه وجلست صامته ماتحرك فيها شي جالسه تقول بينها وبين نفسها اكيد انا أتوهم
اما البنات اخواتها  أنظارهم عليها يناظرون ردت فعلها وخايفين عليها من اللي قاله عمر اخوها
متعب توتر واستحى خصوصا انه قدام بنات عمه
اما ابو خالد عمهم (مهدي ) اعطى نظره لمتعب يعني اقول ولا ما اقول !؟ رد عليه متعب بهزة راس يعني قول عادي
قال ابو خالد:  السالفه ومافيها ان متعب خطب عايشه بنت جارنا بنت زينه وعايشه في البر في الوادي الفلاني وزينه وربت بيت سنعه ولما قال متعب ابغى أتزوج خيرناه بين كذا بنت من الديره واختار عايشه حتى أنها اليوم جايه مع أمها وأبوها هي وحيده أهلها وبكرا نروح نخطب وراح تسكن هي مع متعب في الديره اللي فيها حلال متعب واللي انتم جالسين فيها الان وشي طبيعي البنت ماترضى ان زوجها مجلس عنده بنات عمه وقلت إنكم تجون عندي افضل لي ولكم ودي أنكم عندي وحولي وعمر عندي مع عيال فهد ها ايش رأيكم!؟
الكل صمت ونظرات الجازي مابين رغد وعمها ومتعب
ردت الجازي ياعمي ما ودي نجي عندك طول. العمر ولا ودي نروح عند متعب احنا  نبي شقه لنا لحالنا ونبي الفلوس  نبي حقنا اللي يأكله ابو متعب
ابو خالد: ابشروا على خشمي الليله تروح يامتعب وتجيب كل الأوراق والصرافة اللي ينزل عليها  الفلوس ل ابو عمر رحمة الله عليه  علشان نسلمها الجازي وأبد كل ريال اخذه عمك ابو متعب يرجع لك ردت وقالت ابوي له سنين ميت كيف ودكم تحسبوه أنا ابي الصرافه اللي تنزل عليها حقوقنا وابي كل الأوراق وابي ارجع اخواتي يكملون دراسه كلهم موقفين ولا نقدر حتى ناخذ وظائف بسبب المؤهل الثانوي لنا وابي شقتنا اللي  بإسم ابوي فيه شقه  قدمنا عليها بعد وفاة ابوي أخذناها واشتريناها بالفلوس اللي ابوي كان مجمعها ناوي يشتري بيت بس اشترى شقه وأخذ صكها عمي وأجرها لنا والإيجار ياخذه هو احنا مانشوف منه شي نبي الناس تطلع ونبي حق الايجار يرجع لنا كله حتى اللي فات وحتى الفلوس اللي يصرفها من راتب ابوي يرجعها ريال ينطح ريال حقنا كله يرجع لنا (كانت تقول الكلام هذا الجازي بعد لما شافت كيف متعب تخلى عنهم لما خطب وعمها يبي يأخذهم واكيد مثل ما أخذهم عمهم يبي يرميهم لسبب ما تعبت من هالحاله كل واحد يرميهم على احد كل فتره احد خلاص يطفش ويطلع نفسه من مسؤوليتهم تعبوا من هالحال  وحزنت كثيير على رغد  اختها وحسمت لها لأنها بعد لما سكنوا عند متعب تعلقت  فيه اكثر وصارت تحلل تصرفات متعب على أنها حب مو رحمه لهم وشفقه حزنت كثيير لأنها مرت في هذا الشعور الحب وبعدها الخذلان
ولا تبي اختها تمر في الحاله هذي وخلاص طفح الكيل من هالحاله )
رد عليها متعب وهو يطلع من جيبته أوراق كثيير وظرف فيه مبلغ صدمهم وصرافه على طول عرفت الجازي ان حقهم رجع:قال متعب:هذا حقكم وصبت سعيد يجيبه من البيت اليوم بدون لا احد يدري واكيد ابوي بيرجع البيت ووقت الراتب بيفقد الصرافه والشريحه الرقم اللي ينزل عليه الرسائل وكذا حتى شريحة امكم وجوالها وجوال أبوكم وشريحته وكل شي يخصكم أوراقكم علشان ترجعون للدراسه وإثباتاتكم صك الشقه وطبعا الشقه طلعوا الناس منها كلمتهم وطلعوا تقريبا لهم يومين بس يبي لها تأثيث وانا بأثثها لكم  وهذا الظرف وانا ولد عمكم فيه كل المبلغ اللي ابوي كان ياخذه خلال السنين هذي كلها من راتب أبوكم ومن الشقه كله هنا على قولتك يابنت عمي ريال ينطح ريال لو تجلسون هنا يومين بس أنظفها لكم وأثثها لكم يكون افضل
هنا  رغد وقفت وراحت للجازي وهي تقول طلعي الورقه اللي معك فهمت الجازي وطلعتها وهي صامته وخايفه من تصرفاتها
راحت رغد ة(بقهر ووجع وغيره وعصبيه ودموع على طرف عينها وكميه مشاعر ملخبطه )  وهي تقول مادام اللي في الظرف لنا وهي تفتح الورقه وتقول هنا مسجلين حقك اللي دفعته علينا لما رحنا المول ولما دفعت حق أكلنا وهي تطلع ثلاث آلاف ريال وتحطهم قدامه وتقول هذا حقك اللي دفعته وحق كل شي طبعا فيه زياده علشان المصاريف من اكل ومشرب إذا تبي اطلع لك حقك زياده احنا ماناكل حق احد ولا نناظر احد بشفقه ورحمه ولا نرمي احد كل ماشفنا ان احنا خلاص تعبنا من المسؤوليه كان مادقيت الصدر وقلت تعالوا عندي مادام مو متحملنا كان مادقيت الصدر  مادام ان انت تبي تتزوج وتجيبها في المكان اللي ساكن فيه كان خليتنا هناك ارحم لنا من تصرفك هذا حسينا اللحين وانتوا تقولون كذا (وهي تأشر على عمها ومتعب)حسينا نفسنا ثقيلين على كل شخص نروح له ترى انتم ماتختلفون عن اللي داخل أبدا بس انتم تكلمتوا بصوت واطي وادب ولا انتم نفس الشي وهي توقف وتقول يلا مشينا وابي احد يوصلنا بس ناخذ أغراضنا وهي تلف على متعب وتقول لا تخاف الأغراض اللي أخذناها من جيبك بنخليها في مكانها بس راح ناخذ أغراضنا اللي طلعنا فيها من بيت الفقر
وهي تلف وتدخل داخل وتقول بصوت عالي (مافي احد له منه علينا ولا نبي نشوف نظرات الشفقه اللي دائما نشوفها في عيونكم وكان الكلام واضح في عيونكم يوه ذول أيتام ياحرام الله يعينهم ياحرام ماعندهم بيت يتنقلون بين قرايبهم ياحرام الله يكون في عونهم واللي له حق يجي يقوله في وجهي ويبشر باللي يعطيه حقه وهي تأشر على ابو متعب
(طبعا البنات لموا الأوراق وحطوها في شنطه الجازي إلا الظرف والصرافه والصك أخذتهم رغد ودخلت البيت وهم لحقوها حتى عمهم ابو خالد وعمر ومتعب جالس بصمت يشوف تصرف رغد الغريب واللي الكل مستغربه ايش فيها هذي معصبه للدرجه هذي مايدرون أنها تحطمت كليا مايدرون أنها ماتت من داخلها لكن من برا مسويه نفسها قويه )
وهي تأشر على ابو متعب وتقول انت ياللي مأكل حقنا لك سنين هذا هو رجع وهي ترفع يديها الثنتين اللي فيها الصرافه وصك الشقه والظرف اللي مليان فلوس    
أخذنا حقنا ورجعناه منك ولاعاد تقدر تلمس هلله منه صك الشقه رايحين لها اللحين وحق ابو والفلوس اللي كنت تبلعها لك سنين كلها رجعت لصاحبها وهي تطالع في ام متعب وتضحك وتطالع في شروق المنقهرات وتضحك منصدمين لأنهم كانوا عايشين على فلوسهم وهم اخذوا حقهم واللحين عايشين بدون فلوس وهي تلف وتأشر على هدى وتقول  وانتي ياهدى ياللي ميته على متعب ترى اخذ بنت ابو عايشه (عايشه)وهي تضحك وبدت دموع القهر تنزل الجازي راحت وهي تسحب رغد وتطلعها تحت استغراب الكل وصدمة هدى والكل في خطوبة متعب وانصدم ابو خالد ومتعب لأنها فضحتهم مايبون احد يعرف اما البنات طلعوا لحقوا الجازي ورغد شوي وجاهم فهد 
وقال تعالوا أوصلكم تأخذون أغراضكم وبعدها ننزل البلد أوصلكم شقتكم؟وافقت الجازي وردت رغد تقول لا تخاف بندفع حق أكلنا والبنزين وهي تضحك تحت صدمه فهد من كلامها طنشها ومشى وهو يشغل السياره وركبوا البنات  وعمر مع حقهم اللي سنين يطالبون فيه بس ماتمنوه بالطريقه هذي ولا بجرح مشاعر أختهم