بنهاية دوامها خرجت وهي مصدعه من ريحة المستشفى وبس تبي توصل الشقه تنام
وقفت يوم شافت اثنين يحاولون يدفون سيارتها وراء
حنان: خير ان شاء الله
لفو الاثنين بفزع ورفعت حاجبها يوم محد رد
حنان: الي اعرفه السياره الي وراء حقتكم على اي اساس تلمسون سيارتي
بعد عينه سعود وم رد تنحنح سالم
سالم: اختي انتي الغلطانه مقفله الطريق علينا ؟
حنان: لا اعرفك ولا تعرفني علشان اصير اختك هذا اولا ثانيا مو انا الي سرقت الموقف
ضحك سعود وهمس بسخريه
: من متى صار في اسامي بالمواقف
تقدمت ووخرو بذهول من ثقتها وغرورها دخلت ويوم جت تبي تحرك ناظرت سعود
حنان: مو انا الي يكوني خكاريه
وقبل م تسمع رد منهم حركت
سالم: لسانها طويل واضح انها بنت الرياض
سعود: واضح شوفة النفس عندها
..
تنهدت حنان يوم وصلت ونزلت عبايتها وحجابها وجاها اتصال من اختها قفلت جوالها مالها نفس تكلم احد
دخلت الحمام واخذت شاور سريع ويم خرجت تذكرت وجيههم وابتسمت بسخريه
فتحت ملفات الدكاتره والممرضات لفت انتباها ملفه
سعود عبدالله الشمري
عمره 26 طبيب طوارئ كمل سنتين بالمستشفى
وكملت تشوف ملفه هو وصديقه سالم
حنان: م قد احد اشتكاهم او اشتكو كويس
فركت بين حواجبها وقفلت الملف وقررت تنام وبكرا تكمل الباقي
..
وصلت قبلها بعشر دقايق ولقت موقف نزلت ومعها كوبين واحد قهوه وثاني شوكولاته ساخنه
صادفت سعود بس هالمره لحاله كان بعيد عنها بس م منعها تطالع دامها لابسه نظاره شمسيه
كان لابس سكراب اسود و حاط الابكوت خلف وماسكه ب اصبع
حنان: مسوي يعنني انا خقه
دخلت المصعد وضغطت الدور الثالث وقبل لا يتقفل انفتح مره ثانيه
رفعت عيونها من شافت الرجل الي وقفت المصعد
دخل سعود ومعه موظفة ابتسمت حنان بتصنع
سعود: سلام عليكم استاذه حنان
حنان: وعليكم السلام دكتور
حست حنان بنظرات البنت حولهم بس م اهتمت تنهد يوم طلعو
حنان: شيبي يسولف وجع
وصلت مكتبها ودخلت وشافت وجدان ابتسمت لها
