..
وصلو مطار جده وابتسمت حنان وحضنت ذراع سعود تمشي
حنان: اشتقت
سعود: افا لهدرجه كريهه
حنان: سعودي م اقصد يعني-..
سعود: ادري امزح
اخذو سيارتهم وطلعو اغراضهم و راحو بيتهم وطبعا من الباب ونوير تهلل فيهم
نوير: هلا بالغالين هلا بعيالي هلا بكلي
ابتسمت حنان وراحت تبوس راسها
حنان: الله يديمك لنا
نوير: بشرو شلون السفره شلون ايطاليا ؟
ناظرت حنان سعود
حنان: تجنن بس السياح هناك ملاقيف
ضحك سعود يوم فهمها
نوير: طيب تعالو اوريكم هديتكم
مسكت حنان وسحبتها وسعود لحقهم بهدوء وشافها طالعه برا
سعود: يمه وين رايحين
نوير: امشو وراي بس
وسع عينه سعود يوم شافها تطلع مع الدرج الخلفي ويوم وصلو للباب مدت يدها لحنان
نوير: هذي هديتي لكم
عطتها المفتاح وناظرت سعود المصدوم فتحت الباب وشهقت يوم دخلت الشقه
حنان ببكي: خالتييي
قربت وحضنتها
سعود: م توقعت بتفتحين الشقه ذي
نوير: تأخذون راحتكم فيها وفرشتها لكم اذا بغيتو تغيرون شي كيفكم
قرب سعود وباس راسها
سعود: الله يديمك لي
..
كانت ترتب ملابس السفر بالكبت وسعود يكلم سالم
سعود: اي رجعنا الحمدلله
سالم: شلون ايطاليا
سعود وهو يطالع حنان: افف خني ساكت
سالم: لهذي درجه .. طيب اسمع زوجتي تبي تروح الملاهي
سعود: وجدان؟
لفت حنان ب اهتمام
سالم: وانا عندي غيرها .. المهم ابي فزعتك انت وحنان
سعود: وش بيودينا الملاهي بذا العمر
سالم: اذا طلعت وحمه بوجهه ولدي بقوله يتفاهم مع خاله
سعود: طيب طيب بشوف حنان
قفل وقربت منه
حنان: وجدان تبي تروح ملاهي ؟
سعود: ايه تروحين ؟
حنان: اكيد تبي تطلع وحمه بنص راسه .. بكلم شوشو تجي معنا بعد
سعود: اوكيه ممكن ننام الحين
حنان: ممكن
سحبها لحضنه وانسدح يغمض عينه
حنان: دايم تسحبني كاني ريشه
سعود: وانتي صدق ريشه
..
كان سالم داخل الطوارئ ياخذ عينه وشاف مشعل قدام
