قاطعت حكيهم الجازي: يلا يلا قوموا وتجهزوا راح نطلع اول شي نشتري سياره وبعدها نشتري اثاث بيت وكذا يلا ورانا شغل ولما نرجع قبل وصول الأثاث راح ننظف الشقه كامله تمام ؟!
الكل :تمام
رغد: أنا ببحث عن رقم سواق وادق عليها (ماعندهم كلهم جوالات صاروا يستعملون جوالات امهم وأبوهم )
البنات. راحوا يجهزوا نفسهم ورغد بحثت عن سواق واتصلت عليهم وارسلت له الموقع وقال عشر دقايق واكون عندكم
رغد: بناااااتت السواق يقول ١٠ دقايق ويكون عند العماره استعجلوا
وراحت رغد تلبس عبايتها الثانيه الجديده ولبست جزماتها واخذت شنطتها وحطت فيها كل الأوراق اللازمه
اما عند متعب اليوم قرر انه يروح يجيب أهله علشان الخطبه ومانسى بنات عمه وعمر وفي باله الفكره الزينه اللي فكر فيها من قبل ويبي يسويها اليوم وصل بيت أهله وقال لهم ساعه وارجع لكم وراح جهة شقه البنات وعمر وصل وهو متوتر لاتسوي له رغد سالفه وتحرجه مره ثانيه وهو مو عارف ليه هي تتصرف كذا !
طلع فوق ووقف عند الباب وده يدق الباب لكن !
عند رغد وهي تقول يابنات السواق تحت يلا اطلعوا وهي تقول لعمر يلا مشينا وهم يلحقونا فتحت الباب وهي تظبط نقابها وانصدمت من الشخص اللي رافع يده وكان يبي يدق الباب لكن ! هي فتحت الباب آخر شخص توقعت تشوفه اليوم جلست تناظر فيه وهو يناظر فيها
قال متعب بتوتر :سلام كيفكم ؟
ماردت عليه رغد طنشته وطلعت وهي تقول يلا مشينا
متعب منصدم من تصرفها تتصرف كأنها مو شايفته وكأنه مو موجود !
ثواني وطلعت الجازي ووراها البنات رفعت رأسها انصدمت ب متعب واقف
متعب :سلام كيفكم!
الجازي بتوتر : هلا وعليكم السلام كيفك يا ابن العم اخبارك !
متعب : الحمدالله بخير بس بغيت اعتذر عن اللي صار وأبيكم تشرفوني على خطبتي اليوم وأفرح إذا شاركتوني فرحتي
البنات انصدموا من طريقه اعتذاره جاي يعتذر منا والاعتذار هو ان احنا نجي خطبته ايش الاعتذار الغريب هذا حتى اعتذاره غريب جدا!
ردت الجازي : متى الخطبه !؟
متعب :اليوم بعد العصر انشاءالله نطلع اللحين الساعه ٩ الصباح باقي تجهزوا براحتكم
الجازي : ما ادري نرد لك خبر أنشاءالله إذا نجي او لا بس ماعندنا رقمك عادي تسجله لنا في جوال ابوي رحمه الله عليه
متعب : الله يرحمه طبعا سجلوه لو تحتاجون شي دقوا علي
اخذ متعب الجوال وسجل رقمه وقال ؛إذا بتطلعون قولوا لي امركم
الجازي : انشاءالله
وراح متعب وشاف سياره سواق واقفه برى وراكب فيها عمر قدام ورغد وراء التفت وشاف البنات طالعين يركبوا
متعب : على وين وليه راكبين معه !؟ وليش رغد راكبه قبلكم ليش ماركبت معكم !؟
الجازي : رايحين نشتري سياره ونأثث الشقه الشقه فاضيه نبي نخلص امورنا
متعب : اركبوا معي أنا بوصلكم وانا معكم اساسا المعرض كله رجال كيف بتنزلون هناك !؟
الجازي بتردد خايفه ان رغد تعصب وتقوم الدنيا ؛ما اعرف والله ماعليك راح ندبر امرنا روح انت خلص أشغالك
عصب متعب كيف بنات عمه يركبون مع سواق غريب ويرفضون يركبون كلم رغد وهو يقول : انزل ياعمر وانزلي يابنت ! وهو بوجهه كلامه للسواق ويقوول توكل ولاعاد ترد على هذا الرقم مرره ثانيه وتحظره كمان يلا انزلي يابنت
نزل عمر اما رغد رفضت تنزل وهي تقول
::امشي مع الغريب بفلوسي ولا امشي مع واحد يساعدنا بشفقه وفتره ويمل منا ويروح يخطب ويتزوج كمان !
متعب :انتي ايش دخلك في حياتي أنا متزوج ولا انتي لأيكون متزوجك ومآخذ الثانيه عليك وانا ما ادري !؟ ومتى شفقت عليكم! انتي مو راضيه توزني كلامك من امس وكلامك مو مزبوط ترمي كلامك مو مفهوم ولا تعرفي اثر الكلمه ولا ثمنها !
رغد حست بتوتر وإنها جابت العيد وخافت يعرف اللي داخلها من مشاعر وقالت علشان تنهي الحوار ::انا بمشي مع السواق انت توكل
متعب عرف أنها راح تنهي الحوار حسها خافت من شي هو مو عارفه : لا ماتمشي معه لو على قص رقبتي اساسا المعرض اللي رايحين تشتروا منه السيارات كله رجال مافيه مره إلا ومعها رجالها كبير لاتقولي لي عمر عمر بزر صغير لو نصب عليكم مادريتي انزلي وتعوذي من الشيطان و إركبي الشاص
أنت تقرأ
لولاك مازار القمر ليل الأحباب
Misterio / Suspensoتيك توك /rawat.q أنستا /rawat.qq كانت جالسه على فراشها الأرضي المقطع وحولها اخواتها وأخوها المراهق بهدوء لكن قطع هذا الهدوء صوت عمها السكران وقامت ركض علشان تتأكد من الباب مسكر لكن
